షారూక్ పాత వీడియోలు… నెట్‌లో దుమ్ముదుమారం… కూలుతున్న ఖాన్ కోటలు…

.

బాలీవుడ్ మారుతున్న సమీకరణాలు: ‘ధురంధర్’ సక్సెస్ వర్సెస్ షారూక్ పాత వివాదాలు! బాలీవుడ్ అంటే ఒకప్పుడు కేవలం ‘ఖాన్’ల సామ్రాజ్యం… కానీ ఇప్పుడు కాలం మారింది… కంటెంట్ బాగుంటే చిన్న పెద్ద తేడా లేకుండా ప్రేక్షకులు బ్రహ్మరథం పడుతున్నారు… ఈ క్రమంలోనే ‘ధురంధర్ 2’ సాధించిన అసాధారణ విజయం బాలీవుడ్ అగ్ర హీరోల పీఠాలను కదిలిస్తోంది… ఈ సినిమా సక్సెస్‌ను ఎంజాయ్ చేయాల్సింది పోయి, కింగ్ ఖాన్ పాత వీడియోల తవ్వకాలతో నెటిజన్లు ఆయనపై యుద్ధం ప్రకటిస్తున్నారు…

1. వివాదానికి అసలు మూలం: ఆ పాత వీడియోల్లో ఏముంది?… ఇప్పుడు వైరల్ అవుతున్న వీడియోలు నిన్నా మొన్నటివి కావు… కానీ ‘ధురంధర్’ విజయం వల్ల వచ్చిన చర్చల నేపథ్యంలో ఇవి మళ్ళీ వెలుగులోకి వచ్చాయి…

• పాకిస్తాన్ అంశం…: గతంలో ఒక ఇంటర్వ్యూలో షారూక్ ఖాన్ పొరుగు దేశాల మధ్య సంబంధాల గురించి మాట్లాడుతూ, పాకిస్తాన్ పట్ల సాఫ్ట్ కార్నర్ ప్రదర్శించారనేది నెటిజన్ల ప్రధాన ఆరోపణ… “పాకిస్తాన్ ఒక గొప్ప పొరుగు దేశం” అనే అర్థం వచ్చేలా ఆయన మాట్లాడటం ఇప్పుడు దేశభక్తి సెెంటిమెంట్‌ను రెచ్చగొట్టింది…

• కసబ్ ప్రస్తావన – సెటైరా? పొరపాటా?…: 26/11 ముంబై దాడుల నిందితుడు అజ్మల్ కసబ్ గురించి ప్రస్తావిస్తూ ‘జెంటిల్ మెన్’ అనే పదాన్ని వాడటం అత్యంత వివాదాస్పదమైంది… నిజానికి ఆయన ఆ పదాన్ని ఏ ఉద్దేశంతో వాడారో పక్కన పెడితే, ఉగ్రవాదిని అలా సంబోధించడంపై నెటిజన్లు తీవ్ర ఆగ్రహం వ్యక్తం చేస్తున్నారు…

2. ‘ధురంధర్ 2’ సక్సెస్ ఎందుకు సెగ పుట్టిస్తోంది?…. సాధారణంగా పెద్ద హీరోల సినిమాలు లేనప్పుడు చిన్న సినిమాలు ఆడితే ఎవరూ పట్టించుకోరు… కానీ ‘ధురంధర్ 2’ కేవలం ఆడటమే కాదు, బాక్సాఫీస్ వద్ద సునామీ సృష్టించింది…

• ఖాన్ల ఆధిపత్యానికి గండి…: గత ఏడాది షారూక్ తన సినిమాలతో రికార్డులు సృష్టించినా, ఇప్పుడు ‘ధురంధర్’ వంటి కథాబలం ఉన్న సినిమాలు వసూళ్లలో వాటిని దాటిపోతుండటం ‘ఖాన్ల శకం ముగిసింది’ అనే వాదనకు బలాన్నిస్తోంది…

• నిశ్శబ్దంపై నిలదీత…: బాలీవుడ్ పరిశ్రమలో ఒక సినిమా ఇంత పెద్ద హిట్ అయినప్పుడు, పరిశ్రమ పెద్దగా షారూక్ ఖాన్ స్పందించకపోవడం, అభినందించకపోవడం ఆయనపై నెగటివిటీని పెంచింది… ఇది ఆయన అహంకారానికి నిదర్శనమని కొందరు, కొత్త తరం ఎదుగుదలను ఆయన జీర్ణించుకోలేకపోతున్నారని మరికొందరు విమర్శిస్తున్నారు… (మరి సల్మాన్, ఆమీర్ ఖాన్..?)

