అపర కుబేరులు ఐతేనే పిల్లనిస్తారట! గొంతెమ్మ పేరెంట్స్ !!

.

Prabhakar Jaini …. ఈ మధ్య మాట్రిమోనియల్ కాలమ్స్ లో అమ్మాయిలు, వారి తల్లిదండ్రుల కోరికల లిస్టు చూస్తుంటే కళ్ళు బైర్లు కమ్ముతున్నాయి. ఉదాహరణకు ఒకటి:

Requirements:
Property 35 to 40cr above
Occupation job or business with 50 LPA
Well settled family
Age gap 3 or 4 years
Foreign matches not interested
Nucleas Family
Girl Software 6 LPA.
Hyderabad settled

(ఇది ఒరిజినల్ ప్రకటన. ఇంతకంటే ఘోరమైనవి ఇంకా చాలా ఉన్నాయి)
Requirements ఏంటో వాళ్ళ బొంద. ఇంకా నయం, అడ్మిషన్ ఫీజ్ కట్టమనడం లేదు.

తల్లిదండ్రులు అమ్మాయిల జీతాల మీద ఆధారపడి మెక్కి తింటూ ముప్ఫై, ముప్ఫై రెండేళ్ళ వరకు పెళ్ళి చేయకుండా ఉంచి, ఇప్పుడు అబ్బాయికి 35 లేదా 40 కోట్ల ఆస్తి, 50 లక్షల ఉద్యోగం, అమ్మానాన్నలతో కలిసి ఉండొద్దు, ఇంతా చేస్తే అమ్మాయి జీతం నెలకు యాభై వేలు అని చెప్తూనే వెల్ సెటిల్డ్ ఫ్యామిలీ, ఫారిన్ మ్యాచెసు వద్దు, హైదరాబాదులో సెటిల్ అయిన రిచ్ ఫ్యామిలీ కావాలని అంటున్నారు. సరే, వారికి కొన్ని ఆశలుండవచ్చు. కానీ, ఏదో మిలిటరీ ఉద్యోగానికి అర్హతలన్నట్టు ఇలా రాయడమేమిటి?

పెళ్ళైన తర్వాత అబ్బాయి తల్లిదండ్రులతో కలిసి ఉండొద్దు. అమ్మాయి తల్లిదండ్రులు మాత్రం కూతురి ఇంట్లోనే తిష్ట వేయవచ్చు.
కుటుంబం, అబ్బాయి మంచివారా? అబ్బాయి అందంగా ఉన్నాడా? ఇవేమీ అవసరం లేదు. డబ్బుంటే, లక్షలు సంపాదించే ఉద్యోగం ఉంటే చాలు. వాడికి బట్టతల, బాన పొట్ట, నలభై ఏళ్ళు వచ్చినా ఫర్వాలేదు.
డబ్బు, ఆస్తుల మీద ఇంత వ్యామోహం ఏమిటి? వాడి ఇంట్లోనేమో ఖాళీ కుండలు మోగుతుంటాయి. అల్లుడు మాత్రం అపర కుబేరుడు కావాలి.

వరకట్నం బ్యాచ్ వెంటనే దిగిపోకండి. ఇది అంతకన్నా చాలా ప్రమాదకరమైన సమస్య. మీ అమ్మాయిలు, అబ్బాయిలు హైదరాబాదులో సాఫ్ట్వేర్ ఉద్యోగం వెలగబెడుతూ వీకెండ్లలో, ఓయో రూముల్లో ఏం చేస్తున్నారో ఒక కన్ను వేసి ఉంచండి. (సహజీవనాలు, కోలివింగ్ హాస్టళ్లు!)

కోరికలను అదుపులో ఉంచుకుని, మంచి సంబంధం చూసి పెళ్ళిళ్ళు చేయండి. వాళ్ళు జీవితంలో కష్టపడి సంపాదించుకోనివ్వండి. అప్పుడే జీవితపు మాధుర్యాన్ని అనుభవించే వీలుంటుంది. — డాక్టర్ ప్రభాకర్ జైనీ