Muchata

Find Latest News in Telugu from muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

వర్గపోరాటం కథ… జయప్రద తొలి సినిమా… ప్రభాకర్‌రెడ్డిని ‘ముంచేసింది’…

August 8, 2024 by M S R

Class war movie . గాంధీ పుట్టిన దేశం , భూమి కోసం సినిమాల్లాగా ఎర్ర సినిమా . ప్రముఖ నటుడు ప్రభాకరరెడ్డి నిర్మించిన ఈ చిత్రానికి లక్ష్మీ దీపక్ దర్శకుడు . ప్రభాకరరెడ్డి 27 సినిమాలు తీస్తే , కమర్షియల్ గా రెండు సినిమాలు నష్టాలు తెచ్చాయట . ఆ రెండింటిలో ఇది ఒకటి . సుమారు పది లక్షల రూపాయల నష్టం వచ్చిందట .

జయప్రద మొదట బుక్ అయిన సినిమా ఇదేనట . ప్రభాకరరెడ్డే జయప్రద అనే పేరు పెట్టింది . ఆమె రెండో సినిమా అయిన భూమికోసం ముందు రిలీజయింది . జయప్రదకు జంటగా వేసిన రవికాంత్ స్టోరీ కూడా ఇదే . అతనికి ఇదే మొదటి సినిమా అయినా , శ్రీదేవికి జోడీగా వేసిన అనురాగాలు ముందు రిలీజయింది . ఈ సినిమా టైటిల్సులో రవికాంత్ , జయప్రదలను నూతన జంట అనే పరిచయం చేసారు . పోస్టర్లలో ఉన్నది ఆ జంటే .

ఈ సినిమాకు షీరో షావుకారు జానకే . ఆమె పాత్ర , నటన , డైలాగులు చాలా పవర్ఫుల్ గా ఉంటాయి . పెత్తందారుగా పల్లె జనాలను పీక్కుతింటున్న భర్తతోనే విబేధించి , ఎదురు తిరిగి , భర్త చేతుల్లోనే తుపాకీ గుళ్ళతో చనిపోయే పాత్ర . గణేష్ పాత్రో డైలాగులను బాగా ఎరుపెక్కించారు . షావుకారు జానకి బాగా నటించింది . ఆమె తర్వాత రెబల్ హీరోగా కృష్ణంరాజు బాగా నటించారు .

Ads

ప్రభాకరరెడ్డి , గుమ్మడి , నాగభూషణం , త్యాగరాజు , కాకరాల , పద్మనాభం , రాజబాబు , అల్లు రామలిఃగయ్య , రావు గోపాలరావు , మాడా , ప్రభ , శుభ , కె విజయ ప్రభృతులు నటించారు . కాకినాడ , ఉప్పాడ ప్రాంతాలలో ఔట్ డోర్ షూటింగంతా తీసారు .

సత్యం సంగీత దర్శకత్వంలో పాటలు ఎర్రగానే ఉంటాయి . సి నారాయణరెడ్డి వ్రాసిన ఏమాయె ఏమాయె పిల్లా , బతకనివ్వరురా వున్నోళ్ళు పాటలు బాగుంటాయి . గోపి వ్రాసిన సోతంత్రం వచ్చింది మన పంతం నెగ్గింది , ఎంకీ నే సూడలేనే ఎలుతురులో నీ రూపు , ఏయ్ నాయుళ్ళ సిన్నోడు నడిమింటి చంద్రుడు పాటలు బాగుంటాయి . దాశరధి వ్రాసిన ఓహో మా గంగమ్మ తల్లి ఓ బంగారు తల్లి పాట బాగుంటుంది .

సినిమా యూట్యూబులో ఉంది . ఎర్ర సినిమాల అభిమానులు , కృష్ణంరాజు అభిమానులు చూడవచ్చు . కమర్షియల్ గా ఫెయిల్ కావలసిన సినిమా కాదు . సినిమా బాగానే ఉంటుంది . జనానికి నచ్చలేదు , పట్టలేదు , ఎక్కలేదు .

1980s దాకా ఎర్ర సినిమాలు , సందేశాత్మక సినిమాలు బాగానే ఆడాయి . తర్వాత తర్వాత జనం , ముఖ్యంగా మధ్య తరగతి జనం కలల్లో విహరించటం పెరిగిపోయాక ఈ సినిమాలకు ఆదరణ తగ్గింది . బహుశా దేశంలో సామాజిక , రాజకీయ , ఆర్థిక పరిస్థితుల్లో కూడా మార్పులు వచ్చి ఉండాలి .  #తెలుగుసినిమాలు…….. [ By దోగిపర్తి సుబ్రహ్మణ్యం ]

Share this Article



Advertisement

Search On Site

Latest Articles

  • ఆ రాజు గారు అంటే అంతే… పక్కా నిక్కచ్చి, ఫక్తు రూల్ కేరక్టర్…
  • అయ్యో బాబూ… బనకచర్లపై ‘ముచ్చట’ చెప్పిందే వెదిరె శ్రీరామూ చెప్పాడు..!!
  • కూలేశ్వరం ఏటీఎం కీలక బోల్ట్… ఏళ్లకేళ్లు సర్వీస్ ఎక్స్‌టెన్షన్ …
  • బనకచర్లపై మాట్లాడేదేం లేదు… కేంద్ర-బాబుకు తెలంగాణ ప్రభుత్వం షాక్…
  • ఎవరు ఆ త్రిశూలధారి..? ఆ యుద్ధంలో ఎలా ప్రత్యక్షమయ్యాడు..? ఎందుకు..?!
  • జగడపు చనువుల జాజర… ఓ శృంగార కీర్తనకు వెగటు గెంతుల రీల్స్…
  • రేవంత్‌రెడ్డి ఎఫెక్ట్..! బనకచర్ల ఏటీఎంకు బాబు కోటరీలోనే వ్యతిరేకత..!!
  • ఆహా ఏమి రుచి..! కొత్తిమీర కూరితేనే వంకాయకు ఆ రుచివైభోగం…
  • గాలికదుపు లేదు- కడలికంతు లేదు… ప్రతి పదంలోనూ లోతైన భావన…
  • ఓహ్… ఆ జంబలకిడిపంబ సినిమాకు ఇక్కడ బీజం పడిందా..?!

Archives

Copyright © 2025 · Muchata.com · Technology Management by CultNerds IT Solutions