Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

హూ ఈజ్ దట్ రాక్షసి… వున్నది ఒక శూర్పణఖ… రక్తికట్టిన డ్రామా..!!

January 6, 2025 by M S R

.

. ( దోగిపర్తి సుబ్రహ్మణ్యం ) .. … దాసరి కూడా బాపులాగా సీతారాములు అని పేరు పెట్టడమే కాకుండా క్లైమాక్సులో విలన్ సీతమ్మను ఏరు అవతలకు కిడ్నాప్ చేయటం , రామయ్య కార్మికులతో వానర సైన్యంలాగా ఈదుకుంటూ వెళ్లి కాపాడుకోవటం వంటి సీన్లను పెట్టారు .

సాంఘిక చిత్రానికి పౌరాణికత్వాన్ని అద్దారు . బాగుంది . వంద రోజులు ఆడిన ఈ సినిమా వ్యాపారపరంగా సక్సెస్ కావటమే కాకుండా మ్యూజికల్ హిట్ గా కూడా పేరు తెచ్చుకుంది . తమిళంలో బాగా ఆడిన కనమన్ మనైవి అనే సినిమాకు రీమేక్ మన సీతారాములు సినిమా . అందులో హీరోయిన్లుగా ముత్తురామన్ , జయలలిత నటించారు .

Ads

ఓ ఫాక్టరీ యజమానురాలు తన ఫాక్టరీలో పనిచేస్తున్న కార్మిక నాయకుడిని ప్రేమించి పెళ్ళి చేసుకుంటుంది . యజమానిగా ఫాక్టరీలో , భార్యగా ఇంట్లో రెండు పాత్రలను కత్తి మీద సాములా పోషిస్తూ ఉంటుంది . అయినా role conflict రావటం , భార్యాభర్తలు విడిపోవటం , విలనేశ్వరుడు రావణ పాత్రలోకి దూరిపోవటం , హీరో గారు ఆమెను రక్షించటంతో సినిమా సుఖాంతం అవుతుంది .

ఈ సినిమా సక్సెస్ అవటానికి సత్యం సంగీతం బాగా దోహదపడింది . కన్యాకుమారిలో షూట్ చేయబడిన దాసరి వ్రాసిన పాట తొలి సంజె వేళలో తొలిపొద్దు పొడుపులో అద్భుతంగా ఉంటుంది . సాహిత్యం , చిత్రీకరణ , కృష్ణంరాజు- జయప్రదల చక్కటి నటన అన్నీ ప్రేక్షకులు మరచిపోలేనివి .

ఆత్రేయ వ్రాసిన పలికినది పిలిచినది పాట చిత్రీకరణ , జయప్రద హావభావ ప్రదర్శన చాలా అందంగా ఉంటాయి . పాట ప్రారంభం వరవీణా మృదుపాణీతో అవుతుంది . చాలా శ్రావ్యంగా ఉంటుంది . ఏమండోయ్ శ్రీమతి గారు లేవండోయ్ పొద్దెక్కింది పాటలో జయప్రద ముద్దుముద్దు పలుకులను కూడా తగిలించారు .

రాజశ్రీ వ్రాసిన బుంగమూతి బుల్లెమ్మ పాట హుషారుగా ఉంటుంది . ఈ సినిమాలో ఓ విశేషం జ్యోతిలక్ష్మి , జయమాలిని కలిసి డాన్సించటం . ఇద్దరూ కలిసి డాన్సించినవి మొత్తం మీద మూడో నాలుగో సినిమాలు మాత్రమే ఉన్నాయనుకుంటా . రింగు రింగు బిళ్ళ రూపాయి బిళ్ళ అంటూ సాగే పాట .

దాసరి వాయిస్ ఓవర్ తో ఏదో ఒక సందేశాన్ని takeaway గా ఇస్తూ ఉంటారు . ఈ సినిమా takeaway ఏంటంటే : కార్మికుల యజమానుల బంధం , సంబంధం భార్యాభర్తల బంధం వంటిది . కలిసి ఉండటం , అలకలు , నిరాహారదీక్షలు , రాజీ పడటం వగైరా . సందేశాన్ని బాగానే అందించారు దర్శకుడు దాసరి .

కృష్ణంరాజు నటన చాలా హుందాగా , హీరోయిక్ గా బాగుంటుంది . కార్మిక నాయకుడిగా , యజమానురాలి భర్తగా సంఘర్షణ పడే సీన్లలో బాగా నటించారు . విలనేశ్వరుడిగా మోహన్ బాబు తనదైన శైలిలో నటించాడు . ఇతర పాత్రల్లో సత్యనారాయణ , సుకుమారి , అల్లు రామలింగయ్య ప్రభృతులు నటించారు .

సినిమా , పాటల వీడియోలు యూట్యూబులో ఉన్నాయి . కృష్ణంరాజు , దాసరిల అభిమానులు ఇంతకు ముందు చూసి ఉండకపోతే తప్పక చూడండి . జయప్రద సౌందర్యారాధకులు ఎన్ని సార్లయినా చూసి తరించవచ్చు .

పాటల వీడియోలు అందరూ తప్పక చూడతగ్గవే . జ్యోతిలక్ష్మి , జయమాలినిల డాన్స్ వీడియోని మాత్రం అనంత శ్రీరాంకు చూపవద్దు . ఆయనకు కోపం వచ్చే అవకాశం ఉంది . మొత్తం మీద it’s a musical , feel good , entertaining movie. #తెలుగుసినిమాలసింహావలోకనం #తెలుగుసినిమాలు

Share this Article



Advertisement

Search On Site

Latest Articles

  • ఓ మర్డర్ కేసును మలుపు తిప్పిన ఆ ఉత్కంఠభరిత మ్యాచ్!
  • MUSK – THE FANTASY BUILDER … కలల్ని కళ్ల ముందుంచుతాడు !!
  • చంద్రబాబు చెబితే నవ్వారు- కానీ భావి ప్రయోగాలు- ఆశలు మాత్రం అవే !!
  • అమెరికాపై అదృశ్య దాడి…? కుప్పకూలుతున్న వ్యవస్థలు… లాక్‌డౌన్ 2.0 కుట్రనా..?
  • రాజరికపు వైభవాన్ని వదిలేసిన తొలి జమిందారు! చదవాల్సిన చరిత్ర!!
  • నాటి యండమూరి నవల – రికార్డుల ‘వాయేజర్‌’పై నా గాఢాసక్తికి కారణం…
  • ఈతరం పిల్లలకు మైసూరు ‘కాస్మోస్’ ఎందుకు చూపించాలి..?
  • ఎక్కడ రాకెట్ వదిలాడో, అక్కడే పట్టేసుకున్నాడు… మస్క్, నువ్వు తోపు..!!
  • కింగ్ ఆఫ్ స్లో మోషన్ – ఈ ‘క్రాక్రోయాక్స్’ ఇప్పుడు మేఘనాథుడు..!!
  • సినిమాల ‘నరుకుడు’ రోగానికి సెన్సార్ చికిత్స..! భోగితో స్టార్ట్..?!

Archives

Copyright © 2026 · Muchata.com · Technology Management by CultNerds IT Solutions