.
Subramanyam Dogiparthi …… కృష్ణ- పి చంద్రశేఖరరెడ్డి కాంబినేషన్లో వచ్చిన మరో సూపర్ హిట్ సినిమా ఈ బంగారు భూమి సినిమా . 1982 సంక్రాంతి సీజనుకు విడుదల అయి వంద రోజులు ఆడిన సినిమా .
గ్రామీణ కుటుంబాల నేపధ్యంలో వీరిద్దరి కాంబినేషన్లో పాడిపంటలు వంటి సూపర్ హిట్ సినిమాలు ముందు కూడా వచ్చాయి . పి చంద్రశేఖరరెడ్డి అలాంటి సినిమాలు తీయటంలో దిట్ట . కృష్ణ ఈ సినిమాలో కూడా చాలా హుందాగా , అందంగా నటించారు . ఇలాంటి పెద్దన్నయ్య పాత్రలు ఆయనకు కొట్టిన పిండే .
Ads
ఈ సినిమాకు బలం కధ , కధనం . పి చంద్రశేఖరరెడ్డి రెండింటినీ బాగా హేండిల్ చేసారు . భారీ తారాగణం . Looks overcrowded too . కృష్ణ , అతిలోకసుందరి శ్రీదేవి , కృష్ణకుమారి , కవిత , సుధాకర్ , గీత , అల్లు రామలింగయ్య , రాజబాబు , మమత , సంగీత , గిరిబాబు , ప్రభాకరరెడ్డి , మిక్కిలినేని , త్యాగరాజు , గుమ్మడి , సత్యనారాయణ , రావు గోపాలరావు , సారధి , ఈశ్వరరావు , సూర్యకాంతం , ప్రభృతులు నటించారు .
ఇన్ని పాత్రలను సమన్వయం చేసుకుంటూ కధను నడిపించటం అంత సులభం కాదు . పి చంద్రశేఖరరెడ్డి సఫలుడయ్యారు .
జె వి రాఘవులు సంగీత దర్శకత్వంలో పాటలన్నీ శ్రావ్యంగా ఉంటాాయి . ఆత్రేయ వ్రాసిన పొంగింది పొంగింది బంగారు భూమి పాట చాలా బాగుంటుంది . హిట్టయింది కూడా .
బంజరు భూముల్ని , కొండ భూముల్ని సాగలోకి తెచ్చేందుకు నీటి వసతి కోసం రాళ్ళల్లో , గుట్టల్లో హీరో బావుల్ని తవ్వే సీన్లు ఎన్నో సినిమాల్లో పెట్టారు . ఎన్నింటిలో పెట్టినా ఎన్ని సార్లయినా ఆ సీన్లు పండుతూనే ఉంటాయి . అలాంటి పాజిటివ్ సీన్ ఈ సినిమాలో కూడా ఉంటుంది . ఈ పాట అందుకు సంబంధించిందే .
వేటూరి ఒక్క రేయంత కవ్వింత ఒళ్ళంత తుళ్ళింత డ్యూయెట్టునే వ్రాసారు . హుషారుగా ఉంటుంది . మిగిలిన అన్ని పాటలూ ఆత్రేయే వ్రాసారు . దొంగ చిక్కింది కంగు తిన్నది , చిటపట చిటపట చిటపట వర్షం గ్రూప్ డాన్స్ , ఆరిపేయీ ఆరిపేయీ చలిమంట పాటలు హుషారుగా ఉంటాయి .
యస్ పి వెంకన్న బాబు నిర్మించిన ఈ సినిమాకు సంభాషణలు మోదుకూరి జాన్సన్ పదునుగా వ్రాసారు . హాస్య సంభాషణలను అప్పలాచార్య వ్రాసారు . తిరనాళ్ళ వర్షం గ్రూప్ సాంగులో ప్రభల మీద డాన్సుల్ని ఈ సినిమాలో చూడవచ్చు .
ఒకప్పుడు మా నరసరావుపేట ఈ డాన్స్ కంపెనీలకు చిరునామా . కోటప్పకొండ , ఇతర ఊళ్ళల్లో తిరునాళ్ళకు డాన్సర్లను మా ఊరి నుండే తీసుకుని వెళ్ళేవారు . ఎంతో మంది కళాకారులు , డాన్సర్లు బతికేవారు . అవన్నీ అశ్లీలంగా ఉన్నాయని నిషేధించారు .
ఎంతో మంది నిరుద్యోగులు అయ్యారు . ఇవ్వాళ సినిమాలలో , సోషల్ మీడియాలో వచ్చే పచ్చి బూతుల కన్నా ఆ ప్రభల డాన్సులు వంద రెట్లు బెటర్ . ఏలిన వారు మూర్ఖంగా తీసుకునే కొన్ని గుడ్డి నిర్ణయాలు కొందరి జీవితాలనే మార్చేస్తాయి .
చక్కని కుటుంబ కధా చిత్రం . కృష్ణ హుందా నటన , శ్రీదేవి పొగరుబోతు నటన , తర్వాత బాధ్యత తెలుసుకున్నాక హుందా నటన సినిమాకు హైలైట్ .కృష్ణ , శ్రీదేవి అభిమానులు తప్పక చూడతగ్గ సినిమా .
ఇంతకుముందు చూసి ఉండకపోతే ఇతరులు కూడా చూడతగ్గ సినిమాయే . యూట్యూబులో ఉంది . A watchable neat , family-oriented , feel good movie . #తెలుగుసినిమాలసింహావలోకనం #సినిమా_కబుర్లు #తెలుగుసినిమాలు
Share this Article