సినిమా పేరు Paradise . చాలా బాగుంది . మళయాళం సినిమా ఇంగ్లీషు సబ్ టైటిల్సుతో . తమ అయిదవ వెడ్డింగ్ ఏనివర్శరీని జరుపుకునేందుకు ఒక ఇండియన్ జంట శ్రీలంకకు వెళతారు . 2022 శ్రీలంక ఆర్థిక సంక్షోభంలో నేపధ్యంలో తీయబడిన సినిమా .
ఆ జంట శ్రీలంకలో రామాయణం లోని ముఖ్య ఘటనల ప్రదేశాలను సందర్శిస్తారు . వాళ్ళతోపాటు మనకూ చక్కగా చూపించారు . మనకు బాగా నచ్చుతుంది . ఆ తర్వాత శ్రీలంక ప్రకృతి అందాలను , వారి సంస్కృతిని , దేశం ఆర్ధిక కష్టాలలో ఉన్నప్పుడు ప్రజల హాహాకారాలు – ఆందోళనలు , టూరిస్టులకు ముఖ్యంగా భారతీయులకు ఇచ్చే గౌరవాన్ని సినిమాలో బాగా చూపారు .
Background music ఢాం ఢాంలు లేకుండా చాలా pleasant గా ఉంటుంది . ఢాం ఢాం సంగీత దర్శకులు తప్పక చూడాలి .
ప్రధాన పాత్రల్లో నటించిన దర్శన రాజేంద్ర , రోషన్ మేథ్యూ చాలా బాగా నటించారు . ముఖ్యంగా వారిద్దరి మధ్య ఆలోచనా బేధాలు రావటాన్ని సున్నితమైన మాటలు తక్కువ భాషలో డైరెక్టర్ ప్రసన్న వితానగే బాగా చూపారు .
Ads
కాకపోతే ముద్దులు గట్రా మరీ అంతగా చూపాల్సిన అవసరం ఏంటో అర్థం కాదు మాలాంటి కె విశ్వనాధ్ బేచ్ ప్రేక్షకులకు . మణిరత్నం నిర్మాతల్లో ఒకరు . రాజీవ్ రవి సినిమాటోగ్రఫీ చాలా బాగుంది .
బుసాన్ లో జరిగిన 28 వ ఇంటర్నేషనల్ ఫిలిం ఫెస్టివల్లో ప్రదర్శించబడి , కిం జిసోక్ అవార్డుని గెలుచుకుంది . చాలామంది పర్యాటకులు ముఖ్యంగా యంగ్ కపుల్స్ జనం లేని ప్రదేశాలకు వెళ్ళాలని కోరుకుంటూ ఉంటారు . ఒకటి ఎడ్వెంచర్ , రెండు ప్రైవసీ . అవి ఎంత ప్రమాదమో ఈ సినిమా చూస్తే అర్థం అవుతుంది . ఇంతకన్నా కొత్త సినిమా గురించి చెప్పటం భావ్యం కాదు .
సినిమా బాగుంది . శ్రీలంక ప్రకృతి అందాలను బాగా చూపారు . ఇంగ్లీషు సినిమాల్లోలాగా కుర్ర ప్రేక్షకులకు కాస్త శృంగార వాసన కూడా ఉంది . వెరశి చూడతగ్గ సినిమా . ప్రైంలో ఉంది . చూసేయండి … [ దోగిపర్తి సుబ్రహ్మణ్యం ]
Share this Article