కాలం ఎదురుతన్నినా… ఎవరెంత తిట్టినా సరే… ట్రంపుదీ ఓ చరిత్రే…

మై ఫేర్ వెల్ టూ డోనాల్డ్ ట్రంప్

చైనా నిన్ను అధ్యక్షపదవి నుంచి దించటానికి… అమెరికాతో సహా ప్రపంచమంతా కరోనాను అంటించినా సరే… ప్రపంచం నిన్నే గేలి చేస్తుంది. ఓడిపోతే చెడుని చూస్తారు, గెలిస్తే మంచిని చూస్తారు లోకులు. ఎలా గెలిశారు అనే చూసే సమయం ఓపిక ఇక్కడ ఎవ్వరికీ లేదు… డొనాల్డ్ ట్రంప్ తల్లి పేరు మేరీ. తండ్రి పేరు ఫ్రెడ్ ట్రంప్. మేరీ స్కాట్ ల్యాండ్ దేశంలో జన్మించారు. ఆమె అమెరికా వచ్చిన కొత్తలో పరిచయం అయిన ఫ్రెడ్ ట్రంప్ ని పెండ్లి చేసుకొని అమెరికా పౌరసత్వం తీసుకుంది… డొనాల్డ్ ట్రంప్ తండ్రి ఫ్రెడ్ ట్రంప్ తల్లి పేరు ఎలిజిబెత్… అంటే ట్రంప్ నాయనమ్మ… ఆమె సరిగ్గా వందేళ్ళ క్రితం వచ్చిన ఫ్లూ పాండెమిక్ లో చనిపోయారు. 100 యేండ్ల తర్వాత వచ్చిన కరోనా పాండెమిక్ ఎఫెక్ట్ ట్రంప్ కీ తాకింది. కానీ ఈ సారి 6 అడగుల 3 అంగుళాల ఎత్తు మనిషి డొనాల్డ్ ట్రంప్ భౌతికంగా జయించాడు. కానీ ఆ కరోనా వైరస్ వల్లే మరోసారి అధ్యక్షుడు గాకుండా… ఈ ఎన్నికల్లో ఓడిపోయేలా చేస్తుంది అని అతను అనుకోలేదు. ఫేజ్-3 వ్యాక్సిన్ ఫలితాలు వచ్చినా బయటికి వెల్లడించలేదు. ఖచ్చితంగా ఎన్నికలు అయ్యాక విడుదల చేసి, ట్రంప్ ఓడిపోయేలా తలో చేయి వేసింది మెజార్టీ అమెరికన్ కార్పొరేట్ & మీడియా….

ట్రంప్ న్యూయార్క్ లో పుట్టి పెరిగి న్యూయార్క్ మిలటరీ అకాడెమీ బోర్డింగ్ స్కూల్ లో చదువుకున్నాడు. ఆ తర్వాత 16 యేండ్లకే అమెరికా మిలటరీ సర్వీస్ లో చేరాలనుకున్నాడు… కానీ మెడికల్ ఎగ్జాంలో ఫెయిల్ అయి, మళ్లీ చేరటానికి శాశ్వతంగా నిషేదించబడ్డాడు. సరిగ్గా 40-50 యేండ్ల తర్వాత అమెరికా అధ్యక్షుడు అయ్యి, త్రివిధ దళాలకి అధిపతి అయిన వైనం నిజంగా చాలా ఇన్స్పిరేషన్. డోనాల్డ్ ట్రంప్ తల్లి మేరీ ఆస్టియో ఫోరోసిస్ (ఎముకలకి సంబంధించిన వ్యాధి) తో చనిపోయారు. ట్రంప్ మెడికల్ ఎగ్జాంలో ఫెయిల్ కాటానికి కారణం ఎముకలకి సంబంధించే… అతని బోన్ స్పర్ బాలేదు అని..! బహుశా తల్లి నుంచి జన్యుపరంగా వచ్చి ఉంటుంది. డొనాల్డ్ ట్రంప్ న్యూయార్క్ లోని క్వీన్స్ లో పుట్టాడు. తండ్రి పెద్ద రియల్ ఎస్టేట్ డెవలపర్. ట్రంప్ తండ్రి ఫ్రెడ్ ట్రంప్, తల్లి ఎలిజిబెత్ 100 యేండ్ల క్రితమే రియల్ ఎస్టేట్ వ్యాపారం చేసేవారు. గోల్డెన్ స్పూన్ తో న్యూయార్క్ లో పుట్టినా సరే, ఒక్క చెడు అలవాటు లేదు. సిగరెట్ తాగడు, మందు తాగడు, మాదక ద్రవ్యాల అలవాటు లేదు. డొనాల్డ్ ట్రంప్ ది సాంప్రదాయక క్రిష్టియన్ కుటుంబం కాదు కానీ కుటుంబ విలువలకి అత్యధిక ప్రాధాన్యత ఇచ్చే వ్యక్తి. తన అన్న గురువు లాంటోడు అని చాలాసార్లు చెప్పాడు.

