ట్విట్టర్ రహస్యాలు ఒక్కొక్కటే బయటపడి పోతున్నయ్… మస్క్ మామూలోడు కాదు…

అయితే ఈ బాబిలోన్ కి సంబంధించిన వ్యక్తులు తరుచూ తాము చేసే ట్వీట్లు ఏ సమయంలో ఎలా ఎడిట్ చేయబడుతున్నాయో అలాగే ఏ ఏ సమయాల్లో తమ ట్వీట్లు డిలీట్ చేయబడుతున్నాయో జాగ్రత్త గా నోట్ చేయడం మొదలుపెట్టారు. ఇలా 75 సార్లు వాళ్ళ ట్వీట్లు ఎడిట్ చేయబడడమో లేదా డిలీట్ చేయబడడమో జరిగింది ఈ మొత్తం సంఘటనలని బాబిలోన్ గ్రూప్ వ్యక్తులు రికార్డ్ చేయడం జరిగింది ! నిజానికి వీళ్ళు చేసే ట్వీట్లలో ఎలాంటి అభ్యంతరకరమయిన అంశాలు లేవు. ఎవరినీ కించ పరిచేవిధంగా కూడా ఉండేవి కావు కానీ ఎడిట్ చేయబడుతుందేవి అలాగే డిలీట్ చేయబడుతుండేవి.

అయితే ఇది ఎలా జరుగుతున్నది ? ఎవరూ ప్రత్యేకించి ఎలాంటి పని మాన్యువల్ గా చేసే వీలు లేకుండా ట్విట్టర్ CEO పరాగ్ అగర్వాల్ ఒక అల్గోరిథం [Algoritham] ని రూపొందించాడు. జస్ట్ బోట్ లాగా అన్నమాట. అదే తనంత తానుగా ట్వీట్ల ని ఎడిట్ చేయడం లేదా డిలీట్ చేయడం చేస్తున్నది. ఎవరు దీనిని కనిపెట్టారు ? ఒక యువ మహిళా పారిశ్రామిక వేత్త ట్విట్టర్ లోని అల్గోరిధమ్ మీద అనుమానం వచ్చి తానే రెండు అక్కౌంట్లని క్రియేట్ చేసింది. 1. ఒక అకౌంటు రైట్ వింగ్ ని సమర్ధించే విధంగా క్రియేట్ చేసింది.2. రెండో అకౌంటుని లెఫ్ట్ వింగ్ ని సమర్ధించే విధంగా క్రియేట్ చేసింది.

రైట్ వింగ్ మరియు లెఫ్ట్ వింగ్ రెండు వేరే వేరే పేర్లతో అకౌంటు క్రియేట్ చేసిన తరువాత తానే రైట్ వింగ్ అకౌంటు తరుపున కమ్మీలని విమర్శిస్తూ ట్వీట్ చేసేది. రెండో అకౌంటు కమ్మీలని సమర్ధిస్తూ ట్వీట్ చేసేది. రైట్ వింగ్ అకౌంటుతో చేసిన ట్వీట్లలో పొటస్ [Potus], బిడెన్ [Biden], Inflation [ద్రవ్యోల్బణం] లాంటి పదాలని వాడిన వెంటనే అవి ఎడిట్ అవడమో లేక డిలీట్ అవడమో జరిగేది. అదే లెఫ్ట్ వింగ్ అకౌంటులో రైట్ వింగ్ లని తిడుతూ చేసిన ట్వీట్ల మీద ఎలాంటి చర్యా ఉండేది కాదు. So! లెఫ్ట్ వింగ్ అకౌంటు సేఫ్ అన్నమాట ! అదే రైట్ వింగ్ అకౌంటు అయితే చాలా రిస్ట్రీక్షన్స్ ఎదుర్కొన్నది సదరు మహిళా పారిశ్రామిక వేత్త ! ఇదంతా రికార్డు అయి మంచి ఎవిడెన్స్ ని దాచి ఉంచింది సదరు మహిళా పారిశ్రామికవేత్త !

*******************************

మొత్తం సమాచారాన్ని రంబుల్ [Rumble-Rumble Inc] లో పోస్ట్ చేసింది సదరు మహిళా పారిశ్రామిక వేత్త ! ఇంతకీ రంబుల్ పేరు మనకి పెద్దగా తెలియదు కానీ అది కూడా ఒక సోషల్ మీడియా ప్లాట్ఫామ్ లాంటిదే. రంబుల్ అనేది ఆన్లైన్ వీడియో ప్లాట్ఫార్మ్ మరియు క్లౌడ్ సర్వీసెస్ ని అందిస్తున్నది 2013 నుండి… హెడ్ క్వార్టర్స్ అమెరికాలోని ఫ్లోరిడా, కెనడాలోని టోరొంటొ, ఒంటరియో [Toronto,Ontario] నగరాలలో ఉన్నాయి.

