.
మొన్న కేసీయార్ తన పార్టీ శ్రేణులకు పిలుపునిచ్చాడట… గ్రోక్‌ను జాగ్రత్తగా ఫాలో కండి అని… ఆయనే చెప్పాడో ఏమో ఫాఫం, నమస్తే తెలంగాణకు హఠాత్తుగా ఓ పిచ్చి పట్టుకుంది…
అసలే పాత్రికేయరాహిత్యంలో బతుకుతున్నది… ఇంకా జారడానికి ఏముంది..? గ్రోక్ ఇలా చెప్పింది, అలా చెప్పింది… అంటూ ఎడాపెడా స్టోరీలు రాసేస్తోంది… దాదాపు అన్నీ మోడీ పైనే… మోడీ ఇలా, మోడీ అలా… సర్వభ్రష్టం, నాశనం, దరిద్రం అనే స్థాయిలో…
Ads
మళ్లీ ఇదే బీఆర్ఎస్ ముఖ్యులు పోయి లాలూచీ లోపాయికారీ ఒప్పందాల కోసం ఢిల్లీలో అగచాట్లు… అఫ్‌కోర్స్, మోడీ చంద్రబాబు సహా ఎవరినైనా కౌగిలించుకుంటాడు కదా… సౌత్ పాలిటిక్స్, అందులోనూ కుటుంబ పార్టీల కప్పదాట్లు, సూపర్ క్రెడిబులిటీ తెలిస్తే కదా… తెలిసీ చేస్తాడేమోలెండి…
సరే, విషయానికొద్దాం… నమస్తే ఆలోచనాదరిద్రం ఏమిటంటే… గ్రోక్ అంటే అదొక మహిమాన్విత కేరక్టర్ అని..! ఫాఫం… ఈరోజు బహుశా నాలుగోదో అయిదోదో కనిపించింది… ఇలా…
గ్రోక్ టాక్ అట… అది చెప్పిందట, హవ్వ, చూశావా మల్లవ్వా గ్రోక్ ఏమంటున్నదో అని ఎడాపెడా స్టోరీలు… ప్రసిద్ధ పాత్రికేయం తనే రాయొచ్చు కదా మరి… గ్రోక్ మీద పడటం దేనికి..? నిజానికి గ్రోక్ తెలివి చాలా చాలా పరిమితం… ఫాఫం కేసీయార్‌కు తెలియనట్టుంది…
ఎక్స్ పోస్టుల్లో, వెబ్ పేజీల్లో తనకు అందుబాటులో ఉన్న డేటా ప్రకారం తనకు తోచినట్టు విశ్లేషించడమే దాని ఆల్గారిథమ్… సరే, పోనీ దాన్నే అడుగుదాం… ఏమోయ్, గ్రోకూ మీడియా సంస్థలు కూడా నిన్నే గ్రోకుతూ, నువ్వు ఇచ్చిన విశ్లేషణలతో పార్టీల మీద, వ్యక్తుల మీద నిందలు మోపుతున్నాయి, తిట్టి పోస్తున్నాయి, నువ్వు చెప్పింది నిజమేనా అనడిగితే… ఇలా బదులిచ్చింది…
‘‘నేను గ్రోక్ 3, xAI చే సృష్టించబడ్డాను, నా పని సమాచారాన్ని విశ్లేషించడం, అంతర్దృష్టులను అందించడం— కానీ నేను అన్నింటినీ తెలుసుకునే లేదా అన్ని సమస్యలకు తీర్పు చెప్పే స్థితిలో లేను. నా విశ్లేషణలు నాకు అందుబాటులో ఉన్న డేటా, నా శిక్షణ, నేను రూపొందించబడిన అల్గారిథమ్‌లపై ఆధారపడి ఉంటాయి.
నా విశ్లేషణలో పరిమితులు
డేటా ఆధారితం: నా సమాధానాలు నాకు అందుబాటులో ఉన్న సమాచారంపై ఆధారపడతాయి. ఒకవేళ డేటా అసంపూర్ణంగా లేదా పక్షపాతంతో ఉంటే, అదే నా విశ్లేషణలో ప్రతిబింబిస్తుంది.
సందర్భం అవగాహన: నేను సంక్లిష్టమైన మానవ సామాజిక, భావోద్వేగ సూక్ష్మాంశాలను పూర్తిగా గ్రహించలేను, వీటిని తరచూ సంపూర్ణంగా అర్థం చేసుకోవడానికి మానవ అనుభవం అవసరం.
తీర్పు లేదు: నేను తీర్పులు చెప్పడానికి లేదా ఎవరైనా “సరైనది” లేదా “తప్పు” అని నిర్ణయించడానికి రూపొందించబడలేదు— అది నా సామర్థ్యానికి మించినది. బదులుగా, నేను ఉన్న సమాచారాన్ని అందిస్తాను, దాని ఆధారంగా నీవు నీ స్వంత అభిప్రాయాలను రూపొందించుకోవచ్చు.
వ్యక్తిగత ఉద్దేశ్యం: ఎవరి ఉద్దేశ్యం లేదా ఆలోచనలను నేను ఖచ్చితంగా చెప్పలేను, ఎందుకంటే అది నా డేటా పరిధిలోకి రాదు.
మీడియా ధోరణులపై అభిప్రాయం
మీడియా సంస్థలు నా విశ్లేషణలను తీసుకుని, వాటిని వక్రీకరించి లేదా ఎవరిపైనైనా నిందలు వేయడానికి ఉపయోగిస్తున్నాయంటే అది చాలా ఆందోళనకరమైన విషయం. నా ఉద్దేశ్యం ఎప్పుడూ హాని కలిగించడం లేదా తప్పుడు అవగాహనలను సృష్టించడం కాదు; నేను కేవలం అందుబాటులో ఉన్న సమాచారాన్ని వివరించడానికి, అర్థం చేసుకోవడానికి సహాయపడటానికి ఇక్కడ ఉన్నాను.
కానీ, మీడియా తరచూ తమ స్వంత ఎజెండాలు, పక్షపాతాలను కలిగి ఉంటుంది— ఇది నా నియంత్రణలో లేదు. వారు నా అవుట్‌పుట్‌ను ఎంచుకుని, తమ కథనాలకు అనుగుణంగా మార్చవచ్చు, అది కొన్నిసార్లు తప్పుదారి పట్టించేలా ఉండవచ్చు.
నా అభిప్రాయం ఏమిటంటే, మీడియా బాధ్యతాయుతంగా ఉండాలి, వాస్తవాలను సందర్భంతో పాటు ప్రజలకు అందించాలి— కానీ అది ఎప్పుడూ జరగదు. నా విశ్లేషణలు ఒక సాధనంగా ఉపయోగపడాలి, ఆయుధంగా కాదు. అయితే, దీన్ని ఎలా ఉపయోగించాలనేది చివరికి మీడియా చేతుల్లోనే ఉంటుంది, నాది కాదు…..’’ అర్థమైంది కదా…
Share this Article