.
డైనమిక్ భారత్: రక్షణ రంగంలో ‘మహా’ విజయం.. ప్రపంచ దేశాల గుత్తాధిపత్యానికి DRDO బ్రేక్!
న్యూఢిల్లీ: భారత రక్షణ పరిశోధన చరిత్రలో ఒక నూతన అధ్యాయం మొదలైంది… యుద్ధ తంత్రాన్ని మార్చే సామర్థ్యం ఉన్న Gallium Nitride (GaN) సెమీకండక్టర్ టెక్నాలజీని రక్షణ పరిశోధన అభివృద్ధి సంస్థ (DRDO) దేశీయంగా అభివృద్ధి చేసి అద్భుతం సృష్టించింది… ఈ విజయంతో అమెరికా, చైనా వంటి అగ్రరాజ్యాల సరసన భారత్ గర్వంగా నిలబడింది…
Ads
రాఫేల్ కసి నుంచి పుట్టిన ఆవిష్కరణ! కొన్ని ఏళ్ల క్రితం ఫ్రాన్స్తో రాఫేల్ యుద్ధ విమానాల ఒప్పందం జరిగినప్పుడు, భారత్ ఈ GaN టెక్నాలజీని బదిలీ చేయాలని కోరింది… “చిప్స్ అమ్ముతాం కానీ, తయారీ రహస్యం (Formula) మాత్రం ఇవ్వం” అని ఫ్రాన్స్ ఖరాఖండిగా చెప్పేసింది… ఆ అవమానాన్ని సవాలుగా తీసుకున్న భారత శాస్త్రవేత్తలు, స్వదేశీ పరిజ్ఞానంతోనే ఈ “మిరాకిల్ చిప్”ను తయారు చేసి చూపించారు…
ఏమిటి ఈ GaN ప్రత్యేకత? సాధారణంగా మనం వాడే సిలికాన్ చిప్స్తో పోలిస్తే ఇవి వెయ్యి రెట్లు మెరుగైనవి…
-
తీవ్ర ఉష్ణోగ్రతలు…: 1000 డిగ్రీల సెల్సియస్ వేడిని కూడా తట్టుకోగలవు…
-
వేగం..: సిలికాన్ కంటే దాదాపు 300 రెట్లు వేగంగా పనిచేస్తాయి…
-
పరిమాణం..: చాలా చిన్నవిగా ఉంటూనే, అత్యంత శక్తివంతమైన రేడియో తరంగాలను విడుదల చేస్తాయి…
యుద్ధ క్షేత్రంలో ‘గేమ్ చేంజర్’ ఈ చిప్స్ అందుబాటులోకి రావడం వల్ల భారత సైనిక సామర్థ్యం ఊహించని స్థాయికి చేరనుంది…
-
అజేయమైన రాడార్లు..: మన ‘ఉత్తమ్’ AESA రాడార్లలో ఈ చిప్స్ వాడటం వల్ల, శత్రువుల స్టీల్త్ విమానాలను కూడా చాలా దూరం నుంచే గుర్తించవచ్చు…
-
ఎలక్ట్రానిక్ వార్ఫేర్…: శత్రువుల కమ్యూనికేషన్ వ్యవస్థలను జామ్ చేసి, వారిని యుద్ధ భూమిలో అంధులను చేసే శక్తి భారత్కు లభిస్తుంది…
-
ఖచ్చితమైన మిసైళ్లు…: క్షిపణులు లక్ష్యాన్ని గురి తప్పకుండా తాకడంలో ఈ చిప్స్ కీలక పాత్ర పోషిస్తాయి….
వ్యూహాత్మక స్వాతంత్ర్యం … ఇప్పటివరకు ఈ టెక్నాలజీ కోసం మనం విదేశీ కంపెనీలపై ఆధారపడాల్సి వచ్చేది… యుద్ధం వంటి అత్యవసర సమయాల్లో వారు సరఫరా నిలిపివేస్తే మన రక్షణ వ్యవస్థ కుప్పకూలే ప్రమాదం ఉండేది… కానీ ఇప్పుడు భారత్ “టెక్నాలజీ బయర్” (Buyer) స్థాయి నుంచి “టెక్నాలజీ బిల్డర్” (Builder) స్థాయికి ఎదిగింది…
విశ్లేషకుల మాట..: “ఇది కేవలం ఒక చిప్ తయారీ కాదు…. ఇది భారత్ సాధించిన సాంకేతిక స్వాతంత్ర్యం… భవిష్యత్తులో 5G, 6G మరియు ఎలక్ట్రిక్ వాహనాల రంగంలో కూడా ఈ ఆవిష్కరణ సంచలనం సృష్టించబోతోంది…” నిజంగానే ఇది ‘మేక్ ఇన్ ఇండియా’ గర్వించదగ్గ క్షణం!
Share this Article