పూరీ జగన్నాథ్ బాధలో నిజాయితీ ఉంది... కానీ తోడుగా నిలబడేవాడే లేడు...

శరత్ కుమార్ చింత……… డేరింగ్ అండ్ డాషింగ్ డైరెక్టర్ పూరీ జగన్నాథ్ కి ప్రస్తుతం బ్యాడ్ టైమ్ నడుస్తుంది. కెరీర్ లో ఎన్నో హిట్లు, ప్లాపులు చూసిన దర్శకుడు.. ఇప్పుడు లైగర్ అనే ఒకే ఒక్క సినిమా డిజాస్టర్ తో ఎప్పుడు లేనంత నెగెటివిటీని ఫేస్ చేస్తున్నాడు. పూరి జగన్నాధ్ ఇన్నేళ్ల కెరీర్లో మొదటిసారి డిస్ట్రిబ్యూటర్లు, ఫైనాన్సియర్ల మీద పోలీస్ కేసు దాకా వెళ్లడం, విషయాన్నీ ఇంతదాకా తీసుకొచ్చినందుకు ఇకపై అతని సినిమాలు కొనకుండా బ్యాన్ చేయాలని డిస్ట్రిబ్యూటర్ల నిర్ణయంతో వ్యవహారం చాలా దూరం వెళ్లిపోయింది.

హీరో విజయ్ దేవరకొండకి పాన్ ఇండీయా లెవెల్ లో మార్కెట్ లేదు… అత్యాశకు పోయి ఎక్కువ పెట్టుబడి పెట్టిన డిస్ట్రిబ్యూటర్లు చేసింది పెద్ద తప్పయితే,, లైగర్ సినిమాకి మసిపూసి మారేడుకాయని చేసినట్టు లోకల్ ప్రోడక్ట్ ని అంతర్జాతీయ వస్తువుగా ఓవర్ పబ్లిసిటీ ఇచ్చిన పూరి జగన్నాధ్ టీంది కూడా అంతే మిస్టేక్… మొత్తానికి దీని ప్రభావం పూరీ మీద ఎక్కువగానే ఉంది. ఏకంగా తన ట్విట్టర్ అకౌంట్ డిలీట్ చేసేశాడు. మిలియన్ల ఫాలోయర్స్ ఉన్న వెరిఫైడ్ హ్యాండిల్ ఇది. తాను మోసం చేసింది నమ్మి టికెట్లు కొన్న ఆడియన్స్ నే తప్ప ఇంకెవరిని కాదనే ఉద్దేశంతో బయటికి వదిలిన ఒక నోట్ లో పూరి విజయాలు, ఓటముల గురించి చాలా క్యాలికులేటెడ్ సిద్ధాంతాలు మాట్లాడాడు. అందరూ చివరికి కలుసుకునేది స్మశానంలోనేనని, ఎవరూ డబ్బును వెంటేసుకుని పోరని, తాను నేరం చేయకపోయినా ఈ స్థాయిలో టార్గెట్ చేయడం పట్ల ఆవేదన అతని నోట్ ద్వారా అర్ధం అవుతుంది

గతంలో ఇలాంటి వందల పంచాయితీలు ఇండస్ట్రీలో జరిగాయి కానీ అవేవీ ఇలా పబ్లిక్ గా బయట పడలేదు . కొన్ని రాజీ పడినవి, కొన్ని మా ఖర్మనుకుని బయ్యర్లు వదిలేసినవి, మరికొన్ని హీరోలు నిర్మాతలు సర్దినవి చాలానే ఉన్నాయి. కానీ లైగర్ మాత్రం దీన్ని ఇంకో లెవెల్ కు తీసుకెళ్లింది. తప్పొప్పులు ఎవరివి ఎలా ఉన్నా ఇలా బజారుకు ఎక్కడం వల్ల న్యూస్ ఛానల్స్ కు కవరేజ్, పబ్లిక్ కి కాసింత టైంపాస్ తప్ప వచ్చేది పోయేది ఏమీ ఉండదు.

