పేపర్ బాయ్ తలుపు తట్టిన చప్పుడు – నేనింకా బతికే ఉన్నాను…

.

ఓ వార్తాపత్రిక డెలివరీ బాయ్ చెప్పిన కధ హృదయాన్ని హత్తుకుని నా మనస్సుని కదిలించింది. “సౌండ్ ఆఫ్ నాకింగ్”… పేపర్ బాయ్….

నేను వార్తాపత్రికను డెలివరీ చేస్తున్న ఇళ్లలో ఒక ఇంటి మెయిల్‌ బాక్స్ తాళం వేసి ఉంది, అందువలన నేను వారి తలుపు తట్టాను.

మిస్టర్ ప్రసాద్ రావు, అస్థిరమైన అడుగులతో నడుస్తున్న వృద్ధుడు, నెమ్మదిగా తలుపు తెరిచాడు. నేను అడిగాను, “సార్, మీ మెయిల్ బాక్స్ ఎంట్రన్స్ ఎందుకు బ్లాక్ చేయబడింది?” ఉద్దేశపూర్వకంగానే బ్లాక్ చేశాను ’ అని బదులిచ్చారు.

ప్రసాదరావు చిరునవ్వుతో ఇలా చెప్పారు , “మీరు ప్రతిరోజూ వార్తాపత్రికను నాకు చేతికి అందించాలని నేను కోరుకుంటున్నాను … దయచేసి తలుపు తట్టండి లేదా బెల్ కొట్టి నాకు స్వయంగా ఇవ్వండి.”

నేను అయోమయంలో పడ్డాను, అలాగే అన్నాను, ‘‘కానీ అది మా ఇద్దరికీ అసౌకర్యంగా, సమయం వృధాగా అనిపిస్తుంది” అని జవాబిచ్చాను.

“అదేమీ ఫర్వాలేదు… ప్రతి నెలా మీకు రూ. 500/- అదనంగా ఇస్తాను” అన్నారు . “మీరు తలుపు తడితే నేను తలుపు తీయలేని పరిస్థితిలో ఉండే రోజు ఎప్పుడైనా వస్తే, దయచేసి పోలీసులను పిలవండి!” నేను షాక్ అయ్యి “ఎందుకు?” అని అడిగాను.

“నా భార్య చనిపోయింది, నా కొడుకు విదేశాల్లో భార్యాపిల్లలతో స్థిరపడ్డాడు.మాకన్నా మా పిల్లలు పైకి ఎదగాలని కష్టపడి పైచదువులు విదేశాల్లో చదివవించాము. ప్రస్తుతం నేను ఇక్కడ ఒంటరిగా జీవిస్తున్నాను, నాకు సమయం ఎప్పుడు వస్తుందో ఎవరికి తెలుసు?” ఆలా చెబుతున్నపుడు నేను తేమతో చమర్చిన వృద్దుడి కళ్ళుని చూశాను.

ఆయన ఇంకా ఇలా అన్నారు , “నేను వార్తాపత్రికను చదవలేను… నిజానికి ఈ చందా నాకు వృథాయే… నాకు చూపు మందగించింది …. తలుపు చప్పుడు లేదా డోర్‌బెల్ మోగిన శబ్దం వినడానికి నేను ఎదురు చూస్తూ ఉంటాను . తెలిసిన వ్యక్తిని చూడటానికి, కొన్ని మాటలు వారి నోటి వెంట విని ఆ రోజు గడపడాని ప్రయత్నం చేస్తూ ఉంటాను !”

అతను చేతులు జోడించి, “చిన్నా , దయచేసి నాకు ఒక చిన్న సహాయం చేయి ! ఇదిగో నా కొడుకు ఓవర్సీస్ ఫోన్ నంబర్. ఒకరోజు మీరు తలుపు తట్టినపుడు నా నుండి ఎటువంటి సమాధానం రాకపోతే , దయచేసి నా కొడుకుకు ఫోన్ చేసి అతనికి తెలియజేయండి…” అన్నాడు.

ఇది చదివిన తరువాత నాకు నా కర్తవ్యం అర్ధం అయ్యింది , మా స్నేహితుల సర్కిల్‌లో కూడా చాలా మంది ఇళ్లలో ఒంటరిగా ఉన్న వృద్ధులు ఉన్నారు . వృద్ధాప్యంలో ఉన్న వారు ప్రతి రోజు గుడ్ మార్నింగ్ మెసేజెస్ , వాట్సాప్‌లో ఎందుకు పంపుతారని మీరు ఆశ్చర్యపోవచ్చు/ విసుగు చెందవచ్చు. ఈ ముసోలోళ్ళకి పనీపాటా ఏమి లేదు, ఉదయం 4 గంటల నుండే గుడ్ మార్నింగ్ మెస్సేజ్ పెడతారు అనుకుంటూ ఉంటాము.

వాస్తవానికి, ఈ ఉదయం, సాయంత్రం శుభాకాంక్షల ప్రాముఖ్యత ఏమిటంటే …. ఇది భూమి మీద తమ ఉనికిని తెలియజేసే నిశ్శబ్ద సందేశం… ఈ రోజుకి మేము ఉన్నాము అని తెలియజేసే చేదు నిజం. దయచేసి పెద్ద వాళ్ల గుడ్ మార్నింగ్ మెస్సేజ్ లను ఇబ్బందిగా తీసుకోవద్దు. మనం కూడా అదే స్థితికి ఏదో ఒక రోజు వస్తాము.

ఈ రోజుల్లో, WhatsApp చాలా సౌకర్యవంతంగా ఉంది, ఇకపై వార్తాపత్రికల సభ్యత్వాన్ని పొందవలసిన అవసరం కూడా లేదు. మీకు సమయం ఉంటే, మీ పెద్దవాళ్లకి WhatsApp ఎలా ఉపయోగించాలో నేర్పించండి! వారికి కొంత సమయం కేటాయించండి.

ఒకరోజు, మీరు వారి మార్నింగ్ గ్రీటింగ్‌లు లేదా షేర్ చేసిన కథనాలను అందుకోకపోతే, వారు అనారోగ్యంతో ఉండవచ్చు లేదా వారికి ఏదైనా జరిగి ఉండవచ్చు. దయచేసి మీ స్నేహితులు, కుటుంబ సభ్యుల పట్ల శ్రద్ధ వహించండి….

ఇది చదివాక నా కళ్లలో నీళ్లు తిరిగాయి. మనస్సు బరువెక్కింది !! నేను ఒకరికొకరం పంపే WhatsApp సందేశాల ప్రాముఖ్యతను లోతుగా అర్థం చేసుకున్నాను!! (వాట్సప్ ఫార్వర్డ్- పాత పోస్టే)