శారద జైత్రయాత్రలో ఓ మైలురాయి 1974 లో వచ్చిన ఈ ఊర్వశి సినిమా . సినిమాకు షీరో శారదే . చాలా సున్నితమైన కధాంశం . మనిషి నల్లగా పుడతాడా లేక తెల్లగా పుడతాడా అనేది ఆ మనిషి చేతిలో ఉండదు . కానీ , నల్లగా పుట్టినదాని పర్యవసానాలు మాత్రం ఆ మనిషి భరించక తప్పదు .
చాలా కుటుంబాల్లో చూస్తుంటాం . కుటుంబ పెద్దలు తమ పిల్లల్లో అందంగా ఉన్నవారిని బంధుమిత్రులకు ఎంతో గర్వంగా పరిచయం చేస్తుంటారు . అందంగా లేని పిల్లల్లో న్యూనతా భావం ఏర్పడుతుంది . కొంతమందిలో ప్రపంచం మీదే కోపం కలుగుతుంది . Pervert అవుతారు . Cynical గా తయారవుతుంటారు .
ఈ సినిమా అలాంటి నల్లమ్మాయి కధే . కవలల్లో ఒకరు తెలుపు , మరొకరు నలుపు . చిన్నప్పటి నుంచి ఆ నలుపు వలన అవమానాలు పడే అమ్మాయిగా , తన సోదరిని బుజ్జగించుకుంటూ రక్షించుకునే అమ్మాయిగా రెండు విభిన్న పాత్రల్లో శారద అద్భుతంగా నటించింది .
Ads
నల్లమ్మాయికి తెల్ల పాప పుట్టడంతో తనకు ఊర్వశి పుట్టిందని సంతోషపడుతుంది . తనలాగా తన బిడ్డ అవమానాల పాలు పడదని ఆనందపడుతుంది . ఆ పాత్ర నిష్క్రమణతో సినిమా ముగుస్తుంది .
కె బాపయ్య దర్శకత్వంలో వచ్చిన ఈ సినిమాకు విశేషం ప్రముఖ హిందీ నటుడు సంజీవ్ కుమార్ హీరోగా నటించటం . ఆయన్ని హీరోగా పెట్టుకోవాలనే ఆలోచన ఎందుకు వచ్చిందో ! ఇతర పాత్రల్లో గిరిబాబు , సత్యనారాయణ , రావుగోపాలరావు , అల్లు రామలింగయ్య ప్రభృతులు నటించారు .
చక్రవర్తి సంగీత దర్శకత్వంలో పాటలు థియేటర్లో శ్రావ్యంగా ఉన్నా బయట హిట్ కాలేదు . Excellent screenplay , direction and neat presentation . యూట్యూబులో ఉంది . శారద అభిమానులు తప్పక చూడతగ్గ సినిమా . #తెలుగుసినిమాలసింహావలోకనం #తెలుగుసినిమాలు ……….. ( By దోగిపర్తి సుబ్రహ్మణ్యం )
Share this Article