సినిమాలన్నాక డిజాస్టర్లు లేదా బ్లాక్ బస్టర్లు కావడం కామన్. కాకపోతే ఇప్పుడు స్టార్ డైరెక్టర్లు డైరెక్ట్ గా రెమ్యునరేషన్ తీసుకోకుండా ప్రొడక్షన్ లో పార్ట్ నర్ గా ఉండి ఎక్కువ ప్రాఫిట్ తీసుకోవాలనే వారి అత్యాశే ఈ పరిస్థితికి తీసుకొచ్చింది . సినిమా అనేది వ్యాపారం. పూరినే అన్నట్టు ఇదో గ్యాంబ్లింగ్. ఖచ్చితంగా ఆడుతుందా లేదా అనేది ఎవరికీ తెలియదు. అంత పసిగట్టగలిగే శక్తే ఉంటే కాంతార తెలుగుని కేవలం రెండు కోట్లకే బిజినెస్ చేసేవారు కాదు . లైగర్ మీద తొంబై కోట్ల వరకు బిజినెస్ జరిగేది కాదు . అన్నిటికి సిద్ధపడే దూకే వ్యాపారం ఇది. ఒక వస్తువు విలువను వెలకట్టడంలో మితిమీరితే జరిగే పరిణామాలకు ఫలితాలు ఇలాగే ఉంటాయి. ఎప్పుడూ ఏదో ఒక సందర్భంలో నవ్వుతూ కనిపించే కొరటాల శివ ఆచార్య సినిమాకి పార్ట్ నర్ గా ఉండి బొక్క బోర్లా పడి అండర్ గ్రౌండ్ కి వెళ్లిపోయారు.

ఒకపక్క లైగర్ కాంట్రావర్సీలు, జనగణమన సినిమా ఆగిపోవడం, ఈ స్థితిలో మిగతా హీరోలెవరూ పూరీతో సినిమా చేయడానికి ముందుకు రారు, కొడుకు ఆకాష్ ఇంకా సెటిల్ కాకపోవడం, పూరి పర్సనల్ లైఫ్ గురించి బయట రకరకాల కామెంట్లు వినిపించడం ఇలా ఒక పద్మవ్యూహంలో ఉన్నాడు ఈ కల్ట్ డైరెక్టర్. లైగర్ రిలీజ్ ముందు వరకు పూరితో కనిపించిన కో-ప్రొడ్యూసర్ ఛార్మి పూరి ఒక్కడే బాధ్యుడిగా ఇబ్బందులు పడుతుంటే, ఇంత జరగుతున్నా తన నుంచి ఎలాంటి రెస్పాన్స్ లేదు. ఒకప్పుడు హీరోలను స్టార్లుగా మార్చే ఇండస్ట్రీ హిట్లు ఇచ్చిన దర్శకుడికి ఈ పరిస్థితి రావడం ఫ్యాన్స్ కి బాధ కలిగించేదే. కింద పడేది లేచేందుకే అనే సూత్రాన్ని బలంగా నమ్మే పూరి గట్టిగా తలుచుకుని తనలో రచయితకు దర్శకుడికి సరైన పని కల్పిస్తే బౌన్స్ బ్యాక్ అవ్వడం ఎంతసేపు. దానికోసమే అందరూ వెయిటింగ్.

ఇంతకీ తను ఏమని చెప్పుకుంటున్నాడంటే… వేదాంతం, వైరాగ్యం, విరక్తి, స్థితప్రజ్ఞత అన్నీ ఆ నోట్‌లో కనిపిస్తున్నయ్… అదేమిటో మీరే చదవండి… ఎంతమేరకు తనతో ఏకీభవిస్తారో మీ ఇష్టం… సక్సెస్ బుర్రలో గిర్రున తిరుగుతూ, మబ్బుల్లో ఉన్నప్పుడు ఏమీ కనిపించకుండా… నేల మీద నడుస్తున్నప్పుడు మాత్రమే నీతులు, లెక్కలు గుర్తుకురావడం ఏమిటీ అంటారా..? పోనీ, ఆ సోయి రావడం, అవగాహనకు తెచ్చుకోవడం, వ్యక్తీకరించడం కూడా గ్రేటే కదా….

Ads

No photo description available.

(గతంలో ఇలాంటివి జరిగినప్పుడు సినిమా పెద్దలు ఎవరో కూర్చుని అమికబుల్ సొల్యూషన్‌తో ఇష్యూ సెటిల్ చేసేవాళ్లు… కృష్ణ వంటి హీరోలు అయితే ఫ్రీగా సినిమా చేసేవాళ్లు… నిజానికి బయ్యర్లను ఎవరు అంతలేసి రేట్లకు కొనమన్నారు..? బేరం ఇది… నష్టపోతే ఎవరినో బాధ్యుడిని చేసి, నువ్వు పరిహారం చెల్లించు అనడం ఏమిటి..? తనేమైనా అగ్రిమెంట్లు రాసిచ్చాడా సినిమా హిట్ అవుతుందని..? వరల్డ్ ఫేమస్ లవర్ డిజాస్టర్ తరువాత కూడా విజయ్ మీద అంత నమ్మకం పెంచుకోవడం బయ్యర్ల తప్పు కాదా..? సో కాల్డ్ సినిమా పెద్ద నిర్మాతలు, దర్శకులు పూరికి సపోర్టుగా ఎందుకు నిలవడం లేదు..? అన్నీ ప్రశ్నలే…)

Share this Article