Subramanyam Dogiparthi……. ఈ సినిమా వంద రోజులు ఎందుకు ఆడిందో ఎప్పటికీ అర్థం కాదు . కేవలం NTR సినిమా కావటమే . సాధారణంగా దేవిక ఒద్దికగా ఉండే పాత్రలనే వేస్తుంది . ఈ సినిమాలో NTR నే మించిపోయి రేగింగ్ చేసేస్తుంది . వీళ్ళిద్దరి శృంగారం కూడా శృతి మించి ఆ రోజుల్లో విమర్శలకు గురయింది . ముఖ్యంగా B , C క్లాస్ సెంటర్లో బాగా ఆడింది . వాళ్ళ శృంగారం బాగా ఎక్కింది .
NTR వియ్యంకుడు యు విశ్వేశ్వరరావు నిర్మించిన ఈ సినిమాకు సి యస్ రావు దర్శకులు . కె వి మహదేవన్ సంగీత దర్శకుడు . చుక్కమ్మ అత్తయ్యరో బుల్ బుల్ పాట వీర హిట్ పాట ఆరోజుల్లో . అయ్యింది అయ్యింది అనుకున్నది , ఆడపిల్లలంటే హోయ్ హోయ్ టీజింగ్ పాట , ఇతర పాటలు బాగుంటాయి . కె వి మహదేవన్ స్థాయిలో పేరు తెచ్చుకోలేదు .కృష్ణ , జయలలిత , సూరేకాంతం , నాగభూషణం , పద్మనాభం , రమాప్రభ , రాజబాబు , నాగయ్య ప్రభృతులు నటించారు . రాజనాల , ధూళిపాళ , ప్రభాకరరెడ్డి , ఎ వి సుబ్బారావు పంచాయతీ బోర్డు సభ్యులుగా ఒక సీన్లో కనిపిస్తారు . జనం మాకేమయినా ఊరక ఓట్లు వేసారా ; నోట్లు తీసుకునేగా వేసారు అనే డైలాగ్ 1968 లోనే ఉంది . మన ఓటర్లు అప్పటికే ముదిరిపోయారు . కాంతారావు ఒక చిన్న పాత్రలో మంత్రిగా కనిపిస్తారు .క్లుప్తంగా చెప్పాలంటే NTR ఇష్టమొచ్చినట్లు గోల గోల చేసే సినిమా . కోయ దొర , పహిల్వాన్ వంటి మారు వేషాలు . ఆరోజుల్లో సినిమాలంటే హీరోకి మారు వేషాలు ఉండాల్సిందే . ఇంక NTR అయితే చెప్పేదే లేదు . మా నరసరావుపేటలో ఓ రెండు మూడు సార్లు చూసి ఉంటా . యూట్యూబులో ఉంది కాని . Pirated video ని అప్లోడ్ చేసినట్లుగా ఉంది . బాగాలేదు . పాటల వీడియోలు కూడా లేవు . ఇంత హిట్ సినిమా వీడియోలు యూట్యూబులో లేకపోవడం ఆశ్చర్యమే . టి వి లో వస్తే చూడండి . మంచి గోల గోల సినిమా యమ గోల లాగా .
#తెలుగుసినిమాలసింహావలోకనం #తెలుగుసినిమాలు #telugureels #TeluguCinemaNews #telugucinema
Ads
Share this Article