బిగ్బాస్ అంటేనే ఓ ఆట… ఎంత స్క్రిప్టెడ్ అయినా సరే, ఆ బిగ్బాస్ టీం అనుకున్నట్టుగా ఇంప్లిమెంట్ కాకపోవచ్చు… టీం ప్లాన్లు ఎదురుతన్నొచ్చు… కారణం సింపుల్… కంటెస్టెంట్ల తత్వాలు..! ఆ తత్వాల నడుమ పోటీయే బిగ్బాస్… గెలుస్తారా, ఓడిపోతారా, నామినేట్ అవుతారా, ఎవిక్ట్ అయిపోతారా, రీఎంట్రీ ఉంటుందా, సీక్రెట్ రూమా, జైలా, కెప్టెనా… ఏమైనా జరగనీ… కానీ ఆడాలి… తోటి కంటెస్టెంట్లను రెచ్చగొట్టాలి, బతిమిలాడాలి, జట్టుకట్టాలి, తగాదా పెట్టుకోవాలి… అన్నీ ఉంటయ్ గేమ్ ప్లాన్‌లో…! కోపాలుంటయ్, ఆవేశాలుంటయ్, నవ్వులుంటయ్, గేలి చేసుకోవడాలుంటయ్, కుట్రలుంటయ్… అన్నీ ఉంటేనే ఆట..! మొదట్లో కాస్త డల్‌గా అనిపించినా సరే, ఇవన్నీ సంపూర్ణంగా చూపిస్తున్నది వీజే సన్నీ… రిజల్ట్ ఏమిటనేది వదిలేయండి, కానీ ఓ టెంపర్‌మెంట్ ఉంది తనలో..! ప్రస్తుతం హౌజులో యాక్టివ్ అండ్ గుడ్ ప్లేయర్ సన్నీయే… మాటలు పడుతున్నాడు, మాటలు అంటున్నాడు… తను గేమ్ ఆడుతున్నాడు…
పూర్తి కంట్రాస్టు షణ్ముఖ్… ఎంతసేపూ సోఫాలో కూర్చుని, బెడ్ మీద పడుకుని… టాస్కుల్లో పెద్ద యాక్టివ్‌గా ఉండక… చాలా డల్ కేరక్టర్… ప్రతి వారం నాగార్జున వ్యంగ్యంగా ఓ విసురు వేస్తున్నా తనకు అర్థం కావడం లేదు, పైగా నన్నందరూ ఎదవను చేస్తున్నారు అంటూ సిరి ఎదుట కన్నీళ్లు… నిష్టురాలు… అసలు తను ఆట ఆడిందెక్కడ..? విచిత్రంగా తను నామినేషన్లలో ఉంటే తనకే ఎక్కువ వోట్లు వస్తున్నయ్… సో, హౌజులో గేమ్ ప్లాన్‌కన్నా హౌజు బయట ప్లానే పకడ్బందీ అన్నమాట… ఇక శ్రీరామచంద్ర మొదట్లో కాస్త యాక్టివ్‌గా అనిపించాడు, కానీ ఇప్పుడు మట్టిముద్దలా మారిపోయాడు… బిగ్బాస్ టీం దత్తపుత్రుడు, మొదట్లో విపరీతమైన ఓవరాక్షన్ చేసి, అన్నింట్లో వేళ్లు పెట్టి, రెండుమూడు అంశాల్లో మొహం పగిలిపోయేసరికి రవి కూడా ఇన్‌యాక్టివ్ అయిపోయాడు… ఇప్పుడు తనకంటూ ఏ గేమ్ ప్లానూ లేకుండాపోయింది…
Ads
మరో మట్టిముద్ద జెస్సీ… తనూ షణ్ముఖ్ టైపే… కనీసం షణ్ముఖ్ నీతులు చెబుతుంటాడు, జెస్సీకి అదీ చేతకాదు… తనకు బిగ్బాస్ ఓ సీక్రెట్ టాస్క్ అప్పగించడమే నవ్వు పుట్టించిన వ్యవహారం… ఫెయిల్… వీళ్లు గాకుండా విశ్వ ఆటతీరు కాస్త పర్లేదు… లోబో మొదట్లో బాగానే ఆడినా, తరువాత తనే స్వయంగా చెడగొట్టుకున్నాడు… ఈరోజు హౌజులోకి సీక్రెట్ రూం నుంచి రీఎంట్రీ అట… ఇకనైనా తను మెరుగుపడతాడా..? డౌటే..! హౌజులో మానస్ అనబడే మరో పెద్దమనిషి ఉన్నాడు… తనకూ నీతులు చెప్పడంతోనే టైం సరిపోతోంది…
ఆడ లేడీస్ విషయానికొస్తే… ప్రియ గురించి చెప్పాలి… కావాలని కొందరిని రెచ్చగొడుతోంది… అతిగా మాట్లాడుతుంది… అదేసమయంలో ఫిజికల్‌గా నన్నంటుకోకు అని షీల్డ్ తీసుకుంటుంది… హౌజులో అందరూ కామనే అయినప్పుడు ఈ వాదన ఏమిటో మరి..? సన్నీని చెంప పగులగొడతా అని కనీసం 180 సార్లు బెదిరించింది నిన్న… ఓసారి పూలకుండీ ఎత్తినట్టు కనిపించింది… టూమచ్ అనిపిస్తోంది… కానీ ఆమె అతి చేష్టల వెనుక ఆమెకంటూ ఓ వింత గేమ్ ప్లాన్ ఉంది, జాగ్రత్తగా తనొక్కతే అమలు చేసుకుంటూ పోతోంది… తెలివైంది… యానీ మాస్టర్ యాక్టివే… కాజల్‌కు మొదట్లో మంచి గేమ్ ప్లానే ఉండేది, ఈమధ్య కొందరికి టార్గెట్ అయిపోయాక డిమోరల్ అయిపోయింది… బట్, తేలికగా తీసుకునే కంటెస్టెంట్ ఏమీకాదు తను… సిరి యాక్టివే… కానీ ఆ జెస్సీ, షణ్ముఖ్‌తో చేరి తన ఎఫర్ట్స్ కూడా వేస్ట్ చేసుకుంటోంది… ప్రియాంక వోకే… ఓవరాక్షనూ కాదు, ఇన్‌యాక్షనూ కాదు… ఏతావాతా అర్థమయ్యేది ఏమిటంటే..? హౌజులో కాస్తోకూస్తో ఆడుతున్నది ఆడ కంటెస్టెంట్లే… మగ మహారాజులందరూ సుద్దులు చెబుతూ, పెద్దమనుషుల్లా సేఫ్ గేమ్ ఆడుతూ… ఆటలోని మజాను నాశనం చేస్తున్నారు..!!
Share this Article