ఎలాన్ మస్క్ రంబుల్ లో మహిళా పారిశ్రామికవేత్త వీడియోని చూసి ఉండవచ్చు అని భావిస్తున్నారు. ఇదంతా ఎలాన్ మస్క్ మొదటిసారిగా ట్విట్టర్ ని టేక్ ఓవర్ చేసుకోబోతున్నాడు అని వార్త వచ్చిన తొలినాళ్ళలో జరిగింది. రంబుల్ లోని వీడియోని చూసిన తరువాత ట్విట్టర్ ని స్వాధీనం చేసుకునే ప్రక్రియని ఆపేస్తున్నానని ప్రకటించకుండా, ఆలస్యం చేస్తూ వచ్చింది ట్విట్టర్ లో ఎవరు ఎలాంటి పాత్రని నిర్వహిస్తున్నారు అనే విషయం మీద వార్తలని సేకరించడానికి కేటాయించాడు తప్పితే, ప్రకటన చేసిన తరువాత వెంటనే స్వాధీనం చేసుకోలేదు.

ట్విట్టర్ ని $44 Bn పెట్టి కొనాలనుకుంటున్నప్పుడు అది చాలా ఎక్కువ అని చాలామంది అభిప్రాయపడ్డారు ! కానీ ఎలన్ మస్క్ వెనక్కి తిరిగి చూడలేదు. తనకి కావాల్సిన సమాచారం దొరికిన తరువాతే ట్విట్టర్ ని కొంటున్నట్లు ప్రకటించాడు. అంటే తాను ట్విట్టర్ ని కొనగానే ఎవరిని తీసేయాలి ? ఎవరిని ఉంచాలి ? ఈ రెండు ప్రశ్నలకి సమాధానం దొరికిన తరువాతే కొన్నాడు.

*******************************

1. ఎలాన్ మస్క్ మొదటి టార్గెట్ ట్విట్టర్ CEO పరాగ్ అగర్వాల్ !. పరాగ్ ట్విట్టర్ లో ఒక మామూలు సాఫ్ట్వేర్ ఇంజినీర్ గా జాయిన్ అయ్యాడు. తరువాత చీఫ్ టెక్నికల్ ఆఫీసర్ అయ్యాడు. తరువాత CEO అయ్యాడు. బేసిగ్గా పరాగ్ అగర్వాల్ కి ట్విట్టర్ అల్గోరిథం మీద పట్టు ఉంది కాబట్టి లెఫ్ట్ వింగ్ కి అనుకూలంగా రైట్ వింగ్ కి వ్యతిరేకంగా అల్గొరిథం ని రహస్యంగా కోడింగ్ చేసి దానిని అమలుచేశాడు పరాగ్ అగర్వాల్. ముందు ముందు ఎలాంటి కోర్టు చిక్కులు రాకుండా దానికి అనుగుణంగా ట్విట్టర్ సేఫ్టీ పాలసీ ని మార్చుకుంటూ వచ్చింది విజయ గద్దె !

2. అలన్ మస్క్ ట్విట్టర్ ని స్వాధీనం చేసుకున్నాక పరాగ్ అగర్వాల్ ఎలాన్ మస్క్ ఆర్డర్ ని తీసుకోవడంలో కావాలనే నిర్లక్ష్యంగా ప్రవర్తించాడు. ఇది గమనించిన ఎలాన్ మస్క్ CEO ఛాంబర్ లోపల కాకుండా బహిరంగంగానే అందరి ముందు పరాగ్ అగర్వాల్ ని మరియు విజయ గద్దెని అవమానకర రీతిలో తొలగించాడు.

3. ఎలాన్ మస్క్ తాను ట్విట్టర్ని టేక్ ఓవర్ చేసుకోగానే వెంటనే విజయ గద్దె ని బోట్ అక్కౌంట్స్ [Bot Accounts] మరియు అల్గోరిథం ట్వీకింగ్ [Algorithm Tweaking] గురించి గుచ్చి గుచ్చి అడిగినా సమాధానం ఇవ్వలేదు. అందుకే ట్విట్టర్ స్వాధీన ప్రక్రియ అయిపోయిన రెండు నిముషాలలోనే పరాగ్, విజయలని బోర్డ్ మీటింగ్ పెట్టకుండానే వాళ్ళ ఉద్యోగాల నుండి తొలగించాడు మస్క్.

4. ఇంతకీ పరాగ్ కానీ విజయ గద్దె కానీ ఎవరి నుండి ఆదేశాలు స్వీకరిస్తున్నారు ? తమ యజమాని ఎలన్ మస్క్ అని తెలిసినా కూడా ఎందుకంత నిర్లక్ష్యంగా వ్యవహరించారు ? వీళ్ళతో పాటు ట్విట్టర్ లో మరికొంతమందిని నడిపిస్తూ వచ్చింది చాలా శక్తిమంతమయిన వాళ్ళు అయి ఉంటారు !

5. Bluesky.Obj [బ్లూ స్కై . obj] ఎక్స్టెన్షన్ కలిగిన రహస్య డాక్యుమెంట్ ని ప్రింట్ అవుట్ తీయగా అందులోని రహస్యాలు బయటపడ్డాయి.

