యెల్లో కూటమికి గాజు గ్లాసు గండం..! పగిలిన గ్లాసు ప్రమాదమే సుమీ..!!

తెలుసుగా… గాజు గ్లాసు పగిలేకొద్దీ పదునెక్కిద్ది… అన్నట్టుగా ఆమధ్య ఏదో పదునైన సమర్థన పత్రికల్లో చదివినట్టు గుర్తు… ఇప్పుడు హఠాత్తుగా అదే గుర్తొచ్చింది… ఎందుకంటే..? ఏపీలో కొందరు ఇండిపెండెంట్లకు జనసేన గాజు గ్లాసు గుర్తు కేటాయించారు… అవును, ఇప్పుడు ఆ పగిలిన గాజు ముక్కలు పదునెక్కి ఠారెత్తించనున్నాయి… జనసేనను మాత్రమే కాదు, ఆ కూటమినే..!

పగిలేకొద్దీ పదునెక్కిద్ది అనే డైలాగ్‌కు కౌంటర్‌గా… తాగిన గ్లాసు సింకులో ఉండాలి, పేపర్ గ్లాసయితే డస్ట్ బిన్‌లో ఉండాలి అని వైసీపీ కూడా వ్యంగ్యంగా బాగానే ప్రచారం చేసినట్టుంది… సరే, ఆ సోషల్ పోరాటం మాటెలా ఉన్నా… ప్రస్తుతం కొన్ని నియోజకవర్గాల్లో జనసేన నాయకులు సహా టీడీపీ, బీజేపీ నాయకులు కూడా ‘‘గాజు గ్లాసుకు వోటేయవద్దు ప్లీజ్’’ అని వోటర్లు మొరపెట్టుకోవాల్సి వచ్చేట్టుంది…

ఇదేంటి ఇసిత్రం..? ఎందుకలా అంటారా..? కారణం ఉంది… ఏపీలో అనేకచోట్ల వైసీపీ, యెల్లో కూటమి నడుమ టఫ్ ఫైట్ ఉంది… తెలుగుదేశం పార్టీకి జీవన్మరణ సమస్య కదా… సర్వశక్తులూ ఒడ్డుతోంది… జనసేన అధికారికంగా పోటీలో లేని కొన్నిచోట్ల ఇప్పుడు గాజు గ్లాసు గుర్తును ఎన్నికల సంఘం ఇండిపెండెంట్లకు కేటాయించింది… అక్రమం ఏమీ కాదు, రూల్ ప్రకారమే…

గుర్తును పోలిన గుర్తుల వల్ల (అంటే కారు గుర్తును తలపించే ట్రక్కు గుర్తు వంటివి) టఫ్ ఫైట్ ఉన్నచోట్ల గెలుపోటములే ప్రభావితం అవుతాయి… అలా జరిగిన ఉదంతాలూ బోలెడు… ఈ గాజు గ్లాసుతో జరిగే నష్టం మరో తీరు… పవన్ కల్యాణ్ ఫ్యాన్స్ లేదా ఆ పార్టీ సానుభూతిపరులు పొరపాటున ఆ గాజు గ్లాసు గుర్తు పొందిన ఇండిపెండెంట్లు మనవాళ్లే అనుకుని వోట్లేసే ప్రమాదం ఉంది… అది కూటమికి దెబ్బ అవుతుంది…

Sri Nivas Racharla సోషల్ మీడియా పోస్టు మేరకు… ఇదుగో ఇన్నిచోట్ల ఇండిపెండెంట్లకు గాజు గ్లాసు గుర్తు కేటాయించారు…

1. విజయనగరం మాజీ ఎమ్మెల్యే, ఇండిపెండెంట్‌, అభ్యర్థి మీసాల గీత (టీడీపీ రెబల్).

2. మైలవరం స్వతంత్ర అభ్యర్థి వల్లభనేని నాగ పవన్ కుమార్.

3. విజయవాడ సెంట్రల్‌లో ఆంధ్ర రాష్ట్ర ప్రజా సమితి అభ్యర్థి గొల్లపల్లి ఫణిరాజ్.

4. టెక్కలిలో స్వతంత్ర అభ్యర్థి అట్టాడ రాజేష్.

5. కాకినాడ జిల్లా జగ్గంపేట స్వతంత్ర అభ్యర్థి పాఠంశెట్టి సూర్యచంద్ర.

6. కావలి టీడీపీ రెబల్ సుధాకర్.

7. పెదకూరపాడులో ఎమ్మెల్యే నంబూరు శంకర్రావు కుమారుడు నంబూరు కళ్యాణ్ బాబు.

8. గన్నవరంలో స్వతంత్ర అభ్యర్థి వల్లభనేని వంశీమోహన కృష్ణ.

9. మంగళగిరిలో రావుసుబ్రహ్మణ్యం.

10. మదనపల్లె ఇండిపెండెంట్ అభ్యర్థి షాజహాన్‌.

11. ఎస్.కోటలో జనసేన రెబల్ కొట్యాడ లోకాభిరామకోటి.

12. అనకాపల్లి పార్లమెంట్ అభ్యర్థిగా బరిలో ఉన్నదళిత బహుజన పార్టీకి చెందిన వడ్లమూరి కృష్ణ స్వరూప.

13. విజయవాడ ఎంపీ సీటులో నవతరం పార్టీ అభ్యర్ధిగా బరిలోకి దిగిన యనమండ్ర కృష్ణకిషోర్.

14. రాప్తాడు, మదనపల్లి, చంద్రగిరి, శ్రీకాళహస్తి కమలాపురం, మచిలీపట్నం కూడా…

ఆల్రెడీ గుర్తుల కేటాయింపులు కూడా అయిపోయాయి కాబట్టి ఇక చేసేదేమీ లేదు… జరిగే నష్టాన్ని నివారించే అరకొర చర్యలు తప్ప..! అవునూ, గాజు గ్లాసు గుర్తు జనసేనకే అన్నారు కదా, కేంద్ర ఎన్నికల సంఘం స్పష్టంగానే చెప్పింది కదా, మరి ఇలా ఇండిపెండెంట్లకు ఎలా కేటాయించారు అంటారా..? ఇదుగో ఆ వివరాలు… ఇవీ ఆ ఫేస్ బుక్ వాల్ మీదివే…