.
గ్రేటర్ హైదరాబాద్… జీహెచ్ఎంసీ విస్తరణ ప్రక్రియ తెలంగాణ రాజకీయాల్లో ప్రకంపనలు క్రియేట్ చేస్తోంది… పర్టిక్యులర్‌గా రేవంత్ రెడ్డి తన మాస్టర్ మైండ్‌తో ‘ఒక్క దెబ్బ- మూడు పార్టీలు’ అనే రాజకీయ ప్రణాళిక వేశాడనే చర్చ సాగుతోంది… నగరంలో ఆటను మార్చడం కాదు ఇది… అసలు గ్రౌండ్‌‌లోనే గ్రేటర్ మార్పులు చేసి, పిచ్ అనుకూలం చేసుకోవడం..!!
ఒక్కసారిగా 27 పట్టణ సంస్థలను (శివారు మున్సిపాలిటీలు, కార్పొరేషన్లు) జీహెచ్‌ఎంసీలో విలీనం చేసి, నగరం విస్తీర్ణాన్ని 625 చదరపు కిలోమీటర్ల నుంచి ఏకంగా 2,000+ చదరపు కిలోమీటర్లకు పెంచడం… దేశంలోకెల్లా అతి పెద్ద నగరంగా మార్చడం కేవలం ‘పరిపాలనా సంస్కరణ’ మాత్రమే కాదు, పూర్తి స్థాయి నగర రాజకీయ వ్యూహం…
Ads
2007లో వై.ఎస్. రాజశేఖర రెడ్డి హయాంలో జీహెచ్‌ఎంసీని ఏర్పాటు చేసిన తర్వాత, ఇంత పెద్ద ఎత్తున నగర ప్రాంతాల పునర్వ్యవస్థీకరణ జరగడం ఇదే మొదటిసారి… హైదరాబాద్‌ను ప్రముఖ విదేశీ నగరాలకు దీటుగా డెవలప్ చేయాలనే పలు ప్రణాళికల నేపథ్యంలో బెటర్ అడ్మినిస్ట్రేషన్, బెటర్ ప్లానింగ్, బెటర్ ఫండ్స్ యుటిలైజేషన్, బెటర్ పౌరసదుపాయాలు, బెటర్ కోఆర్డినేషన్ లక్ష్యాలో వోకే…
డెవలప్‌మెంట్ సైడ్… హైడ్రా, మూసీ పునరుజ్జీవం, ఫ్యూచర్ సిటీ, పరిశ్రమల తరలింపు ఎట్సెట్రా బృహత్ పథకాలు- ప్రణాళికల నుంచి దాటి… కాంగ్రెస్ కోణంలో అసలు గ్రేటర్ పొలిటికల్ స్ట్రాటజీ ఏమిటి..? ఈ చర్చ సాగుతోంది రాష్ట్ర రాజకీయాల్లో… నిన్నటిదాకా ఏం స్పందించాలో తెలియకుండా సతమతం అయిన బీజేపీ తొలిసారిగా నిన్న స్పందించింది… విలీనం- విస్తరణ మజ్లిస్ కోసం, మాకు అభ్యంతరాలున్నాయి, వ్యతిరేకిస్తున్నాం అని ఏవో పొంతనలేని వివరణ వినిపిస్తోంది…
బీఆర్ఎస్ నుంచి పెద్దగా ఏ స్పందన లేదు… ప్రత్యేకించి జుబ్లీహిల్స్ వోటరు తీర్పు బాపతు షాక్ నుంచి ఇంకా అది కోలుకోలేదు… మజ్లిస్ కూడా ఎలా స్పందించాలో తెలియని స్థితిలో ఉన్నట్టుంది… కానీ పొలిటికల్ సర్కిళ్లలో అంతర్గతంగా చర్చలు, సాగుతూనే ఉన్నాయి… రేవంత్ రెడ్డి రియల్ గ్రేటర్ ప్లాన్ ఏమిటీ అని..!