6. బ్లూ స్కై . obj డాక్యుమెంట్ లో ఒక ప్రోగ్రామ్ ఉన్నట్లుగా వెల్లడిస్తున్నది. ఆ ప్రోగ్రామ్ వందల సంఖ్యలో నకిలీ అక్కౌంట్లని సృష్టించగలదు. ఆ నకిలీ అక్కౌంట్ల నుండి ఫలానా వ్యక్తి పేరు మీద వందల్లో ఫిర్యాదులు వెళతాయి. దాంతో టార్గెట్ చేసిన వ్యక్తి అకౌంటు మూసివేస్తారు శాశ్వతంగా.

7. బహుశా డొనాల్డ్ ట్రంప్ అకౌంటు ని కూడా ఇదే ప్రోగ్రామ్ ద్వారా వందలు లేదా వేలల్లో ఫిర్యాదులు వచ్చినట్లుగా రికార్డ్ చేసి వెంటనే ఫిర్యాదులు ఎక్కువగా వచ్చాయి కాబట్టి అకౌంటు ని డిలీట్ చేశారు శాశ్వతంగా.

***********************************

ఉదాహరణకి : నేను రైట్ వింగ్ సపోర్టర్ ని. నా మీద ఎవరయినా వందల్లో కంప్లయింట్స్ చేస్తే కానీ నా అకౌంటుని క్లోజ్ చేయలేరు, కానీ ప్రత్యేకంగా కోడ్ చేసిన ప్రోగ్రామ్ మాత్రం అకౌంటు పేరు ఫీడ్ చేస్తే చాలు, అలా వందలు వేల సంఖ్యలో వివిధ నకిలీ అక్కౌంట్స్ పేరుతో ఫిర్యాదులు చేస్తుంది. ట్విట్టర్ కానీ ఫేస్బుక్ కానీ ఫిర్యాదు చేసిన వాళ్ళ పేరుని బయట పెట్టవు అది వాళ్ళ పాలసీ కాబట్టి.

ఈ లెక్కన చూస్తే డొనాల్డ్ ట్రంపు మీద ఒకరు కాదు, వందలు కాదు, వేలల్లో ఉన్నారు కత్తి కట్టినవాళ్ళు. ముఖ్యంగా అమెరికన్ లెఫ్ట్ వింగ్ చాలా పకడ్బందీగా స్కెచ్ వేయడమే కాదు దానిని పిన్ పాయింట్ యాక్యురసీగా అమలుచేసింది. బాలెట్ల లెక్కింపు దగ్గర నుండి ఏది ఎక్కడ ముఖ్యమో అన్నీ ముందే సిద్ధం చేసుకొని మరీ ట్రంప్ ని ఓడించారు !

లెఫ్ట్ వింగ్ ఎకో సిస్టమ్ ఎలా ఉంటుందో ట్విట్టర్ ఒక చిన్న ఉదాహరణ మాత్రమే ! ట్విట్టర్ లో ఉన్నట్లుగా పరాగ్ అగర్వాల్, విజయ గద్దె లాంటి వాళ్ళు ఇంకా వందల్లో ఉండి ఉండవచ్చు ! సిలికాన్ వ్యాలీ, ఆయుధ మాఫియాలకి ట్రంప్ అంటే ఇష్టం లేదు. అమెరికా ఫస్ట్ పేరుతో ఆమెరికన్ల ఉద్యోగాలు ఆమెరికన్లకే దక్కాలి అన్నాడు ట్రంప్! నాటో దేశాల రక్షణ అమెరికా పని కాదు మీ రక్షణ మీరే చూసుకోవాలి అన్నాడు. ఉద్యోగాల విషయంలో సిలికాన్ వ్యాలీకి కోపం వచ్చింది చీప్ లేబర్ ని విదేశాల నుండి తెచ్చుకోవచ్చుకునే అవకాశం ఉండదు కనుక. నాటో రక్షణ ఆమెరికాది కాదు అన్నందుకు ఇక యుద్ధాలు ఉండవు కాబట్టి అమెరికన్ ఆయుధ మాఫియాకి ఆదాయం ఉండదు.

లెఫ్ట్ వింగ్ ఎకో సిస్టమ్ నుండి ట్విట్టర్ వెళ్ళిపోయింది కాబట్టి ఇక మిగిలి ఉంది ఫేస్బుక్ మాత్రమే ! ట్విట్టర్ ఎలాన్ మస్క్ చేతిలోకి వెళ్ళిపోయిన తరువాత ఫేస్బుక్ లో కొందరి అక్కౌంట్ల మీద రిస్ట్రీక్షన్స్ మొదలవడానికి కారణం కూడా AI. AI కొన్ని తెలుగు పదాలని చదివి వాటిని తప్పుగా అర్ధం చేసుకొని తరుచూ వార్నింగ్స్ ఇస్తున్నది మీరు గమనించే ఉంటారు !