Subramanyam Dogiparthi…… ఈ సినిమా వచ్చిన రోజుల్లో ఒక జోక్ ఉండేది . NTR హీరోయిన్ షీలాల శృంగారం ఘట్టిగా ఉంటుంది . పత్రికలు కూడా వేలెత్తి చూపాయి . షూటింగ్ అంతా అయిపోయాక షీలా విరిగిపోయిన ఎముకల్ని రిపేరు చేయించుకోవటానికి హాస్పిటల్లో చేరిందని జోక్ ఉండేది . యన్ టి ఆరా ! మజాకా !
ప్రముఖ దర్శకులు యస్ డి లాల్ 1968 లో వచ్చిన ఈ నేనే మొనగాడ్ని సినిమాకు నిర్మాత , దర్శకులు కూడా . ఆయన NTR తోనే ఎక్కువ సినిమాలు తీసారు . ఈ సినిమాలో రాజనాల – NTR తండ్రీకొడుకులు . Of course . సినిమా ఆఖర్లో తెలుస్తుందనుకోండి వాళ్ళిద్దరికీ . మనకు మొదట్లోనే తెలుస్తుంది . సినిమా క్లైమాక్సులో NTR మెషీన్ గన్ తో విలన్లందరినీ ఢమఢమా కాల్చేసి , నేనే మొనగాడ్ని నేనే మొనగాడ్ని అని అరుస్తుంటాడు . మేము కూడా ఫ్రెండ్సుతో అలాగే ఢాం ఢాం అంటూ నేనే మొనగాడ్ని అని అరిచేవాళ్ళం . కుర్రాళ్ళం కదా !
టి వి రాజు సంగీత దర్శకత్వంలో పాటలు వెరైటీగా ఉంటాయి . ఒక పాట మధ్యలో NTR మాటలు ఉంటాయి . తల్లా పెళ్ళామా సినిమా కన్నా ముందే ఈ సినిమాలో ఆ ప్రయోగం చేసారన్న మాట . నిన్ను చూసింది మొదలూ కలలే కలలు… నిన్ను వలచింది , వయసు పిలిచింది… ఎందుకో నాలో వలపు విరిసింది… పాటలు చాలా శ్రావ్యంగా ఉంటాయి . మిగిలిన పాటలు గారడి చేస్తా నేనే గమ్మత్తు చేస్తా , చూస్కో నా రాజా చూస్కో , షోకిల్లా పిల్లా నిన్నే నిన్నే మెచ్చుకుంటంది మసాలా పాటలు బాగుంటాయి .
Ads
NTR , షీలా , రాజనాల , ధూళిపాళ , శాంతకుమారి , సత్యనారాయణ , అల్లు రామలింగయ్య , రాజబాబు , సంధ్యారాణి , రమణారెడ్డి , గీతాంజలి , జ్యోతిలక్ష్మి ప్రభృతులు నటించారు . అల్లు రామలింగయ్య అపవాదు అనే పత్రికకు ఎడిటర్ అనే కామెడీ పాత్రను , రాజబాబు , సంధ్యారాణి రిపోర్టర్ల జంటగా నటించారు .
సినిమాలో పస తక్కువ అయినా , NTR షీలా శృంగారం B , C క్లాస్ సెంటర్లలో ప్రేక్షకులకు బాగా నచ్చింది . కమర్షియల్ గా కూడా సక్సెస్ అయిందనుకుంటా . By the way , తెలుగులో షీలాకు ఇదే మొదటి సినిమా అనుకుంటా . ఆమెకు , ప్రేం నజీర్ కు ఓ ప్రపంచ రికార్డు ఉంది . 130 సినిమాల్లో జంటగా నటించారు . Hats off to both of them and Malayalam audience .
మా నరసరావుపేటలో వెంకటేశ్వర పిక్చర్ పేలస్ లో రెండు సార్లు చూసా . టి వి లో వచ్చినప్పుడు కూడా చూసా . యూట్యూబులో ఉంది . చూడండి . షీలా హాస్పిటల్లో ఎందుకు చేరవలసి వచ్చిందో చూడాలి కదా !! అందుకోసం ఖాళీగా ఉన్నప్పుడు వీక్షించండి . NTR – షీలావి రెండు డ్యూయెట్లు బాగుంటాయి .
Share this Article