ఈ సినిమా పాటలో కృష్ణను ఎన్టీయార్ ఆవహించేస్తాడు… కాంచనను కూడా…!!

ఈ సినిమాలో ప్రత్యేకంగా చెప్పుకోవాల్సింది నాగభూషణం తల్లి , కొడుకు ద్విపాత్రాభినయం . ఫుల్ లెంగ్త్ లేడీ పాత్ర నాగభూషణం తప్ప మరెవరూ వేసి ఉండరు . మాట్లాడితే గరిటతో డొక్కలో పొడుస్తా అనే డైలాగ్ ప్రేక్షకులకు బాగా పట్టింది . జనానికి ఊతపదం అయింది కూడా . కృష్ణంరాజు నెగటివ్ పాత్రలో కనిపిస్తారు . ఈ పాత్ర వేయటానికి తటపటాయిస్తుంటే కృష్ణనే కన్విన్స్ చేసి వేయించారట .1967 లో రిలీజయిన నాన్ అనే తమిళ సినిమా ఆధారంగా మన తెలుగు సినిమాను తీసారు . తమిళంలో రవిచంద్రన్ , జయలలిత లీడ్ రోల్సులో నటించారు . తర్వాత హిందీలో కూడా వారిస్ అనే టైటిల్ తో జితేంద్ర , హేమమాలిని , ప్రేమ చోప్రాలు లీడ్ రోల్సులో నటించారు . మూడు భాషల్లోనూ సక్సెస్ అయింది .

కృష్ణ , కాంచన , కృష్ణంరాజు , శ్రీరంజని , నాగభూషణం , చంద్రమోహన్ , సంధ్యారాణి , సూరేకాంతం , కె వి చలం , రావి కొండలరావు , రాధాకుమారి , రామచంద్రరావు , నెల్లూరి కాంతారావు ప్రభృతులు నటించారు . అల్లూరి సీతారామరాజు , అసాధ్యుడు వంటి కృష్ణ హిట్ సినిమాలకు దర్శకత్వం వహించిన వి రామచంద్రరావే ఈ నేనంటే నేనే సినిమాకూ దర్శకులు .

యస్ పి కోదండపాణి సంగీత దర్శకత్వంలో పాటలన్నీ వీర హిట్ . చాలదా ఈ చోటు, రాదులే ఏ లోటూ… , నువ్వే నువ్వే నన్ను చేరుకోవా… , భలె భలె నరసింసింహస్వామినిరా, నిన్నూ నంచుకు తింటునురా… , ఒకే ఒకా గులాబిపై వాలిన తుమ్మెదలెన్నో… , అంబవో శక్తివో పాటలు బాగుంటాయి . పేరడీ పాట సరదాగా ఉంటుంది .

మా నరసరావుపేటలో సత్యనారాయణ టాకీసులో ఆడింది . రెండు మూడు సార్లు చూసి ఉంటా . ఈమధ్యనే టి వి లో కూడా ఏదో చానల్లో చూసా . యూట్యూబులో ఉంది . మంచి కాలక్షేపం సినిమా . కొసమెరుపు నాగభూషణం సి ఐ డి ఆఫీసర్ అనే రగస్యం చివర్లో తెలుస్తుంది . ముందే చెపుతారా ఏంటి !!

#తెలుగుసినిమాలసింహావలోకనం #తెలుగుసినిమాలు #telugucinema #TeluguCinemaNews #telugureels