జుబ్లీహిల్స్ ఉపఎన్నికకు ముందు, అంటే గత అసెంబ్లీ ఎన్నికల ముందు పరిస్థితి ఏమిటో చూద్దాం..? 1) గ్రేటర్ కార్పొరేషన్‌పై మజ్లిస్ పెత్తనం ఎక్కువ… బీఆర్ఎస్- మజ్లిస్ జాన్ జిగ్రీలు… 2) అసెంబ్లీ ఎన్నికల్లోనూ బీఆర్ఎస్ మరీ ఘోరంగా దెబ్బతినకుండా కాపాడింది నగర ఎమ్మెల్యే స్థానాలే… 3) బీజేపీకి చెప్పుకోదగిన కార్పొరేటర్ల సీట్లు వచ్చి, భావి మేయర్ ఆశల్ని పెంచేసింది లాస్ట్ గ్రేటర్ ఎన్నికలే… 4) గ్రామీణంలో ఎక్కువ స్థానాల్ని గెలుచుకున్నా నగర ఎమ్మెల్యే సీట్లలో కాంగ్రెస్ పట్టు చూపించలేెక చతికిలపడింది… 5) నగరంలో ప్రజాశాంతి, సీపీఐ, సీపీఎంలకు పెద్ద సీన్ ఏమీ లేదు…
సో, పాత బస్తీలో మజ్లిస్… తోడుగా బీఆర్ఎస్… శివారులో బీజేపీ… ఓల్డ్ సీటీ, కోర్ సిటీ, సబర్బన్ (మూడు ప్రతిపక్ష పార్టీల బలమైన మొత్తం ప్రాంతాల్ని కలిపేసి, కుట్టేసి విస్తరిస్తే… ప్రస్తుత బీజేపీ, మజ్లిస్ పెత్తనానికి ఉమ్మడి దెబ్బ… బీఆర్ఎస్‌ను మరింత కనీససంఖ్యకు నెట్టేయడం… కాంగ్రెస్ సీట్లను పెంచుకోవడం… ఇదేనా రేవంత్ రెడ్డి ప్రణాళిక..?
అర్బన్ వోటింగులో బీజేపీకి అనుకూలించే మోడీ ఫ్యాక్టర్‌ను ఒకేసారి స్థూలంగా దెబ్బతీయాలనేది తన వ్యూహం… పర్టిక్యులర్‌గా ఈసారి మేయర్ పీఠంపై కాషాయ జెండా ఎగరవేయాలనుకున్న బీజేపీకి ఇది పెద్ద దెబ్బ… అందుకే ఆ పార్టీకి గ్రేటర్ విస్తరణ జీర్ణం కావడం లేదు… బీజేపీకి బలంగా ఉన్న శివారు ప్రాంతాలన్నీ ఈ విస్తరణతో ఒకే పెద్ద ఎన్నికల గుండంలో మునిగిపోతాయి. బీజేపీకి ఉన్న “గ్రోత్ బెల్ట్ అడ్వాంటేజ్” నేరుగా కనుమరుగవుతుంది…
ఇప్పటికే అంతర్గత విభేదాలతో, ముఖ్య నేతల కోవర్టు నాటకాలతో సతమతమవుతున్న తెలంగాణ బీజేపీ శాఖను ఈ గ్రేటర్ విస్తరణ మరింత షాక్… బీజేపీ మాత్రమే కాదు… “హైదరాబాద్ మీ పొలిటికల్ అడ్డా కాదు, ఆట బోర్డునే మార్చేస్తున్నాం చూడండి’’ అనే బలమైన సందేశాన్ని కాంగ్రెస్ ఈ విస్తరణ ద్వారా బీజేపీ, ఎంఐఎంలకు పంపిస్తోంది…
మజ్లిస్ ప్రస్తుతం తన విధేయ- స్నేహ ధోరణిని కాంగ్రెస్ వైపు మళ్లించింది… ఎవరు అధికారంలో ఉంటే వాళ్లే స్నేహితులు దానికి… నమ్మదగని స్నేహం… అందుకే దాని బలాన్ని కూడా కుదించాలనే ప్లాన్ ఈ విస్తరణ… 250 నుంచి 300 కార్పొరేటర్ సీట్లు పెరుగుతాయి కాబట్టి, మజ్లిస్‌కు వచ్చే దాని కోటల్లోని సీట్ల సంఖ్యకు పెద్ద ప్రభావం లేకుండా పోతుంది…
అసెంబ్లీ ఎన్నికల ఫలితాల తరువాత బీఆర్ఎస్ కీలక నగర నేతలు చాలామంది కాంగ్రెస్ వైపు మళ్లడం స్టార్టయింది… కానీ ఈ అవకాశవాద చేరికలతోనే కాంగ్రెస్ బాగుపడదు… సొంతంగా కాంగ్రెస్ వోటు పెరగాలి… పెరిగితే కాబోయే నెంబర్ వన్ సిటీలో తన పెత్తనం పదిలం… అందుకే ఈ బృహత్ రాజకీయ ప్రణాళిక…!!
Share this Article