Muchata

Find Latest News in Telugu from muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

అప్పట్లో ఈ చంద్రముఖి… సౌందర్య, జ్యోతిక, శోభనల్ని మించి ఎన్నోరెట్లు..!

July 12, 2024 by M S R

వాణిశ్రీ జైత్రయాత్రలో మరో మైలురాయి 1974 లో వచ్చిన ఈ కృష్ణవేణి సినిమా . వాణిశ్రీ నట విరాట రూపాన్ని చూపిన మరో సినిమా ఇది . ఈ సినిమాలో ఆమె పాత్ర మల్టిపుల్ పర్సనాలిటీ డిజార్డర్ ఉన్న పాత్ర . ఏవోవో హెల్యూసినేషన్స్ ఆమెను వెంటాడుతూ ఉంటాయి . చంద్రముఖిలో జ్యోతిక పాత్ర వంటిది . జ్యోతికే చాలా బాగా చేసింది . జ్యోతిక కన్నా వాణిశ్రీ ఈ సినిమాలో ఇంకా గొప్పగా నటించింది . కృష్ణంరాజు సొంత సినిమా ఇది .

మన తెలుగు సినిమాకు మాతృక కన్నడంలో వీర హిట్ అయిన శరపంజర అనే సినిమా . శరపంజర అంటే బాణాల బోను అని . కర్నాటకలో మూడు సెంటర్లలో సంవత్సరం ఆడింది . హీరోయిన్ కల్పనకు , సినిమాకు అవార్డుల మీద అవార్డులు వచ్చాయి . కానీ , మన తెలుగు సినిమా ముందు , ముఖ్యంగా వాణిశ్రీ నటన ముందు దిగదుడుపే . కన్నడంలో హీరోయిన్ పేరు కావేరి . మనకు కృష్ణా నదిలాగే వారికి కావేరి కదా ! కన్నడ సినిమా కూడా త్రివేణి అనే రచయిత వ్రాసిన నవల ఆధారంగా తీసారు . నవల పేరు కూడా త్రివేణే .

మనకు గోదావరి నేపధ్యంలో చాలా సినిమాలు ఉన్నాయి . కృష్ణా నది నేపధ్యంలో చాలా తక్కువ సినిమాలే ఉన్నాయి . వాటిల్లో ఒకటి ఈ కృష్ణవేణి . సినిమాలో చాలా భాగం , ఓ అందమైన పాట కృష్ణా నది నేపధ్యంలోనే ఉంటాయి . శ్రీశైలం , నాగార్జున సాగర్ , అమరావతి ప్రస్తావనలు , లొకేషన్లు ఉంటాయి .

ప్రముఖ దర్శకుడు వి మధుసూధనరావు దర్శకత్వంలో తీయబడిన ఈ సినిమాతోనే కృష్ణంరాజుకు హీరో స్థానం సుస్థిరమయింది . బహుశా ఈ సినిమా తర్వాత ఆయన విలన్ పాత్రలు వేసినట్లు లేదు . ఈ సినిమా విజయానికి వాణిశ్రీ తర్వాత ప్రధాన కారణం సంగీత దర్శకత్వం . విజయభాస్కర్ సంగీతం చాలా శ్రావ్యంగా ఉంటుంది .

Ads

ముఖ్యంగా కృష్ణవేణి తెలుగింటి విరిబోణి పాట . సాహిత్యం , నృత్యం , వాణిశ్రీ ఆహార్యం , టేకింగ్ అన్నీ అద్భుతమే . ఆరోజుల్లో వాణిశ్రీ చీరె కట్టుడు , మోచేతుల కిందకు జాకెట్ , ఎయిర్ హోస్టెస్ లాగా హెయిర్ స్టైల్ ఓ పేద్ద ఫేషన్ ట్రెండుని సెట్ చేసాయని చెప్పవచ్చు . మరో సూపర్ హిట్ పాట శ్రీశైలా మల్లయ్యా పాట . పేరంటాలలో కూడా ఆడవాళ్లు పాడే పాట . శివాలయాల్లో కూడా వినిపించే భక్తి పాట . ఈ సినిమాలో ఆరుద్ర , దాశరధి , కొసరాజుల సాహిత్యం మరచిపోలేనివి

సంగుతం మధుర సంగీతం , ఎందుకో నీవు నాతో ఉన్న వేళ ఇంత హాయి , పదునాలుగేళ్ళు వనవాసమేగి మరలి వచ్చెను సీత పాటలు చాలా శ్రావ్యంగా ఉంటాయి . ఈ జనని కృష్ణవేణి పద్యం లాంటి పాట కూడా చాలా బాగుంటుంది .

