.
ఈ కేసుల్లోని మెరిట్స్, డీమెరిట్స్ గురించి కాదు… రెండు పరస్పరం కంట్రాస్టుగా అనిపించే రెండు వార్తలకు మీడియాలో దక్కిన ప్రయారిటీ గురించి…! ఆశ్చర్యం కూడా కలిగింది…
నిన్న ఏదో కోర్టు ధిక్కరణ కేసుకు సంబంధించి హైడ్రా రంగనాథ్ అరెస్టుకు, అవసరమైతే ఆర్మీని ఆదేశిస్తామని హైకోర్టు తీవ్ర ఆగ్రహం వ్యక్తం చేసింది… అసాధారణం… ఆర్మీని హైకోర్టు ఆదేశించగలదా అనే ప్రశ్నను- చర్చను పక్కన పెడితే… వార్త మాత్రం ఇంపార్టెంటే… దానికి సరైన ప్రాధాన్యం దక్కాల్సిందే… పలు పత్రికలు ఫస్ట్ పేజీలో కవర్ చేశాయి కూడా…
Ads
అదే మేడ్చల్- మల్కాజిగిరి జిల్లాలో కుత్బుల్లాపూర్ మండలంలోని, ఓ చోట తమ ఆర్మీ స్థలాన్ని ఎవరో ఆక్రమించుకుని ఓ జీ+2 బిల్డింగ్ కడుతున్నారని, మీరు చర్యలు తీసుకుని, ఆర్మీ స్థలాన్ని కాపాడాలని ఆ ఆర్మీయే అదే హైడ్రా రంగనాథ్ను కోరిందని మరో వార్త కనిపించింది… పూర్తి కంట్రాస్టు…
అయితే ఈ వార్తకు పత్రికల్లో సరైన ప్రాధాన్యం దక్కలేదు అనిపించింది… ఒకటీరెండు పత్రికలయితే మరీ సిటీ పేజీల్లో పబ్లిష్ చేసినట్టు కనిపించింది… ఆర్మీ లెఫ్టినెంట్ కల్నల్ జైసింగ్ హైడ్రా రంగనాథ్ను కలిసి ఈ విజ్ఞప్తిని సమర్పించారు… వెంటనే ఫీల్డ్ వెరిఫికేషన్ చేసి, తనకు రిపోర్ట్ చేయాలని అప్పటికప్పుడు రంగనాథ్ తన సిబ్బందిని ఆదేశించాడు… ఇదంతా వార్త సారాంశం…
ఏ ఆర్మీని రంగంలోకి దింపుతామని న్యాయవ్యవస్థ చెబుతున్నదో అదే ఆర్మీ అదే హైడ్రా రంగనాథ్ను తమ భూమి రక్షణ కోసం ఆశ్రయించడం నిజంగా ఇంట్రస్టింగ్ న్యూసే… రెండూ అసాధారణాలే… అందుకే వాటికి దక్కిన ప్రయారిటీ తేడాలే కొంత ఆశ్యర్యం అనిపించాయి!!
Share this Article