Ads
ప్రస్తుతం రిషబ్ ఈ సినిమాకు సంబంధించిన కథాకథనాల పనిలో పడ్డాడు… అందులో ఓ కీలకమైన పాత్ర రజినీకాంత్ చేస్తే ఎలా ఉంటుందనే ఆలోచనలో పడ్డారు రిషబ్, నిర్మాత విజయ్… కానీ రజినీకాంత్ హీరోగా గాకుండా గెస్టు రోల్ చేయడు… కథలో తనదే ప్రధాన పాత్ర అయి ఉండాలి… కానీ కాంతార ప్రీక్వెల్‌లో హీరోగా రిషబే కనిపించాలి… తను వదిలిపెట్టడు… ఎందుకంటే..? ఆల్‌రెడీ కాంతారలో రిషబ్‌ను చూశారు కాబట్టి… కానీ ఆ తండ్రి పాత్రను రజినీతో చేయిస్తే సినిమా మరింత గ్రాండ్‌గా వస్తుందనీ, కాంతారతో దక్కిన గ్రాండ్ సక్సెస్‌ను కొనసాగించినట్టు అవుతుందని నిర్మాత విజయ్ ఆలోచన…
ఈ మథనం తెగడం లేదు కాబట్టి ఏదీ అధికారికంగా ప్రకటించడం లేదు… కాంతారను జస్ట్, 16 కోట్లతో నిర్మించారు… ఒకవేళ రజినీ గనుక నటించే పక్షంలో ఎన్ని కోట్లయినా పెట్టడానికి సిద్దమని విజయ్ చెబుతున్నాడు… ఎలాగూ పాన్ ఇండియా ప్రాజెక్టు అవుతుంది… రజినీకాంత్‌కు సౌత్ భాషలన్నింటిలోనూ ఫాలోయింగ్ ఉంది… అందుకని రజినీకాంత్ అంగీకరిస్తే కాంతార ప్రీక్వెల్‌లో ముఖ్యమైన పాత్రలోనే నటింపజేయించాలి, ఇదీ విజయ్ ఆలోచన
ఈమధ్య కర్నాటక ఫిలిమ్ జర్నలిస్ట్స్ అసోసియేషన్ ప్రెస్‌మీట్ జరిగింది… అందులో ప్రధానమైన ప్రశ్న… ‘కాంతార ప్రీక్వెల్‌లో రజినీ నటించనున్నాడా..?’ దీనికి రిషబ్ కాదనలేదు… అలాగని అవుననీ చెప్పలేదు… ఒకవేళ నిజం కాని పక్షంలో వెంటనే అదేమీ లేదని చెప్పేవాడు… అందుకని రజినీ కాంతార పక్కా అంటూ కర్నాటక మీడియా ఎడాపెడా రాసేసింది… వాటిని కాంతార హీరో రిషబ్ గానీ, నిర్మాత విజయ్ గానీ ఖండించలేదు…
HAPPY BIRTHDAY #THALAIVA @RAJINIKANTH.
HOPE YOU CONTINUE TO MESMERISE!#HBDSUPERSTARRAJINIKANTH PIC.TWITTER.COM/W7Q1AMOALV
— HOMBALE FILMS (@HOMBALEFILMS) DECEMBER 12, 2022
ఇంతకుముందు ఎప్పుడూ హొంబలే ఫిలిమ్స్ రజినీకాంత్ బర్త్‌డేకు విషెస్ చెప్పలేదు… తను కన్నడ సినిమాలు, హీరోలకే పరిమితమై ఉండేది… కానీ మొదటిసారిగా ఆమధ్య రజినీకాంత్ బర్త్‌డేకు ఈ సంస్థ ప్రత్యేకంగా ట్వీట్ గ్రీటింగ్స్ షేర్ చేసుకుంది… అంతేకాదు, కాంతార ఒరిజినల్ కథకే ప్రీక్వెల్ అని మొదటి నుంచీ చెబుతున్న రిషబ్ శెట్టి ఇప్పుడు ‘‘ప్రేక్షకులకు చాలా సర్‌ప్రయిజెస్ ఉంటాయి, జానర్ కూడా డిఫరెంటుగా ఉంటుంది’’ అని చెబుతున్నాడు…
నిజానికి రజినీకాంత్ బేసిక్‌గా కన్నడిగ… నటుడిగా చెన్నై వెళ్లి, తమిళ సినిమాల్లో పాపులరైపోయాడు… తన మాతృభాషలో ఓ పెద్ద బడ్జెట్ సినిమా తీయాలనే కోరిక చాలాకాలంగా తనలో ఉంది… అది కార్యరూపం దాల్చడం లేదు ఇప్పటివరకూ… కాంతారలోని శివ పాత్రకు తండ్రి పాత్ర పోషిస్తే బాగుంటుందనేది తన ఆకాంక్ష… కాంతారలో కొన్ని యాక్షన్ సీన్లు ఉన్న బిల్డింగ్ గుర్తుంది కదా… అది మంగుళూరులో ఉంటుంది… రజినీకాంత్ నటిస్తున్న జైలర్ సీన్లు కొన్ని ఇప్పుడు ఆ భవనంలోనే తీయబోతున్నారు…
రజినీకాంత్, శివరాజకుమార్ కలిసి నటిస్తున్న సినిమా కోసం ఆల్‌రెడీ వాళ్లిద్దరూ మంగుళూరు చేరుకున్నారనీ, వారిద్దరూ కనిపించే సీన్లు అక్కడ షూట్ చేయబోతున్నారని టైమ్స్ కథనం… ఈ సినిమాలో మోహన్‌లాల్ ఓ అతిథి పాత్ర పోషిస్తుండగా, జాకీ ష్రాఫ్ మరో ప్రధాన పాత్రలో నటించబోతున్నాడు… తమన్నా, రమ్యకృష్ణ, సునీల్ కూడా ఉన్నారు ఈ సినిమాలో… ఒకవేళ రజినీ గనుక కాంతార ప్రీక్వెల్‌కు సై అంటే ఇదే మంగుళూరు, ఇదే భవనంలో షూటింగుకు చాలారోజులు టైమ్ కేటాయించి, మళ్లీ రావల్సి ఉంటుంది…!!
Share this Article