అందమైన ఓ గ్రీకుదేవతే కాదు… ప్రపంచచరిత్రలోనే క్లియో‘పాత్ర’..!

నిజానికి Cleopatra was famous for her Intellect… క్లియోపాత్ర చనిపోయిన 100 యేండ్ల తర్వాత కూడా ప్రఖ్యాత రోమన్ చరిత్రకారుడు ప్లుటార్క్ ఆమె గురించి ప్రస్తావిస్తూ she wowed with brains and Charm, Not beauty alone అని రాశాడు. అప్పటివరకు నాణేల మీద మగ రాజుల ముద్రలు మాత్రమే ఉండేవి; నాకు తెలిసి చరిత్రలో మొదటిసారి నాణేలపై ఆడ రాణి ముద్రలు కూడా ఉండటం క్లియోపాత్రతోనే ప్రారంభం అయ్యింది. ఈజిప్ట్ ని పరిపాలించిన 12 వ టాలెమీ మరణించాక ఈజిప్ట్ లో సివిల్ వార్ జరిగింది… 17 సంవత్సరాల వయస్సులోనే 12 వ టాలెమీ కుమార్తె క్లియోపాత్ర తెలివి, చాకచక్యంతో అంతర్యుద్ధాన్ని అణిచివేసింది. ఒక్క నెత్తురు బొట్టు కారలేదు, ఒక్క తల తెగలేదు; కానీ అంతర్యుద్ధాన్ని ఆపింది; ఈజిప్ట్ పరిపాలకురాలు అయ్యింది…

రోమన్ చక్రవర్తుల అధికార కాంక్ష గురించి ప్రపంచం అంతా తెలుసు. ప్రఖ్యాత రోమ్ సామ్రాజ్యాన్ని ఆనుకుని ఉన్న ఈజిప్ట్ పై రోమన్ చక్రవర్తి జూలియస్ సీజర్ కన్నుపడింది. సీజర్ తో జరిగిన యుద్ధంలో ఈజిప్ట్ సైన్యం ఓడిపోయింది. సీజర్ సంబరాల్లో మునిగిపోయి మధుపానీయం సేవిస్తూ ఉండగా, అతని రక్షణ వలయాన్ని ఛేదించి మారువేషంలో జూలియస్ సీజర్ ముందు నిలబడి నా పేరు క్లియో పాత్ర, ఈజిప్ట్ పరిపాలకురాలిని అని చెప్పింది… ఐదు వలయాల చక్రవర్తి రక్షణ వ్యవస్థని దాటి ఎలా వచ్చావ్ అని అడిగితే.. గెలిచిన తర్వాత ఎవరైనా బలహీనంగా ఆలోచిస్తారు, అందర్నీ నరికేశా అని చెప్పింది. క్లియోపాత్ర ధైర్యసాహసాలకి మెచ్చి తను గెలిచిన ఈజిప్ట్ నే తిరిగి క్లియోపాత్రకే ఇచ్చాడు జూలియస్ సీజర్. సీజర్ మరణం తర్వాత మార్క్ ఆంటోనీ రోమన్ పరిపాలకుడు అయ్యాక ఆంటోనీతో కూడా క్లియోపాత్ర మెరుగైన సంబంధాలు నెలకొల్పింది. ఈనాటి భాషలో చెప్పాలంటే జూలియస్ సీజర్ తో స్ట్రాటజిక్ అలయన్స్, మార్క్ ఆంటోనితో పొలిటికల్ అలయన్స్. ప్రపంచంలో అత్యంత శక్తివంతమైన రాజ్యం పక్కనే ఉన్నా ఒక్క ఇంచు ఈజిప్ట్ భూమి కూడా వేరే వాళ్ళ వశం కాకుండా చూసుకోవటం క్లియోపాత్ర వల్లనే సాధ్యమైంది. మాతృభాష గ్రీకు అయినా, కష్టమైన ఈజిప్షియన్ భాష నేర్చుకుంది, రోమన్ నేర్చుకుంది, 12 భాషలు మాట్లాడగలిగిన పరిపాలకురాలు నాకు తెలిసి చరిత్రలో క్లియోపాత్ర ఒక్కరే.