3. సోషల్ మీడియాలో ‘బాయ్‌కాట్’ సెగ … ఈ పాత వీడియోలు బయటకు రావడంతో సోషల్ మీడియాలో #BoycottShahRukhKhan వంటి ట్రెండ్స్ మళ్ళీ మొదలయ్యాయి… గతంలో ‘పఠాన్’ సినిమా సమయంలోనూ ఇలాంటి వ్యతిరేకత ఎదురైనా అది విజయాన్ని ఆపలేకపోయింది… కానీ ఇప్పుడు ‘ధురంధర్’ రూపంలో ఒక ప్రత్యామ్నాయం (Alternative) ప్రేక్షకులకు దొరకడంతో, ఈ వ్యతిరేకత షారూక్ భవిష్యత్తు చిత్రాలపై ప్రభావం చూపే అవకాశం ఉందని విశ్లేషకులు భావిస్తున్నారు…

4. మౌనం వీడుతారా? … ప్రస్తుతానికి షారూక్ ఖాన్ ఈ వివాదాలపై మౌనంగానే ఉన్నాడు… సాధారణంగా ఆయన తన సెన్స్ ఆఫ్ హ్యూమర్‌తో ఇలాంటి వాటిని దాటేస్తుంటాడు… కానీ ఈసారి ‘ధురంధర్’ సక్సెస్ సెగలు, జాతీయవాద అంశాలు తోడవడంతో ఆయన ఎలా స్పందిస్తడనేది ఆసక్తికరంగా మారింది…

విశ్లేషణ….: బాలీవుడ్‌లో ఇప్పుడు ఒక స్పష్టమైన విభజన కనిపిస్తోంది…. ఒకవైపు గ్లామర్, స్టార్ డమ్ నమ్ముకున్న పాత తరం… మరోవైపు కంటెంట్, మట్టి వాసన ఉన్న కథలను నమ్ముకున్న కొత్త తరం. ‘ధురంధర్’ విజయం ఈ మార్పుకు నాంది పలకడమే కాకుండా, పాత తరం తారల గతంలోని ప్రతి చిన్న తప్పును కూడా భూతద్దంలో చూసేలా చేస్తోంది…

ఒకప్పుడు ఖాన్ల రాజ్యంగా ఉన్న హిందీ సినిమా, ఇప్పుడు టాలెంట్, కంటెంట్ ఆధారంగా కొత్త హీరోల చేతుల్లోకి వెళ్తోంది… ముఖ్యంగా రణవీర్, రణబీర్, విక్కీల హవా ప్రస్తుతం పీక్స్‌లో ఉంది… దురంధర్ సినిమా జస్ట్ 14 రోజుల్లో 1450 కోట్లు వసూలు చేసి, పాత రికార్డులన్నీ బద్దలు కొట్టే దిశలో దూసుకుపోతోంది… ఫక్తు రొటీన్ రొట్టకొట్టుడు కథలు గాకుండా ఆదిత్యథర్ వంటి కొత్త దర్శకులు బాలీవుడ్ దశను కొత్తగా సెట్ చేస్తున్నారు…

రణబీర్ సింగ్ మాత్రమే కాదు… రణబీర్ కపూర్ – విక్కీ కౌశల్… నెక్స్ట్ సూపర్ స్టార్స్… సౌత్ హీరోల ‘పాన్ ఇండియా’ ఆధిపత్యం ఉండనే ఉంది… ప్రభాస్, అల్లు అర్జున్, ఎన్టీఆర్, రామ్ చరణ్, యష్, రిషబ్ వంటి వారు ఇప్పుడు కేవలం టాలీవుడ్ హీరోలు కాదు, బాలీవుడ్ టాప్ హీరోలకు గట్టి పోటీ ఇస్తున్నారు… ఎస్, బాలీవుడ్ కొత్త మార్గంలో ఉంది..!!