Murali Buddha…. బాలయ్య వ్యవహారంలో అంజలి చేసింది కరెక్ట్… ఎందుకంటే, ఒకసారి వేరే స్టోరీలోకి వెళ్దాం…
ఓ అవార్డు పంక్షన్ లో అరిజీత్ కు అవార్డును సల్మాన్ ఖాన్ ఇచ్చే సందర్బంలో … రబ్బర్ చెప్పులు, సింపుల్ డ్రెస్ లో ఉన్న అరిజీత్ ను చూసి ‘‘ఇప్పుడే నిద్ర లేచి వచ్చినట్టు ఉన్నావు’’ అని సల్మాన్ జోకేశాడు … ఔను, మీరు నిద్ర పుచ్చారు (మీ యాంకరింగ్ నిద్ర పోయేట్టు ఉందని అర్థం ) అని అరిజీత్ ఘాటుగా బదులు ఇచ్చాడు …
Ads
అసలే సినిమా ఇండస్ట్రీ… కొన్ని పెదవి దాటకూడదు… పైగా తను సల్మాన్… ఇంకేముంది..? ఆ తరువాత ఖాన్ సినిమాలో అరిజీత్ కు పాటలు లేకుండా పోయాయి .. అంతే కాదు, అంతకు ముందు రికార్డు చేసిన పాటలను కూడా తొలగించి వేరే వారితో పాడించారు …
బాస్ జోక్ వేస్తే నవ్వాలి కానీ తిరిగి రిటార్ట్ ఇవ్వకూడదు, ఇస్తే ఉద్యోగం ఊడుతుంది … తెలిసిందే కదా… సల్మాన్ ఖాన్ జోక్ వేసినప్పుడు అరిజీత్ నవ్వి ఉరుకోవాలి … ఖాన్ కూడా అరిజీత్ వేసిన కౌంటర్ జోక్ కు నవ్వి ఊరుకోవాలి కానీ బాస్ కు ఇగో ఉంటుంది … అదీ సమస్య…
సరే, మళ్ళీ ఎలాగోలా రాజీ కుదిరి, అరిజీత్ కు మళ్ళీ అదే ఖాన్ సినిమాల్లో పాటలు పాడే అవకాశం వచ్చింది … అది వేరే కథ… అయితే బాలకృష్ణ అంజలిని తోసేయడం మీద విమర్శలకు … మా మధ్య గొప్ప అనుబంధం ఉంది అని అంజలి చెప్పింది … సినిమా రంగంలో బతికి బట్ట కట్టాలి అంటే అలా చెప్పాల్సిందే … అంజలి బతకనేర్చింది, గుడ్…
ఇంట్లో తుపాకీతో పేలిస్తేనే వ్యవస్థలు నిద్ర పోయాయి … కనీసం తల్లిదండ్రుల మద్దతు కూడా లేని హీరోయిన్ ఇండస్ట్రీలో బతికి బట్టకట్టాలి అంటే హీరో చర్య ఎలా ఉన్నా మెచ్చుకోవలసిందే … బాలకృష్ణ కు అసలు మందు అంటే ఏమిటో తెలియదు అని డైరెక్టర్లు చెప్పాల్సిందే …
ఎవరు ఎవరిపై కక్ష కట్టారో తెరపై కనిపించదు .. తెర వెనుక రాజకీయంతో యువ హీరోలు సైతం ఛాన్సులు లేక గిలగిలలాడి ఆత్మహత్య చేసుకోవాలి ( చేసుకున్నారు .. ) వందేళ్ల తెలుగు సినిమా చరిత్రలో అలాంటి ఈగోలకు తల వంచక తలెత్తుకొని నిలిచింది జమున ఒక్కరే … (రాధికా ఆప్టే…?)
Share this Article