గుమ్మడి , అంజలీదేవి , నిర్మలమ్మ , శబరి పండరీబాయి , రాజబాబు , రావి కొండలరావు ప్రభృతులు నటించారు . వాంప్ పాత్రలు , క్లబ్బుల్లో విలన్ డెన్సుల్లో డాన్స్ వేసే పాత్రలు వేసే మంజు భార్గవికి ప్రాముఖ్యత కలిగిన ఫుల్ లెంగ్త్ పాత్రే దొరికింది ఈ సినిమాలో . బాగా నటించింది .

మన తెలుగులో కూడా వంద రోజులు ఆడింది . వంద రోజుల ఫంక్షన్ కు బహుమతి ప్రదానం NTR గారే చేసారు . మహిళలు బాగా మెచ్చిన సినిమా కూడా . యూట్యూబులో ఉంది . కన్నడ సినిమా కూడా ఉంది . సినిమా ఇష్టులు కన్నడ సినిమా కూడా కాసేపు చూడండి . వాణిశ్రీ ఎంత గొప్పగా నటించిందో తెలుస్తుంది .

కృష్ణవేణి సినిమా మా తరంలో చూడని వారు ఉండరు . ఈతరంలో ఎవరయినా ఉంటే యూట్యూబులో తప్పక చూడండి . టివిలో వస్తే మిస్ కాకండి . చూసినవారు కూడా ఖాళీగా ఉన్నప్పుడు పాటల వీడియోలు చూడవచ్చు .

ఎంత గొప్ప సినిమా అంటే సాధారణంగా హీరోయిన్ చచ్చిపోతే , సినిమా సక్సెస్ కావటం కష్టం . ఈ సినిమాలో వాణిశ్రీ చనిపోయినట్లు ప్రేక్షకులకు గుర్తు కూడా ఉండదు . అంతగా కవర్ అయిపోతుంది . An excellent drama . వాణిశ్రీ సినిమా . ఆవిడే షీరో … #తెలుగుసినిమాలసింహావలోకనం #తెలుగుసినిమాలు ………… ( By డోగిపర్తి సుబ్రహ్మణ్యం )

Share this Article



Advertisement

Search On Site

Latest Articles

  • దిల్ కా దడ్‌కన్ రకుల్‌కు ఏమైంది..? మెడపై ఆ ప్యాచ్ ఏమిటి..?
  • మై డియర్ ఆర్కే… సలహాలు తీసుకునే స్థితిలో వాళ్లున్నారా అసలు..?!
  • మోకాలిలో బుర్ర కాదు గానీ…. మోకాలి కింద మాత్రం గుండె ఉంటుంది..!!
  • అవును, ఈ దర్శకుడు ఓ సూపర్ హీరోయిన్‌తో ఓ ‘కొత్తలోక’ చూపిస్తున్నాడు…
  • మంజువాణి ఇంటిలో మేజువాణీ… రాతిరంతా ఇక్కడే రాజధాని…
  • జూదం, మద్యం… వీటికన్నా రీల్స్, షార్ట్స్ డేంజరస్… ఇక మీ ఇష్టం…
  • రాజకుటుంబం… బోల్డ్ పాత్రలు, వివాదాలు… ఈమె కథే కాస్త డిఫరెంటు…
  • బ్లాస్టింగ్ కుట్ర కాదు… అసలు కాళేశ్వరం కుట్ర ఏమిటో బ్లాస్టింగ్ నిజాలు…
  • మోహన్‌ లాల్‌లోని ఆ నిజనటుడికి ‘హృదయపూర్వ’క అభినందన..!!
  • తెలుగు ఇండియన్ ఐడల్…! ఈ బుగ్గలు పిండే టాస్కులేంటి థమన్..?!

Archives

Copyright © 2025 · Muchata.com · Technology Management by CultNerds IT Solutions