Muchata

Find Latest News in Telugu from muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

హవ్వ… వేణుస్వామి పబ్బులో కనిపించాడట… ఇంకేం, లోకవినాశనమే…

June 17, 2024 by M S R

ఆశ్చర్యమేసింది… అదేదో హెలో పబ్బులో వేణుస్వామి దొరికిపోయాడట… ఇంకేముంది..? ఇంత అన్యాయమా..? అయిపోయింది, లోకం నాశనమే… ఇంత ఛండాలమా..,? ఏమిటీ దరిద్రం..? అన్నట్టుగా ఎడాపెడా పోస్టులు, ట్వీటులు… విమర్శలు, కారెడ్డాలు (వ్యంగ్యాలు)…

నిజానికి చాన్నాళ్లుగా వేణుస్వామి వ్యవహారశైలిని గమనిస్తున్న నాకు అధికాశ్చర్యం ఇది… ఈమధ్య టీడీపీ బ్యాచ్‌కు తను టార్గెటయ్యాడు ప్రముఖంగా… ఎందుకంటే, తను జగన్ మళ్లీ గెలుస్తాడని జోస్యం చెప్పడమే… అవును, అది తప్పే, ఇకపై ఏ సెలబ్రిటీకి జోస్యం చెప్పబోను, నా విద్య అనుమతించిన, చెప్పిన మేరకే ఆ జోస్యం చెప్పాను, ఐనాసరే, ఇకపై ఏ సెలబ్రిటీ గురించీ ఏమీ చెప్పబోను అని పబ్లిక్ స్టేట్‌మెంట్ ఇచ్చాడు తను…

ఐతే పబ్బులో దొరకడం గురించి అంటారా..? అబ్బ, భలే పట్టుకున్నాం ఆయన్ని అని ఒకటే గోల పొద్దుణ్నుంచీ… హహ… వాళ్లందరికీ తెలియని నిజం ఒకటుంది… వేణుస్వామికే ఓ పబ్బు ఉంది… వేరే పబ్బులో దొరకడం ఏమిటి..? ఐనా దొరకడం ఏమిటి..? అదేదో దొంగతనంలాగా…

Ads

తను వామాచార పద్థతిలో చేసే పూజల్లోనే మద్యం, మాంసం ఉంటాయి… ఆ పూజే ఓరకంగా అఘోరా టైపు… ఒరే బాబూ, నా పూజల తీరే ఇదీ అని చెబుతుంటే, పబ్బుల్లో దొరికాడు, మబ్బుల్లో ఉరిమాడు అనే భాషేమిటో… అదేం గొప్పతనపు ప్రకటనో అర్థం కాదు…

వేణుస్వామి

ఆయన కళామందిర్ ఓనర్… అంతకుముందు ఏదో పూజ చేయించుకున్నాడు… నగరంలోని ప్రముఖ వ్యాపారులు, వ్యాపారులకు హెలో పబ్బులో పార్టీ ఇచ్చాడు… ఆ పూజ చేసిన వేణుస్వామి నేరుగా పబ్బుకు కూడా వెళ్లి ఆయనేదో చెబుతుంటే వింటున్నాడు, అదీ కథ…

అసలు తన సోషల్ పోస్టుల్లోనే మటన్, మద్యంతో కనిపించే వేణుస్వామిని ఏదో దుష్టకార్యం చేస్తుంటే పట్టుకున్నట్టు తాజాగా పోస్టులు… నిజానికి ఇవి కాదు… ఎవరైనా నకిలీ బాబాలు, దేవుడి పేరు చెప్పి, వందల ఎకరాల్లో ఆశ్రమాలు కట్టి, అందులో నానా అరాచకాలు చేస్తుంటే… అసాంఘిక కార్యక్రమాలు సాగుతుంటే… వీడియోలు తీసి, కథలు రాసి, బహిరంగం చేయండి, పర్లేదు…

అదీ సమాజహితం… వాడెవడో పబ్బుల్లో కనిపించాడు, వీడెవడో దుబాయ్‌లో ఎంజాయ్ చేస్తున్నాడు, ఇంకెవడో మటన్ తింటున్నాడు, మరెవడో మందు తాగుతున్నాడు… ఇవా పరిశోధనాత్మక కథనాలు..? యాణ్నుంచి వస్తర్ర భయ్ మీరంతా…!!

Share this Article



Advertisement

Search On Site

Latest Articles

  • కామాఖ్యలో కనిపించిన ఓ విశిష్టమైన తంతు… నొప్పి మార్పిడి…
  • స్టార్ల చిన్ననాటి ముచ్చట్లు… జగపతిబాబు టాక్ షో ఆసక్తికరం…
  • సీఎం రేవంత్‌రెడ్డి ఆలోచన కరెక్ట్… మన స్కూలింగ్ విధానం మారాలి…
  • వాము మంచిదే కానీ జాగ్రత్త, రెచ్చిపోకండి… మసాలా దినుసుల్లో మహారాణి…
  • సీతారామశాస్త్రి రాసిన చరణాల్ని కూడా… బేసబబు అని బాలు మార్చేశాడు..!!
  • *నువ్వు లేకపోతే ఈ లోకం ఏమీ ఆగిపోదు… పిచ్చి భ్రమల్లో బతకొద్దు…*
  • జపాన్ దేశం ఉనికికే ముప్పు..? ఆమె జోస్యంతో భారీ భయ ప్రకంపనలు..!!
  • చైనా అధ్యక్షుడు జిన్‌పింగ్ కనిపించుట లేదు… విధుల్లో లేడు, దింపేశారా..?
  • తెలంగాణ సీఎం ఎవరు..? అసలు ఈ మీనాక్షి నటరాజన్ ఎవరు..?
  • పోక్సో కేసులో లంచంగా ఆరు సమోసాలు… పోలీసుల ఇజ్జత్ తీసేశాడు…

Archives

Copyright © 2025 · Muchata.com · Technology Management by CultNerds IT Solutions