కోవిషీల్డ్, కోవాక్సిన్… భయమొద్దు.,. ఇవీ వాటి తయారీలో తేడాలు…

నేను చికాగో యూనివర్శిటీ, అమెరికాలో Ph.D చేస్తున్నప్పుడు వైరాలజీ కోర్స్ ఒక సెమిస్టర్ చదవాలి. దానిలో భాగంగా 10 కంటే ఎక్కువే వ్యాక్సిన్స్ తయారు చేశాను. నేనే కాదు, మైక్రోబయాలజీ, బయోటెక్నాలజీ, వైరాలజీ మాస్టర్ స్టూడెంట్ ఎవరైనా 2 రోజుల్లో వ్యాక్సిన్ తయారు చేయవచ్చు.

మొదట కోవాక్సిన్ వ్యాక్సిన్ ఎలా తయారు చేశారు అనేది చూద్దాం. కరోనా వైరస్ ని తీసుకొని దాని మీద గట్టి బండరాయితో లేదా సుత్తితో కొట్టి చంపి దాన్ని మన శరీరంలో ప్రవేశపెడితే అదే కొవాక్సిన్. సుత్తితో కొట్టటానికి అది కనపడదు కాబట్టి కరోనావైరస్ తీసుకొని దాన్ని ఫార్మాల్డిహైడ్ అనే ద్రావణంలో ముంచుతారు (అందువల్ల అది ఇన్ యాక్టివ్ లేదా చచ్చిపోతుంది), అదే కోవాక్సిన్ .

చచ్చిపోయిన కరోనా వైరస్ నే మనం కోవాక్సిన్ అంటున్నాం. కోవాక్సిన్ వ్యాక్సిన్ తీసుకున్నప్పుడు మన శరీరం బతికి ఉన్న వైరస్ వచ్చింది అనుకొని యాంటీ బాడీస్ ఉత్పత్తి చేస్తుంది. భవిష్యత్ లో నిజమైన వైరస్ వచ్చినా వ్యాక్సిన్ తీసుకోవటం వలన మన శరీరంలో ఉత్పత్తి అయిన యాంటీ బాడీస్ వాటిని జుట్టుపట్టుకొని నేలకేసి కొట్టి చంపేస్తాయి.

ఇంకా కోవిషీల్డ్ విషయానికి వద్దాం. కరోనా వైరస్ ని తీసుకొని దానిలో హానికర జన్యుపదార్దాన్ని తీసివేసి సాధారణ జలుబుని కలిగించే అడినో వైరస్ యొక్క జన్యుపదార్దాన్ని కరోనా వైరస్ యొక్క జన్యుపదార్ధంకి బదులు ప్రవేశపెడతారు. దీన్ని రీకాంబినెంట్ టెక్నాలజీ అంటారు. ఆ విధంగా తయారు చేసిందే కోవీషీల్డ్ వ్యాక్సిన్.

కోవాక్సిన్ అయినా, కోవీ షీల్డ్ అయినా – వ్యాక్సిన్ తీసుకున్న మొదట 30 నిమిషాలు అబ్సర్వేషన్ లో పెడతారు. వ్యాక్సిన్ తో ప్రమాదం ఏమీ ఉండదు కానీ ఆ వ్యాక్సిన్ తో కలిపి ఇచ్చే కెమికల్స్ లేదా ద్రావణాలు కొందరికి పడవు, అందుకే అబ్సర్వేషన్ లో ఉంచి గమనించాలి.

వ్యాక్సిన్ అనే కాదు – ఇంజక్షన్ తీసుకున్నా, ట్యాబ్లెట్ అయినా 100 కి 100 శాతం అందరికీ పడవు వాటిల్లో ఉండే కొన్ని కెమికల్స్. ప్రతి దానిలో ఏ కెమికల్ వాడారు లేదా ఏ ద్రావణం వాడారు అనేది క్లియర్ గా ఉంటుంది. మొదట రెండు వారాలు లేదా మ్యాగ్జిమం 30 రోజుల్లోనే తెలుస్తుంది ఏవైనా సైడ్ ఎఫెక్ట్ ఉంటే.

నేను కోవాక్సిన్ మొదటి డోస్ తీసుకున్నప్పుడు రెండు మూడు రోజుల్లో ఎలర్జీలాగా వచ్చింది. రెండో డోసప్పుడు వెళ్ళి నర్స్ ని కర్టెయిన్ వేయమని చెప్పా. కర్టెయిన్ తీసుకొని వచ్చా, అంతే సర్టిఫీకేట్ వచ్చింది. అదేంటో మూడోసారి పోకపోయినా బూస్టర్ డోస్ తీసుకున్నట్లు నమోదు అయ్యింది.

ఏది ఏమైనా ఆల్ రడీ తీసుకున్న వ్యాక్సిన్ విషయం లో 100 కి 100 శాతం ఎవరూ ఇసుమంత కూడా కంగారు పడాల్సిన అవసరం లేదు. ఆకుకూరలు మంచివే కానీ ప్రతి రోజూ తింటే యూరిక్ యాసిడ్ పెరుగుతుంది. యాపిల్స్ మంచివే కానీ సర్జరీ అయినప్పుడు తింటే గ్యాస్ పెరుగుతుంది. పప్పు మంచిదే గాయం అయినప్పుడు తింటే చీము పెరుగుతుంది. వ్యాక్సిన్ అనే కాదు ప్రతి ఆహార పదార్ధంలో ఉండేది కెమికల్సే, కొన్ని కొందరికి పడతాయి, కొందరికి పడవు.

గమనిక: కోవిడ్ కి సంబంధించి ప్రపంచ వ్యాప్తంగా అందుబాటులో ఉన్న 10 వ్యాక్సిన్స్ లో నేను 5 వ్యాక్సిన్స్ డేటా మీద పని చేశా. ఇంకా 10 వేలకి పైగా క్లినికల్ ట్రయిల్స్ డేటా మీద పని చేశా. క్లినికల్స్ ట్రయిల్స్ జరిగినప్పుడు ఆ డేటా మా దగ్గరికి వస్తుంది. దాన్ని అనలైజ్ చేసి వాటిని ఆమోదించే ప్రభుత్వ ఏజన్సీలకి రిపోర్ట్స్ పంపటం నేను చేస్తున్న పని గత 16 యేండ్లుగా…….. – పూర్తి వ్యక్తిగత అభిప్రాయం