Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

పదహారేళ్ల వయస్సు కాదు… పదమూడేళ్లకే షీరోగా శ్రీదేవి తొలి సినిమా…

July 27, 2024 by M S R

బేబీ శ్రీదేవి కుమారి శ్రీదేవి అయి షీరోగా నటించిన మొదటి సినిమా 1975 లో వచ్చిన ఈ అనురాగాలు సినిమా . హిందీలో శక్తి సామంత తీసిన అనురాగ్ అనే సినిమాకు రీమేక్ మన అనురాగాలు సినిమా . హిందీలో హేమాహేమీలు నటించారు . అశోక్ కుమార్ , రాజేష్ ఖన్నా , నూతన్ , వినోద్ మెహ్రా , మౌసమీ ఛటర్జీలు నటించారు .

మన తెలుగులో శ్రీదేవి , కొత్త నటుడు రవికాంత్ , నాగభూషణం , శుభ , రాజబాబు , అల్లు రామలింగయ్య , శ్రీధర్ , రమణమూర్తి , ఝాన్సీ ప్రభృతులు నటించారు . ప్రధాన పాత్ర మాస్టర్ నటరాజుది .

శ్రీదేవి అంధురాలి పాత్ర వేసింది . ఒక కోటీశ్వరుడి మనమడు ఆమెకు దగ్గర అవుతాడు . ఆ చిన్న పిల్లవాడు తాను చనిపోతూ తన కళ్ళను శ్రీదేవికి దానం చేస్తాడు . క్లుప్తంగా ఇదీ కధ . కె యస్ రామిరెడ్డి దర్శకుడు . హిందీ సినిమాకు మక్కీకిమక్కీగా తీసారు . హిందీ కలర్లో ఉండటం , మౌసమీ గ్లామరస్ గా ఉండటం , రాజేష్ ఖన్నా , అశోక్ కుమార్లు వంటి హేమాహేమీలు నటించటం వలన హిందీ సినిమా సక్సెస్ అయింది . మన తెలుగు సినిమా బ్లాక్ అండ్ వైట్లో ఉండటం , శ్రీదేవి గ్లామరస్ గా ఉండకపోవటం వలన సక్సెస్ కాలేదు .

Ads

సినిమా బాగానే తీసారు . సత్యం సంగీత దర్శకత్వంలో పాటలన్నీ థియేటర్లో శ్రావ్యంగానే ఉంటాయి . బయట హిట్ కాలేదు . ఈ సినిమా మళయాళంలో రాగం టైటిల్ తో , కన్నడంలో చిరంజీవి టైటిల్ తో రీమేక్ చేసారు . ఈ భాషల్లో ఎలా ఆడిందో నాకు తెలియదు . అసలు మన తెలుగు సినిమా ఉన్నట్లు కూడా జనానికి తెలియదేమో !

జాబిల్లి వెలిగె చల్లని వేళ (హేపీ, శాడ్ మూడ్స్)… కొండంత దేవుడు… మ్రోగించకోయి మురళి… నీ కళ్లలోన వెలిగిస్తాను… తోడు లేదు, నాకెవరూ లేరు… ఇవీ పాటలు.

సినిమా యూట్యూబులో ఉంది . శ్రీదేవి అభిమానులు చూడవచ్చు . శ్రీదేవి గ్లామరస్ గా కనిపించకపోయినా , హీరోయిన్ గా 13 సంవత్సరాల వయసులో మొదటి సినిమా అయినా బాగా నటించింది . #తెలుగుసినిమాలసింహావలోకనం #తెలుగుసినిమాలు… BY దోగిపర్తి సుబ్రహ్మణ్యం

Share this Article



Advertisement

Search On Site

Latest Articles

  • బామ్మా అన్నపూర్ణమ్మా… ఏమిటమ్మా ఇది..? ప్చ్, బాగోలేదు సుమీ!!
  • ఎంగిలి వార్తలకూ ఓ పద్ధతి ఉంటుంది డియర్ కేసీయార్ సర్..!!
  • కమెడియన్ సద్దాం నిజంగా ఘంటసాలను అవమానించాడా..?!
  • మీడియా ఏమైనా రాసుకోనీ… ప్రేక్షకుడి అసలు తీర్పు వేరు- వసూళ్లు వేరు..!!
  • ఎన్టీఆర్ ఓడి- కృష్ణ గెలిచి… రెండు సింహాల నడుమ నలిగిన గిరిబాబు..!!
  • ఓ మర్డర్ కేసును మలుపు తిప్పిన ఆ ఉత్కంఠభరిత మ్యాచ్!
  • MUSK – THE FANTASY BUILDER … కలల్ని కళ్ల ముందుంచుతాడు !!
  • చంద్రబాబు చెబితే నవ్వారు- కానీ భావి ప్రయోగాలు- ఆశలు మాత్రం అవే !!
  • అమెరికాపై అదృశ్య దాడి…? కుప్పకూలుతున్న వ్యవస్థలు… లాక్‌డౌన్ 2.0 కుట్రనా..?
  • రాజరికపు వైభవాన్ని వదిలేసిన తొలి జమిందారు! చదవాల్సిన చరిత్ర!!

Archives

Copyright © 2026 · Muchata.com · Technology Management by CultNerds IT Solutions