పుతిన్ హత్యకు డర్టీ బాంబ్..! పాకిస్థాన్ నుంచే యురేనియం సరఫరా..!

11 జనవరి, 2023

లండన్ లోని ‘హిత్రూ ‘ ఎయిర్ పోర్ట్ లో శుద్ధి చేయని యురేనియం పాకెట్ ని కనుక్కున్నారు అధికారులు!

యురేనియం ఉన్న పాకెట్ పాకిస్థాన్ నుండి లండన్ వచ్చింది !

పాకిస్థాన్ నుండి స్క్రాప్ [తుక్కు] గా పేర్కొన్న పాకెట్ ఒకటి ఒమన్ దేశం మీదుగా లండన్ లోని హిత్రూ విమానాశ్రయానికి వచ్చింది ! ఈ పాకెట్ లండన్ లో ప్రవాస జీవితం గడుపుతున్న ఇరాన్ జాతీయుల అడ్రస్ కి డెలివరీ అవ్వాల్సి ఉంది !

ఇక కంటైనర్ ద్వారా తుక్కుగా పేర్కొన్న పాకెట్ పాకిస్థాన్ విమానాశ్రయంలో లోడ్ అయ్యి, అక్కడి నుండి అది ఒమన్ దేశంలో అన్ లోడ్ అయ్యి, అక్కడి నుండి వేరే విమానంలో లండన్ లోని హిత్రూ ఎయిర్ పోర్ట్ కి చేరుకుంది.

స్క్రాప్ [తుక్కుగా] పేర్కొన్నారు కాబట్టి హిత్రూ ఎయిర్ పోర్ట్ కి కొంచెం దూరంగా ఉండే చెకింగ్ గోడౌన్ కి వెళ్ళిపోయింది కంటైనర్. అక్కడ యథాప్రకారం అన్నిటినీ స్కాన్ చేస్తుండగా రేడియో యాక్టివ్ మెటీరీయల్ ఉంటే మోగే అలారం మోగింది. వెంటనే అప్రమత్తమయిన అధికారులు కంటైనర్ లో ఉన్న తుక్కుని జాగ్రత్తగా వెతకగా ఒక పాకెట్ దగ్గరకి వచ్చేసరికి స్కానర్ ఎక్కువ రేడియన్ ఉన్నట్లుగా అలారం మోగింది. దాంతో జాగ్రత్తగా ఆ పాకెట్ ని తీసుకొని భద్రతా పరంగా జాగ్రత్తలు తీసుకొని విప్పి చూడగా, అందులో శుద్ధి చేయని యురేనియం బయటపడ్డది !

**************************************************************************

ఆ పాకెట్ మీద పాకిస్థాన్ నుండి లండన్ లోని ఒక ప్రదేశానికి వెళ్లాల్సిన అడ్రస్ ఉంది !

1. పాకిస్థాన్ లో భద్రతా పరమయిన తనిఖీలు చేయకుండానే ఆ పాకెట్ కంటైనర్ లోకి ఎలా వెళ్ళగలిగింది ? సాధారణంగా అన్ని పార్సెళ్ళు స్కానర్ ద్వారా వెళ్ళి ఎలాంటి పేలుడు పదార్ధాలు లేవని నిర్ధారణ అయ్యాక మాత్రమే విమానాశ్రయం కార్గో విభాగానికి వెళ్లాల్సి ఉంటుంది, అలాంటిది శుద్ధి చేయని యురేనియం స్కానర్ ద్వారా ఎలా వెళ్ళ గలిగింది ?

2. శుద్ధి చేయని యురేనియం కనుక ఉంటే వెంటనే స్కానర్ లో ఉండే సెన్సార్ పసిగట్టి అలారం మొగిస్తుంది. యురేనియం శుద్ధి చేయకపోయినా రేడియషన్ విడుదల చేస్తూనే ఉంటుంది కొద్ది మోతాదులో.

3. అంటే పాకిస్థాన్ విమానాశ్రయంలో యురేనియం ఉన్న పాకెట్ చెక్ చేయకుండా నేరుగా కార్గోకి పంపి ఉంటారు. దీనికోసం అత్యున్నత హోదా కలిగిన అధికారి జోక్యం చేసుకోవాల్సి ఉంటుంది.

