జోరుగా పరుగు తీస్తున్న మాలీవుడ్… ఈ మూడు నెలలో హిట్లే హిట్లు…

వాటిలోనూ మూడు సినిమాలు ఒకే నెలలో విడుదలై వసూళ్ళ వరద పారించాయి. అందులో ఒకటి “ప్రేమలు”. హైదరాబాద్ నేపథ్యంలో తెరకెక్కిన Rom-com. ఇది తెలుగులో కూడా రిలీజ్ అవుతుంది. ఇంకోటి “భ్రమయుగం”. మమ్ముట్టి అటు బాక్సాఫీస్ ని, ఇటు యాక్టింగ్ ని దున్నిపడేసాడు.

అన్నింటి కన్నా ముఖ్యంగా చెప్పుకోవాల్సింది “Munjemmal Boys”. కేరళనే కాదు, తమిళనాడుని కూడా షేక్ చేస్తుందీ సినిమా. డబ్బింగ్ కూడా చేయకుండా డైరెక్ట్ గా మలయాళంలోనే రిలీజ్ చేసినా కూడా తమిళనాడులో దుమ్ము రేపుతోంది. మొన్న ఒక్క రోజే 4 కోట్ల వసూళ్ళు . మొత్తంగా 10 కోట్లు. ఫిబ్రవరిలో రిలీజ్ అయిన తమిళ సినిమాల హయ్యెస్ట్ కలెక్షన్ 20 కోట్లే. అది కూడా సూపర్ స్టార్ రజనీకాంత్ లాల్ సలామ్. ఆ సినిమా కలెక్షన్స్ ని  కూడా ఇది చాలా ఈజీగా దాటేస్తుంది.

లాస్ట్ ఇయర్ ఫస్ట్ క్వార్టర్ లో “రోమాంచం” ఒక్కటే పెద్ద హిట్. అందులో నటించిన soubin shahir ఈ సినిమాలో ప్రధాన పాత్రలో నటించడం విశేషం. సో,  కాలం ఎప్పుడు ఒకేలా ఉండదు. నిజాయితీగా ప్రయత్నాలు చేస్తూ ఉంటే విజయాలు అవే వెతుక్కుంటూ వస్తాయి …’’

నిజమే… ఒక దశ అలా వస్తుంటుంది, పోతుంటుంది… మామూలుగా కన్నడ సినిమాల వార్తలు బయట పెద్దగా తెలిసేవి కావు, బయటికి వచ్చేవీ కావు… కానీ అక్కడా కథ మారింది ఆమధ్య… కేజీఎఫ్, కాంతార, చార్లి ఎట్సెట్రా సినిమాలు వందలకోట్లను దున్నిపడేశాయి… దేశమంతా పరిచయం అయ్యాయి… శాండల్‌వుడ్ ఇండస్ట్రీ దశ మారిపోయింది… ఇప్పుడు మళ్లీ కొద్దిగా సద్దుమణిగినట్టు కనిపిస్తోంది… కానీ ఆల్రెడీ అది టాప్ గేర్‌లో పడింది…

మరి కోలీవుడ్, టాలీవుడ్ అంటారా..? ఈ ఇండస్ట్రీల రేంజ్ చాలా పెద్దది… కథలు, ప్రజెంటేషన్లలో పెద్దగా నవ్యత, ప్రయోగాలు ఉండవు గానీ మార్కెటింగ్‌లో సిద్ధహస్తులు ఈ రెండు ఇండస్ట్రీల సినీవ్యాపారులు… ఈ రెండు ఇండస్ట్రీలు ఎప్పుడూ పడిపోవు, ఏదో ఒక సూపర్ హిట్ వస్తుంది, వసూళ్లు జోరుగా ఉంటాయి… వీటి మార్కెట్ సజీవం… రియల్ ఎస్టేట్‌లాగా ఢమేల్ అని హఠాత్తుగా పడిపోదు…!!