అన్ని కరెన్సీలూ పతనం బాటలోనే… ఇండియన్ రూపీయే కాస్త నయం…

మిగతా దేశాలకు డబ్బులు ముద్ర వేయాలంటే ఉత్పత్తి పెంచుకోవాలి.. ఆ బాధ అమెరికాకు లేదు.. వాళ్ళ ఇష్టం… ముద్ర వేసి పడేస్తే అదే ప్రపంచంలో ఏ మూలనో గోదాముల్లో మూలుగుతూ ఉంటుంది..

**

ఇక కరెన్సీ విషయానికి వస్తే… October 4 2021 తో పోల్చి October 4 2022 data చూసినట్లయితే… (1 year) ఇండియా రూపీ 10% విలువ కోల్పోయింది… రూపాయి విలువ 75 నుంచి 81 కి వచ్చింది.. చైనా కూడా ఇంచు మించు ఇంతే కోల్పోయింది..

**

థాయిలాండ్, మలేషియా ఎందుకో బాగా స్ట్రాంగ్ గా ఉంటాయి… నేను హనీమూన్ కి థాయిలాండ్ పోయినప్పుడు థాయ్ బాత్ ఒక డాలర్ కి 30 ఉండేది… ఇప్పుడు 37 ఉంది.. అంటే కేవలం 20% విలువ కోల్పోయింది పన్నెండు ఏళ్ళలో.. అదే ఇండియా రూపీ అప్పట్లో డాలర్ కి 42 దగ్గర ఉండేది… ఇప్పుడు 81 అయ్యింది ఈ పన్నెండు ఏళ్ళలో… దాదాపు 93% క్షీణత..

ఈ ఒక్క ఏడాదిలో థాయ్ బాత్, మలేషియా రెండూ దాదాపు 11% కోల్పోయాయి డాలర్ తో పోల్చుకుంటే.. ఎంతో బలం గా ఉన్నాయి అనుకునే Euro 16%, బ్రిటిష్ పౌండ్ 19% కోల్పోయాయి.. బ్రిటిష్ పౌండ్ ఇంకా ఇంకా ఎక్కువ కోల్పోయే అవకాశం ఉంది.. కరోనా టైంలో అందరినీ ఇంట్లో కూచోబెట్టి 80% జీతాలు ఇచ్చింది బ్రిటన్… అలాంటి పిచ్చి చేష్టలు చేస్తే ఇలానే ఉంటుంది ఎకానమీ.. ఇక పాకిస్తాన్ రూపీ దాదాపు 35% కోల్పోయింది.. అంతర్గత సమస్యలతో సతమతమవుతున్న శ్రీ లంక 83% కోల్పోతే, టర్కీ ఏకంగా 110% కోల్పోయింది..

**

అంతకన్నా దారుణం మియన్మార్, లెబనాన్.. వాటి లెక్కలు మన ఊహకు అందవు… సెంట్రల్ బ్యాంకు ఒక రేట్ చెప్తుంది.. కానీ అవసరమైన డాలర్స్ ఇవ్వదు… బయట మార్కెట్ లో అంతకన్నా ఎన్నో రెట్లు ఉంటుంది అసలు విలువ.. మియన్మార్ లో ఒక్క డాలర్ కు 1800 చాట్స్ నుంచి 4500 చాట్స్, ఈ మధ్య 3000 చాట్స్ లెవెల్ లో ఉంది.. లెబనాన్ లో అయితే ఒక్క డాలర్ కు 15000 నుంచి 40000 కు వెళ్ళింది. లోకల్ గా పౌండ్స్ అంటారు..

**

అంత దారుణమైన పతనం ఉంటే అక్కడ కొత్తగా ఎవరూ ఫ్యాక్టరీలు పెట్టరు… ద్రవోల్బణం పెరిగిపోయి అన్ని ఖర్చులూ పెరిగిపోతాయి.. అవినీతి తాండవిస్తుంది.. పేదరికం పెరుగుతుంది… సంపద కేంద్రీకృతం అవ్వడం ఎక్కువ అవుతుంది. ఎక్కువ కాలం అలాగే కొనసాగితే ఇబ్బందే.

చిన్న చిన్న దేశాలు కరోనా దెబ్బకు, అక్కడి పాలన అసమర్థతకు దెబ్బ తిని కోలుకోలేని పరిస్థితిలో ఉన్నాయి…

**