4. సహజంగానే పాక్ గూఢచార సంస్థ ISI హస్తం ఉన్నదని తేలికగా తెలుసుకోవచ్చు ! మామూలు స్మగ్లర్లు విమానం కార్గో ద్వారా ఈ పని చేయలేరు. చిన్న చిన్న బోట్ల ద్వారా సముద్రంలోకి తీసుకెళ్ళి అక్కడ పెద్ద రవాణా నౌకల ద్వారా స్మగుల్ చేస్తారు ఇది కూడా కష్టమయిన పనే ! పట్టుబడితే మొత్తం నౌకని సీజ్ చేయడమే కాదు ఆ నౌక కెప్టెన్ తో పాటు యాజమానిని కూడా అరెస్ట్ చేస్తారు కాబట్టి యురేనియంని స్మగుల్ చేయడం కష్టం !

5. లండన్ లోని ఇరాన్ జాతీయుల అడ్రస్ కి డెలివరీ అవ్వాల్సి ఉంది. కానీ ఇరాన్ జాతీయులకి యురేనియంతో పని ఏమిటీ ? వాళ్ళు ఇరాన్ నుండి శరణార్ధులుగా బ్రిటన్ వచ్చారు కాబట్టి ఇలాంటి పనులు చేస్తే జీవితాంతం జైలు జీవితం గడపాల్సి ఉంటుంది !

6. బ్రిటన్ లో దాదాపుగా 2 వేల మంది రష్యన్లు ఉన్నారు. వీళ్ళు పుతిన్ కి వ్యతిరేకంగా పనిచేసి ఉండడం వలన పుతిన్ చేతిలో హత్యకి గురి అవుతామనే భయంతో బ్రిటన్ లో ఆశ్రయం పొందుతున్నారు !

7. పాకిస్థాన్ నుండి శుద్ధి చేయని యురేనియం ఇరాన్ జాతీయులకి వెళ్ళడం వెనుక రెండు సందేహాలు వాటికి పోల్చతగ్గ ఆధారాలు కనపడుతున్నాయి.

8. ఇరాన్ అణ్వాయుధం తయారుచేయడానికి పాకిస్థాన్ నుండి శుద్ధి చేయని యురేనియంని బ్రిటన్ లోని తమ పౌరులకి చేర్చి అక్కడ నుండి ఇరాన్ కి సముద్ర మార్గంగా ద్వారా చేర్చాలనే ప్రయత్నంలో దొరికిపోయి ఉండవచ్చు.

9. కానీ ఇజ్రాయెల్ కి చెందిన ‘మొస్సాద్ ‘ ముందే పసిగట్టి ఆ ప్రయత్నాన్ని అడ్డగించే అవకాశం ఉన్నది కాబట్టి ఇరాన్ అణ్వాయుధం కోసం అయితే ఈ పని చేసి ఉండక పోయి ఉండవచ్చు. ఒకవేళ యురేనియం కనుక ఇరాన్ వెళ్ళే అవకాశం ఉంటే మొస్సాద్ సమాచారం ఇచ్చి ఉండేది బ్రిటన్ కి. కానీ అలా జరగలేదు కాబట్టి అది ఇరాన్ కి వెళ్ళే అంశం కాదు.

10. ఇరాన్ పౌరుల ద్వారా అది లండన్ లోనే ఉంటున్న రష్యన్ల కి చేర్చాలనే వ్యూహం ఉండి ఉండవచ్చు. రష్యన్లు శుద్ధి చేయని యూరేనియంతో ‘డర్టీ బాంబ్‘ తయారుచేసి దానిని పుతిన్ ని హత్యచేయడానికి ఉపయోగించే ప్లాన్ అయి ఉండవచ్చు !

11. లండన్ నుండి సముద్ర మార్గం ద్వారా ఉక్రెయిన్ కి చేర్చి అక్కడ దానిని శుద్ధి చేసి లేదా శుద్ధి చేయకుండానే డర్టీ బాంబ్ తయారు చేసి పుతిన్ హత్యకి వాడాలనే ప్లాన్ కూడా ఉండి ఉండవచ్చు !

