జెస్సీ ఔట్..! అసలే డల్లు, ఆపై అనారోగ్యం… సన్నీ కథ ముందుంది…

నిజానికి జస్వంత్ అలియాస్ జెస్సీ ఇన్నిరోజులు బిగ్‌బాస్ హౌజులో ఉండటమే విశేషం… తను డల్ ప్లేయర్… అందులోనూ ఓసారి కాలికి గాయం, తరువాత అనారోగ్యం… ఎప్పుడూ ఏ టాస్కులోనూ పెద్దగా ఇంప్రెసివ్ లేడు… మొదట్లో వోకే గానీ, కాంపిటీషన్ చాలా టైట్ అయ్యేకొద్దీ జెస్సీ వంటి ప్లేయర్లు నిలబడలేరు… వోటింగులో కూడా పెద్దగా నిలబడరు… దీనికితోడు బిగ్‌బాస్ ఈమధ్య తనను ఏవో సందేహాలతో సీక్రెట్ రూం పేరిట క్వారంటైన్ చేశాడు… ఏమైందో ఏమిటో, డాక్టర్లు ఏం చెప్పారో గానీ, సీక్రెట్ రూం నుంచి నేరుగా బయటికి పంపించేశాడు… ఈ మోడల్ వెళ్లిపోయాడు… Bad luck

నిజానికి కాజల్ ఈసారి వోటింగులో బాగా వెనకబడి పోయిందట… కానీ ఆ హౌజులో మిగిలిన ఆడలేడీసే తక్కువ, పైగా కాజల్ ఓ స్ట్రాటజీతో ఆడుతోంది… టఫ్ కంటెస్టెంట్… దోస్తులు లేరు, ఎనిమీలు లేరు, తన ఆటేదో తనది… సో, ఆమెను వెళ్లగొడితే హౌజులో ఈమాత్రం ఆటలో థ్రిల్ కూడా ఉండదు… అసలే శ్రీరామచంద్ర, మానస్ పెద్దమనుషులు… ఫుల్ సేఫ్ గేమ్… రవి కాస్త తిక్క… ప్రియాంక కాస్త ఇగో చూపిస్తోంది, పెద్దగా ఆకట్టుకోవడం లేదు… షణ్ముఖ్ మొదటి నుంచీ హోప్ లెస్… ఉన్నంతలో సొహెయిల్ టైప్ యాటిట్యూడ్ చూపిస్తున్నాడు సన్నీ… కాకపోతే మరీ ఓవరాక్షన్ అయిపోతోంది…

ఈమధ్య బాగా ఎంటర్‌టెయిన్ చేస్తున్నాడు, పర్లేదు, మనిషి మారినట్టున్నాడు అనుకునేలోపు తనలోని అసలు సన్నీని బయటికి తీసుకొచ్చాడు… అప్పట్లో ప్రియ మీద అరిచినట్టే, తిట్టినట్టే, కొట్టడానికి మీదిమీదికి పోయినట్టే… ఇప్పుడు సిరి మీద పడ్డాడు… ప్రియ ఎలాగైతే పోరా అనేసి లైట్ తీసుకుందో సిరి అంతకన్నా లైట్ తీసుకుని, నోటికొచ్చినట్టు అరిచేసింది… కానీ ఎటొచ్చీ సన్నీ కేరక్టర్ హౌజులో చిరాకెత్తిస్తోంది… యాటిట్యూడ్‌లోనే ఏదో భారీ తేడా ఉన్నట్టుంది సన్నీలో… అది ఆట కోసం ఇప్పటికిప్పుడు వచ్చిన తత్వం కాదు, బేసిక్‌గానే మనిషి అదో టైపు అనిపిస్తున్నాడు… ప్రత్యేకించి షణ్ముఖ్‌ను పట్టుకుని చెక్కాగాడు అనే పదాన్ని వాడటం అభ్యంతరకరం… అసలు ఇలాంటి కుక్కల కొట్లాట ఉంటేనే కదా అని బిగ్‌బాస్ వాడు గనుక అనుకుంటే అంతకన్నా దరిద్రం మరొకటి లేదు…

ఎట్టకేలకు రవి హౌజ్ కెప్టెన్ అయ్యాడు, వచ్చినప్పటి నుంచీ ప్రతివారం నామినేషన్లలో ఉన్నది బహుశా రవి మాత్రమే కావచ్చు… (ఒక్కవారం మినహా…) బయట వోటింగు ఏర్పాట్లు ఉండే ఉంటయ్ కాబట్టి, బిగ్‌బాస్ టీం ఆశీస్సులు ఉన్నయ్ కాబట్టి సేవ్ అవుతూనే ఉన్నాడు… (టాప్ ఫైవ్ వరకూ లాక్కొస్తారు తనను…) ఇకముందు జరగబోయేది ఇంకాస్త టఫ్ పోటీ… ఆవేశకావేషాలు ఇంకా పెచ్చుపెరుగుతయ్… అసలే సన్నీ ఉన్నాడు, మాటకుమాట అనే షన్ను, సిరి, కాజల్, ఆనీ మాస్టర్ ఉన్నారు… సో, రాబోయే రోజుల్లో కుక్కల కొట్లాట మరింత భీకరంగా ఉండబోతోంది… బహుపరాక్…!!