మాదిరెడ్డి సులోచన నవల ప్రేమలు పెళ్ళిళ్ళు ఆధారంగా నిర్మించబడిన ఈ సినిమా 1974 జనవరిలో వచ్చింది . మన దేశంలో ఒకప్పుడు పెళ్లి అంటే లైఫ్ టైం ఎఫైర్ . టివిలు , ఫ్రిజ్లు , కార్లు మార్చేసినట్లు భార్యల్ని భర్తల్ని మార్చేసే రోజులు వచ్చాయి మన దేశంలో కూడా .
రోజూ కీచులాడుకుంటూ , తన్నుకుంటూ గడిపేదాని కన్నా విడిపోవటమే బెటర్ అనే రోజులకు వచ్చాం . ఇదీ కరెక్టే . సర్దుకుపోయే ఓపిక ఉండాలి . లేకపోతే విడిపోవటమే శరణ్యం .
ప్రేమించుకున్నాం అని భ్రమించి మతాంతర వివాహం చేసుకుని , సర్దుకుపోలేక విడిపోతుంది ఓ జంట . భర్త మత్తుకు అలవాటు పడిపోతాడు . మరో స్త్రీ వచ్చి దారిలో పెట్టుకుంటుంది . మొదటి స్త్రీ పాత్రను సినిమా చివర్లో నిష్క్రమింపచేస్తాడు దర్శకుడు . టూకీగా ఇదీ కధ .
Ads
ఇలాంటి కధాంశాలతో మనకు సినిమాలు కుప్పలు కుప్పలు వచ్చాయి . ప్రేమించుకుని విడిపోయే జంటగా అక్కినేని , జయలలితలు నటించగా , రిపేర్ చేసుకుని దారిలోకి తెచ్చుకునే స్త్రీగా శారద నటించారు . ఇతర పాత్రల్లో జి వరలక్ష్మి , రాజబాబు , SVR , నిర్మలమ్మ , రామకృష్ణ , గీతాంజలి , అల్లు రామలింగయ్య , శ్రీధర్ , భానుప్రకాష్ , సంధ్యారాణి ప్రభృతులు నటించారు .
వి మధుసూధనరావు దర్శకత్వం వహించిన ఈ సినిమాకు M S విశ్వనాథన్ సంగీత దర్శకులు . పాటలన్నీ శ్రావ్యంగానే ఉంటాయి . సి నారాయణరెడ్డి వ్రాసిన చిలికి చిలికి చిలిపి వయసు వలపు వాన అవుతుంది పాట బాగుంటుంది . దాశరధి వ్రాసిన మనసులు మురిసే సమయమిది పాట కూడా బాగుంటుంది . ఎవరు నీవు నీ రూపమేది , ఎవరున్నారు పాపా నీకెవరున్నారు , మనసు లేని దేవుడు మనిషికెందుకో మనసిచ్చాడు పాటలు థియేటర్లో శ్రావ్యంగానే ఉంటాయి .
కాలేజి రోజుల్లోనే చూసా . ANR లెవెల్లో ఆడనట్లు గుర్తు . ఈమధ్యే టివిలో కూడా చూసా . యూట్యూబులో ఉంది . అక్కినేని , జయలలిత , శారద అభిమానులు చూడవచ్చు . చూడబులే . #తెలుగుసినిమాలసింహావలోకనం #తెలుగుసినిమాలు……..( By దోగిపర్తి సుబ్రహ్మణ్యం )
Share this Article