12. గత నెలలో వరుసగా ముగ్గురు రష్యన్ పారిశ్రామిక వేత్తలు 15 రోజుల వ్యవధిలో ఒరిస్సాలో అనూహ్యమయిన పరిస్థితుల్లో మరణించిన సంగతి తెలిసిందే ! మరణించిన ముగ్గురు రష్యన్లు కూడా ఆత్మహత్య చేసుకున్నట్లుగా పోలీస్ రికార్డులలో నమోదు అయ్యింది కానీ ఈ ముగ్గురు రష్యన్లు కూడా పుతిన్ వ్యతిరేకులు కాబట్టి పుతిన్ హత్యకి ప్లాన్ చేసి అది బయటపడడంతో భారత్ కి వచ్చి ఒరిస్సాలో హత్యకి గురి అయ్యారు !

13. ముగ్గురు రష్యన్ పారిశ్రామికవేత్తలు హత్యకి గురి అయిన రోజులలోనే శుద్ధి చేయని యురేనియం డిసెంబర్ 29 న లండన్ లో పట్టుబడింది ! అదీ రొటీన్ తనిఖీలలో భాగంగానే పట్టుపడింది తప్పితే ఎలాంటి ఇంటెలిజెన్స్ సమాచారం ద్వారా కాదు అన్నది గమనార్హం ఇక్కడ !

ఇవన్నీ పక్కన పెడితే అసలు ప్రమాదకరమయిన యురేనియం దర్జాగా ప్రయాణికుల విమానం కార్గో ద్వారా ఎలా పాకిస్థాన్ నుండి బయటపడగలిగింది ? యురేనియం ఏమీ చిన్నా చితకా వస్తువు కాదు కదా ? లక్షల డాలర్ల విలువ చేస్తుంది కదా ? ఎవరు ఎవరికి డాలర్ల రూపంలో డబ్బు చెల్లించారు ?

ఆరిజిన్ పాకిస్థాన్ లోని ఎయిర్పోర్ట్ కాబట్టి FATF గ్రే లిస్ట్ నుండి తీసేసిన అమెరికా దాని మిత్ర దేశాలు ఇప్పుడు పాకిస్థాన్ ని బ్లాక్ లిస్ట్ లో పెట్టగలవా ?

ఇది జరగదు ! అమెరికాతో పాటు సౌదీ ఆరేబియాలు కలిసి పాకిస్థాన్ కి 10 బిలియన్ డాలర్లు బెయిల్ అవుట్ పాకేజీగా ఇవ్వబోతున్నాయి ! అంతే కాదు, గత సంవత్సరం వరదలతో తీవ్రంగా నష్టపోయిన పాకిస్థాన్ లో సౌదీ అరేబియా భారీగా పెట్టుబడులు పెట్టబోతున్నది ఆర్ధికంగా పాకిస్థాన్ నిలదొక్కుకునేందుకు !

యురేనియం పాకిస్థాన్ నుండి లండన్ చేరినా ఇంతవరకూ దీని మీద ఎవరూ అంటే అటు యూరోపు దేశాలు కానీ ఇటు అమెరికా కానీ ఎలాంటి ప్రకటన చేయలేదు. లండన్ పోలీసుల విచారణ తాలూకు వివరాలు బహుశా బయటికి రాకపోవచ్చు ఎందుకంటే అది పుతిన్ హత్యకి ఉపయోగించేదిగా నిర్ధారణ అవుతుంది కాబట్టి !

ఎక్కడో ఏదో దేశంలో యురేనియం పట్టుబడితే ఆ సంగతి మనకెందుకు ? ఇలాంటి విషయాలని జాగ్రత్తగా గమనించపోతే తరువాత జరిగే అంతర్జాతీయ సంఘటనల తాలూకు విషయాలు మనకి అర్ధం కావు ఎందుకంటే ఇలాంటివి ఒక దానితో ఇంకొకటి చైన్ లింకు పద్ధతిలో పెనవేసుకొనిపోయి ఉంటాయి కాబట్టి తెలుసుకోవడం అవసరం !

అధికారికంగానే పాకిస్థాన్ నుండి లండన్ కి యురేనియం సరఫరా జరిగింది !