నిర్మాత అదృష్టవంతుడు అయితే సినిమా వంద రోజులు ఆడుతుంది . అందులో NTR సినిమా . సాదాసీదా సినిమా అయినా వంద రోజులు ఆడిన సినిమా 1974 లో వచ్చిన ఈ మనుషుల్లో దేవుడు సినిమా . పుండరీకాక్షయ్య నిర్మాత . బి వి ప్రసాద్ దర్శకుడు .
వారాలు చేసుకుని శ్రధ్ధగా చదువుకునే ఒక అనాధను ఒక డాక్టర్ చేరదీసి , చదివించి ప్రయోజకుడిని చేస్తాడు . ఈలోపు ఓడలు బండ్లు అయి ఆ డాక్టర్ సంపదను పోగొట్టుకుని , పక్షవాతంతో వాలు కుర్చీ పాలవుతాడు . అసలు కొడుకు దారి తప్పుతాడు . కూతురు పెళ్లి ఆగిపోతుంది . ఈ సమస్యలన్నీ పరిష్కరించి , ఆ కుటుంబాన్ని గట్టెక్కిస్తాడు హీరో NTR .
Ads
NTR ఉన్నాక మారువేషాలు లేకుండా ఎలా ! ఈ సినిమాలో కూడా మారువేషాలు ఉన్నాయి . NTR , వాణిశ్రీ , బి సరోజాదేవి , గుమ్మడి , కృష్ణంరాజు , అంజలీదేవి , రాజబాబు , విజయలలిత , పి ఆర్ వరలక్ష్మి , రామ్మోహన్ , ధూళిపాళ , సాక్షి రంగారావు , రేలంగి ప్రభృతులు నటించారు .
అంధురాలిగా చిన్న పాత్ర అయినా బి సరోజాదేవి చక్కగా నటించింది . వాణిశ్రీకి తన నటనను ప్రదర్శించే పాత్ర కాదు . రొటీన్ హీరోయిన్ పాత్రే . మా నరసరావుపేటలో వెంకటేశ్వర పిక్చర్ పేలసులో చూసినట్లు గుర్తు . టివిలో కూడా చూసా . యూట్యూబులో ఉంది . NTR అభిమానులు చూడవచ్చు . #తెలుగుసినిమాలసింహావలోకనం #తెలుగుసినిమాలు …….. ( By డోగిపర్తి సుబ్రహ్మణ్యం )
ఈ సినిమాకు మొదట సంగీత దర్శకుడు టీవీ రాజు… ఆయన తదనంతరం ఆ బాధ్యతల్ని ఎస్ హన్మంతరావు తీసుకున్నాడు… అహో హిమవన్నగము పేరిట ప్రముఖ రచయిత సినారె రాసిన వరూధిని ప్రవరాఖ్య గీతనాటకాన్ని కలర్లో చిత్రించినా సరే పెద్ద నాణ్యత కనిపించదు… పైగా ఆ నాటకం కూడా పెద్దగా హిట్ కాలేదు… ఘంటసాల, సుశీల పాడగా నడుమ వాణిశ్రీ, ఎన్టీయార్ మాటలతో గొంతు కలిపారు… (ముచ్చట) v9 video’s సౌజన్యంతో ఆ వీడియో లింక్..,
Share this Article