ఇది స్తబ్దతా..? కాదు, మౌనం..? ఇది ఒక పోరాటానికి అపజయం..!

గుండెలో ఆరు స్టంట్ లు, రెండు బైపాస్ సర్జరీలు, బ్రెయిన్ హేమరేజ్ కి మరో సర్జరీ, ఇవన్నీ వారిని ఎన్ని ఇబ్బందులు పెట్టినప్పటికీ, అవేవీ తనను ఆచేతనం చేయకపోవడం కానవచ్చింది. వారితో మూడు గంటలు గడపడం ఉత్తేజ భరితం చేసింది. సమాజం ప్రశ్నించే స్వభాన్ని కోల్పోయిందా అన్న ఒక ప్రశ్నకు “లేదు, మౌనంగా ఉంది” అన్నారాయన.

భవిష్యత్తు పట్ల, పోరాటాల పట్ల నిండు విశ్వాసంతో ఉన్న రాజన్న ఇంటర్వ్యూ తర్వాత రాస్తాను. గల్ఫ్ వలసలకు ప్రధాన కారణాల్లో మొదటిది నిర్బంధమా అంటే… కాదు, పేదరికం అన్నారాయన. రెండవ కారణం, వ్యవసాయం – సంసార జీవనానికి అవసరమైన పెట్టుబడి కొరత, మూడవదే నిర్బంధం అన్నారాయన.

ఎన్నికల సమయం కనుక భారత రాష్ట్ర సమితి గురించి, కెసిఆర్ గురించి మాట్లాడుతూ, ఒకప్పటి భూస్వాములు పోయి ధరణి వల్ల కొత్త భూస్వాములు వచ్చారని, ఇది దొరల పాలన కాదు, అంతకంటే మించి రాచరికమని ఆయన వివరించారు. విశేషం ఏమిటంటే ప్రస్తుత స్తబ్దత, కార్యాచరణలేమి విషయాల పట్ల కూడా వారు సూటిగా సమాధానం ఇచ్చారు. సమాజం ఘర్షణ లేని కారణంగా స్తబ్దతకు గురైందా అంటే, “కాదు పోరాటం ఓటమికి గురైంది” అని చెప్పారాయన.