.
విజయ్ దేవరకొండా…. రౌడీ స్టార్ అనో రౌడీ హీరో అని పిలిపించుకోవాలంటే… మరీ డర్టీ కూతలు అక్కర్లేదు… వేల మంది పాల్గొన్న బహిరంగ వేదిక మీద… లక్షల మంది చూసే పబ్లిక్ ఫంక్షన్‌లో… ఆ కూతలేమిటి..? మాటల్లో కాస్త సంస్కారం కనిపించాలి కదా…! అసలు ఆ డర్టీ పదాలకు అర్థం తెలుసా..?
పైగా మీరు హీరోలు… సమాజానికి పద్దతులు నేర్పిస్తారు… నీతులు చెబుతారు… ఈమధ్య సినిమా సెలబ్రిటీలు వేదికల మీదకు రాగానే నానా పిచ్చి కూతలకు దిగుతున్నారు కదా… నువ్వూ చేరిపోయావా ఆ జాబితాలో..?
Ads
తిరుపతిలో కింగ్డమ్ సినిమా ట్రెయిలర్ రిలీజ్ ఫంక్షన్ అనుకుంటా… ఆ ప్రాంత యాసలో మాట్లాడటానికి ట్రై చేశాడు, గుడ్… కానీ హఠాత్తుగా ‘‘వానెక్క మనల్ని ఏ నాకొడుకూ ఆపేదేలే’’ అన్నాడు… డర్టీ లాంగ్వేజ్… వానెక్క అంటే తెలుసా నీకు విజయ్..? వాని అక్క… అంటే తెలంగాణలో బాంచెత్ అని వాడటం వంటిది… నీయమ్మ, నీయక్క బాపతు కుసంస్కార బూతులు…
అదనంగా ‘కొడుకు’ భాష… వరుసగా ఫ్లాపులు మోస్తున్న నీకు ఇప్పుడీ డర్టీ భాష అవసరమా..? ఇక్కడే మరో విషయమూ గుర్తు చేసుకోవాలి…
నాని ఉన్నంతలో కాస్త పద్దతిగా ఉంటాడు అనే పేరుంది కదా… తనూ అంతే… ఆమధ్య ప్యారడైజ్ అనే సినిమా తాలూకు గ్లింప్స్ అట రిలీజ్ చేశారు కదా… పరమ చెత్త… అంతేకాదు, ఇంకా అభ్యంతరకర అంశాలూ ఉన్నయ్…
రా లాంగ్వేజ్ అంటూ తెలంగాణ యాసతో డైలాగులు… తెలంగాణ యాస, భాష రా (ముడి- పచ్చి) లాంగ్వేజ్, అంటే పచ్చి భాష ఎలా అయ్యిందిరా..? ఎవడురా ఆ కూత కూసింది..? తెలంగాణ యాస రా లాంగ్వేజ్, మీ ఆంధ్రా భాష పాలిష్డ్ లాంగ్వేజా..? శాని, నాజూకు, అత్యాధునిక భాషా..?
ముందే డిస్‌క్లెయిమర్ అని రాసేస్తే ఇక లంజాకొడుకు కథ వంటి చెత్తా పదాల్ని వాడితే పర్లేదా..? తల్లిని తిట్టడమేందిరా..? ఇది కడుపు మండిన కాకుల కథ, జమానా జమానాలకెళ్లి నడిచే శవాల కథ, అమ్మ రొమ్ములో పాలులేక, రక్తం పోసి పెంచిన ఓ జాతి కథ అంటూ ఏదేదో చెబుతున్నారు… కాకులు తల్వార్లు పట్టినయ్ అట, నా కొడుకు నాయకుడైన కథ అట…
సరే, అవేం కాకులో, ఆ తల్వార్లు ఏమిటో తరువాత సినిమాలో చూడొచ్చు గానీ… లంజాకొడుకు కథ అని చేతి మీద టాటూయే పరమ వెగటుగా ఉంది, చీప్ టేస్ట్, డర్టీ క్రియేటివిటీ… పైగా బ్యాక్ గ్రౌండ్‌లో ఓ లంజాకొడుకు కథ అనిపించడం..! ఇంకా ఈ నిర్వాకానికి తోడు ఈ సినిమాకు దర్శకుడట, శ్రీకాంత్ ఓదెల ఓ ట్వీట్ కొట్టాడు… అదేమిటంటే సంగీత దర్శకుడిని ఉద్దేశించి… ఇలా…
‘‘మా బక్కోడు కూడా రెడీ’’ అట… సరే, ఆ బక్క అనిరుధ్ సంగతి సరే… కానీ బాంచెత్ అనే పదం ఎందుకు వాడినట్టు..? నువ్వు ఓ దర్శకుడివి..? బాంచెత్ అనే పదానికి అర్థం తెలుసా అసలు నీకు..? దీన్ని నాని ఎలా అంగీకరించాడు..?
బాంచెత్ అంటే అదో గొప్ప పదం అనుకున్నాడేమో నాని… ఆమధ్య ఆహాలో తెలుగు ఇండియన్ ఐడల్‌కు గెస్టుగా పోయినప్పుడు… ఎవరో కంటెస్టెంట్ ధూంధాం దోస్తాన్ అని ఓ పాట పాడితే మెచ్చుకోవడానికి అక్కడ కూడా నాని ఈ బాంచెత్ అనే పదం వాడాడు… ఆ పాటలో ఈ పదం కొన్నిసార్లు వినిపిస్తుంది… బహుశా దర్శకుడి టేస్ట్ కావచ్చు… అందుకే అంటున్నా… రేయ్, ఎవుర్రా మీరంతా..?!
Share this Article