.
Subramanyam Dogiparthi ………. డిఫరెంట్ మీసకట్టుతో చిరంజీవి , రాధిక కాంబినేషన్లో వచ్చిన మరో హిట్ కమర్షియల్ ఎంటర్టయినర్ ఈ పల్లెటూరి మొనగాడు .
మొనగాళ్ళందరూ సక్సెస్ అయ్యారు . మనోళ్ళకు మొనగాళ్ళు నచ్చుతారేమో ! కధ చాలా గ్రామ నేపధ్యం సినిమాలలో చూసేదే . ఓ మోతుబరి . ఆయనకో భజన సంఘం , partners in crime and exploitation .
Ads
ఆ ఊళ్ళో ఒక మగాడు , మొనగాడు . ఆ మోతుబరి విలన్ బాధితులకు అండగా ఉంటాడు మన హీరో మొనగాడు .
ఈ సినిమాలో మనకు అన్ని సినిమాలలో కనిపించే రావు గోపాలరావు స్థానంలో గొల్లపూడి మారుతీరావు దర్శనమిస్తాడు . ఆయన నేర భాగస్తులు చలపతిరావు , సుత్తి వీరభద్రరావు , మరో ఏక్టర్ పేరు నాకు తెలియదు . హీరోయిన్ రాధిక మెడిసిన్ అయ్యాక కోరి ఆ ఊరికే డాక్టర్ ఉద్యోగం వేయించుకుని చేరుతోంది .
తన డాక్టర్ తండ్రిని హత్య చేసిన వాడిని కనుక్కొని , వాడిని చంపేయాలని ఆ గ్రామానికి చేరుతుంది . హీరో తండ్రిని కూడా విలనే చంపి ఉంటాడు . హీరోయిన్లు డ్యూయెట్లతో పాటు సంయుక్తంగా విలన్ని , అనుచర గణాన్ని తుదముట్టిస్తారు .
విలన్ని చంపినందుకు హీరో గారికి ఏడేళ్ళ జైలు శిక్ష పడుతుంది . శిక్షానంతరం పెళ్ళి చేసుకోవడంతో శుభం కార్డు పడుతుంది . ఇదీ కధ టూకీగా .
తమిళంలో బాగా హిట్టయిన నెంజిలే తిరువిరుంతల్ (Nenjile Thiruvirunthal) సినిమాకు రీమేక్ మన తెలుగు సినిమా . తమిళంలో విజయకాంత్ , స్వప్న , విజయశాంతి ప్రధాన పాత్రల్లో నటించారు .
రాజలక్ష్మి ఆర్ట్ మూవీస్ బేనరుపై మిద్దె రామారావు నిర్మించిన ఈ సినిమాకు యస్ ఎ చంద్రశేఖర్ దర్శకులు .
సినిమా సక్సెస్ అవటానికి కేవలం చిరంజీవి , రాధికల జోడీ , చక్రవర్తి మ్యూజిక్ కారణాలు . చిరంజీవి , రాధికలు మొత్తం 20 సినిమాలలో జంటగా నటించారు . హిట్ పెయిర్ .
జడలోని బంతి పువ్వు కడగంటి కన్నె నవ్వు , పలుకే బంగారమా ఓ గున్నమామిడీ డ్యూయెట్లు బాగుంటాయి . గుండె గది ఖాళీ ఉండిపోతావా అంటూ సాగే డ్యూయెట్ రాజేష్ , పూర్ణిమల మీద చాలా బాగుంటుంది .
అన్ని గ్రామ నేపధ్య సినిమాలలో లాగానే ఓ గ్రూప్ డాన్స్ ఉంది . కాస్తంటే కాస్త ఎర్రగా ఉంటుంది .
ఎవరు పెద్దోళ్ళు ఎవరు ఉన్నోళ్ళు అంటూ సాగుతుంది . చిరంజీవి డాన్స్ బాగుంటుంది . ఆయన డాన్సింగ్ స్కిల్స్ గురించి చెప్పేదేముంది ! సత్యానంద్ డైలాగులు బాగుంటాయి . గొల్లపూడి డైలాగులు , వాటి డెలివరీ భిన్నంగా ఉంటాయి .
ఇతర ప్రధాన పాత్రల్లో అత్తిలి లక్ష్మి , కాకినాడ శ్యామల , సుత్తి జంట , ప్రభృతులు నటించారు . 1983 ఫిబ్రవరిలో విడుదలయిన ఈ సినిమా యూట్యూబులో ఉంది .
ఇంతకుముందు చూడని చిరంజీవి అభిమానులు చూడవచ్చు . చూడబులే . సినిమా అంతా చిరంజీవి , రాధిక , గొల్లపూడిల మీదే నడుస్తుంది . #తెలుగుసినిమాలసింహావలోకనం #తెలుగుసినిమాలు #సినిమాకబుర్లు
Share this Article