బాప్టిజం తీసుకోవాలి, బాసింపట్లు వేసుకొని కూర్చోవాలి అనే భావజాలానికి ట్రంప్ వ్యతిరేకం. అధ్యక్ష ఎన్నికలు జరగబోతాయి, తన వ్యాఖ్యల ప్రభావం ఉంటుంది అని తెలిసినా సరే… నేను క్రిస్టియన్ విధానాలని అనుసరిస్తాను కానీ నేను సాంప్రదాయక క్రిస్టియన్ వాదిని కాదు, మతాన్ని అనుసరించే వ్యక్తిని కాదు నేను అని క్రిస్టల్ క్లియర్ గా చెప్పటం నిజంగా అతని నిజాయితీకి నిదర్శనం. లోపల ఒకటి పెట్టుకొని బయటికి ఒకటి చెప్పటం ట్రంప్ స్వభావం కాదు. మంచైనా చెడు అయినా ఓపెన్ గా, డైరక్ట్ గా చెప్తాడు. కరోనా ప్రబలుతున్న నేపధ్యంలో మాస్క్ వేసుకోవాలని ట్రంప్ చెప్పలేదు అని కొందరు విమర్శించవచ్చు గాక…. కానీ ముడ్డి కడుక్కోవాలి, ఫీవర్ వచ్చినప్పుడు ట్యాబ్లెట్స్ వేసుకోవాలి అని అధ్యక్షుడు చెప్తేనే చేస్తున్నారా..? అమెరికాలో ప్రతి ఒక వ్యక్తి ప్రతి విషయం తెలుసుకోవాలి. ఎవరో తమకి చెప్పలేదు కాబట్టి మేము చేయలేదు అని అనటం అక్కడ ఉండదు. అంటువ్యాధులకి సంబంధించి CDC – Centres for Disease Control & Prevention చెప్పిన వాటిని పాటించటం అమెరికా పౌరుల బాధ్యత.

పెన్సిల్ వేనియాలోని “వార్టన్ స్కూల్ ఆఫ్ పెన్సిల్ వేనియా యూనివర్శిటీ” నుంచి ఎకానామిక్స్ లో బ్యాచిలర్స్ డిగ్రీ చేసి, ఆ తర్వాత తన తండ్రి నుంచి కొన్ని మిలియన్ డాలర్లు అప్పు తీసుకొని, సొంతంగా కష్టపడి వ్యాపార సామ్రాజ్యాన్ని నిర్మించుకొని, అమెరికా చరిత్రలో మొదటి బిలియనీర్ అధ్యక్షుడు అయ్యాడు… ఫోర్బ్స్ పత్రిక 2020 లో విడుదల చేసిన వివరాల ప్రకారం అమెరికాలో 275 వ అత్యంత ధనవంతుడు, ప్రపంచంలో 1001 వ అత్యంత ధనవంతుడు డొనాల్డ్ ట్రంప్. 1987 లో డొనాల్డ్ ట్రంప్ కో-ఆథర్ గా రాసిన పుస్తకం “ది ఆర్ట్ ఆఫ్ డీల్” న్యూయార్క్ టైమ్స్ పత్రిక బెస్ట్ సెల్లర్స్ లిస్ట్ లో 48 వారాలు నంబర్ వన్ గా ఉంది…