దాశరథి ఆల్ టైమ్ సూపర్ హిట్ … తనివి తీరలేదే, మనసు నిండలేదే…

మరో విశేషం ఏమిటంటే ఈ సినిమాకు డైలాగులు వ్రాసింది టెంపోరావు . ఆ రోజుల్లో డిటెక్టివ్ నవలల రచయితగా పాపులర్ . డిటెక్టివ్ నవలల్ని చిన్నప్పుడు తెగ చదివేవాడిని . మా నాన్నగారు ఓరోజు వాయించేసాక మానేసా . లక్ష్మీ దీపక్ దర్శకత్వం వహించారు . కృష్ణ నటన కూడా బాగుంటుంది . అందంగా కూడా కనిపిస్తారు .

అప్పట్లో కృష్ణ ఎక్కువగా ఇలాంటి థ్రిల్లర్స్ అటెంప్ట్ చేసేవారు. ఈ సినిమాలో కూడా హీరోయిన్‌ను ఆస్తి కోసం హతమార్చడానికి జరిగే ప్రయత్నాల నుంచి హీరో కాపాడుతుంటాడు… ఎవరు ప్రయత్నిస్తున్నదీ సినిమా చివరలో తెలుస్తుంది .

ఈ సినిమా కమర్షియల్ గా ఎంత సక్సెస్ అయిందో నాకు గుర్తు లేదు . యస్ పి కోదండపాణి సంగీత దర్శకత్వంలోని పాటలు బాగా హిట్టయ్యాయి . ముఖ్యంగా తనివి తీరలేదే నా మనసు నిండలేదే ఏనాటి బంధం పాట చాలా శ్రావ్యంగా ఉంటుంది . దాశరథి రాశారు . మిగిలిన పాటలు కన్నులైనా తెరవని ఓ చిన్ని పాపా స్వాగతం , నీతో ఏదో పని ఉంది అది నీకే బోధ పడుతుంది , పగలూ రేయి పండగా జలసా సరదా వేడుక కూడా చాలా బాగుంటాయి . పాటలన్నీ యస్ పి బాల సుబ్రహ్మణ్యం , సుశీలలే పాడారు . అప్పటికే బహుశా ఘంటసాల వారు పాడటం తగ్గించేసినట్లు ఉన్నారు .

నాగయ్య , మిక్కిలినేని , ప్రభాకరరెడ్డి , రాజబాబు , జగ్గారావు , ఛాయాదేవి ప్రభృతులు నటించారు . కాలేజి రోజుల్లోనే చూసా . యూట్యూబులో ఉంది . కృష్ణ అభిమానులకు బాగా నచ్చుతుంది . హలం మొదటి సినిమా చూడకపోతే ఎలా ! వాచ్ లిస్టులో పెట్టుకుని ఫ్రీ టైం ఉన్నప్పుడు చూసేయండి . ఈలోపు పాటల వీడియోలు చూసేయండి . కూస్తంత కళాపోషణ ఉండాలిగా ! #తెలుగుసినిమాలసింహావలోకనం #తెలుగుసినిమాలు