1976 లోకి వచ్చాం . 1970 లో హిందీలో హిట్టయిన గీత్ అనే సినిమా ఆధారంగా ఈ ఆరాధన సినిమా తీయబడింది . హిందీలో రాజేంద్రకుమార్ , మాలా సిన్హా హీరోహీరోయిన్లుగా నటించారు . మన తెలుగులో NTR , వాణిశ్రీలు నటించారు . కులూ వేలీలో ఔట్ డోర్ షూటింగ్ జరిగింది .
సుందరమైన ప్రదేశాలను వీక్షిస్తాం . It’s a great musical and visual feast . మహమ్మద్ రఫీ – జానకమ్మ పాడిన పాటలు ఈరోజుకీ హిట్టే . ముఖ్యంగా రాధాకృష్ణుల నృత్య రూపకం . నంద కిశోరా బృందా విహారా పాటను జానకమ్మ అద్భుతంగా పాడారు . వాణిశ్రీ హావభావాలు , నాట్యం ఇంకా అద్భుతం . అలాగే మరో గీత రూపకం లైలా మజ్ను . లైలా లైలా అంటూ ప్రారంభమయ్యే పాటను రఫీ , జానకమ్మలు బాగా పాడారు .
సాలూరి హనుమంతరావు సంగీత దర్శకత్వంలో మిగిలిన పాటలు కూడా సూపర్ హిట్టయ్యాయి . నా మది నిన్ను పిలిచింది గానమై వేణు గానమై , నేడే తెలిసింది ఈనాడే తెలిసింది పాటలు చాలా శ్రావ్యంగా ఉంటాయి . దాశరధి , సి నారాయణరెడ్డి సాహిత్యాన్ని అందించారు . గొల్లపూడి మారుతీరావు సంభాషణలను వ్రాయగా బి వి ప్రసాద్ దర్శకత్వం వహించారు .
Ads
యన్టీఆర్ subdued గా పాత్రకు తగ్గట్టుగా చాలా హుందాగా నటించారు . రాజేంద్రకుమార్ కన్నా బాగా నటించారా అని కూడా అనిపిస్తుంది . వాణిశ్రీ అయితే మాలా సిన్హా కన్నా చాలా గొప్పగా నటించింది . ఇతర పాత్రల్లో విజయలలిత , జగ్గయ్య , గుమ్మడి , రాజనాల ప్రభృతులు నటించారు .
14 కేంద్రాలలో వంద రోజులు ఆడింది . సిల్వర్ జూబిలీ చేసుకుంది . హిందీ గీత్ సినిమా శ్రీలంక లోని కొలంబోలో 604 రోజులు ఆడిన మొదటి సినిమా అట . ఈ గీత్ సినిమాను బంగ్లాదేశ్ లో ప్రేం గీత్ అనే టైటిల్ తో రీమేక్ అయింది . ఆరాధన అనే టైటిల్ తో మన తెలుగులో మూడు సినిమాలు వచ్చాయి .
1962 లో ANR , సావిత్రి , జగ్గయ్యలు ప్రధాన పాత్రధారులు … 1987 లో ఇదే టైటిల్ తో చిరంజీవి , సుహాసినిలు ప్రధాన పాత్రల్లో నటించారు… NTR , ANR సినిమాలు సూపర్ హిట్టయ్యాయి … జగ్గయ్య ఈ రెండు సినిమాలలోనూ నటించటం విశేషం .
థియేటర్లో , టివిలో ఎన్ని సార్లు చూసి ఉంటానో ! Definitely an unmissable movie . సినిమా యూట్యూబులో ఉంది . సంగీత ప్రియులకు బాగా నచ్చుతుంది . హిందీ సినిమా కూడా చాలా బాగుంటుంది . అదీ యూట్యూబులో ఉంది . సినిమా ప్రియులు తప్పక చూడండి . రెండు సినిమాలు కనులకు విందే . #తెలుగుసినిమాలసింహావలోకనం #తెలుగుసినిమాలు ….. ( దోగిపర్తి సుబ్రహ్మణ్యం )
Share this Article