Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

గాలి ఈలలు వేసేననీ… సైగ చేసేననీ… అది ఈరోజే తెలిసింది…

June 30, 2024 by M S R

చూసారా ఈ సినిమా ?! 1973 లో వచ్చిన ఈ శ్రీవారు మావారు సినిమాకు నిర్మాత – దర్శకుడు బి యస్ నారాయణ . అనగనగా ఓ కోటీశ్వరుడి కుమారుడు హీరో కృష్ణ . మేనత్త అంజలీదేవి అతి క్రమశిక్షణతో పెంచుతుంది . విసుగెత్తిన హీరో లోకం చూడటానికి ఇంట్లోంచి బయటకు వెళ్ళిపోతాడు , హీరోయిన్ వాణిశ్రీ కలుస్తుంది, ఇద్దరూ ప్రేమించుకుంటారు .

హీరో తండ్రిని మేనత్త మొగుడు విలన్ నాగభూషణం చంపుతాడు . ఆ విలన్ కు మరో భార్య కూడా ఉంటుంది . ఆ భార్య కూతురే హీరోయిన్ వాణిశ్రీ అన్నమాట . మెయిన్ విలన్ వద్ద ఓ జూనియర్ విలన్ కృష్ణంరాజు . మెయిన్ విలన్ ఓ జూనియర్ విలన్ని చంపేస్తాడు . పోలీసులు వచ్చి మెయిన్ విలన్ని బంధించి తీసుకుని వెళతారు . ఇదీ కధ టూకీగా . ..

ఈ సినిమాలో విశేషం ఏమిటంటే పద్మనాభం , గీతాంజలి అన్నాచెల్లెళ్ళుగా నటించటం . బహుశా ఈ ఒక్క సినిమాయే అయి ఉంటుంది . మరో విశేషం జ్యోతిలక్ష్మి వేసే డాన్సుని రాజసులోచన ఇంకా వేయటం . ..

Ads

జి కె వెంకటేష్ సంగీత దర్శకత్వంలో పాటలు చాలా శ్రావ్యంగా ఉంటాయి . పూలు గుసగుసలాడేనని జత కూడేనని (సినారె రచన) , పోలేవులే నీవు పోలేవులే పాటలు హిట్టయ్యాయి కూడా . వాణిశ్రీ గ్రూప్ డాన్స్ బాగుంటుంది . ఈ డాన్సులో పాట అల్లరి చూపుల వాడే కూడా బాగుంటుంది .

రాజసులోచన జ్యోతిలక్ష్మి డాన్స్ పాట ఈవేళలో నా మనసు నీదే వయసు నీదే , గీతాంజలి బావ హీరో కృష్ణ వెంటపడే పాట చెయ్యి వేస్తే చాలు చిర్రుమంటాడప్పా , మరో వేదాంత గీతం ఇంతేలే జీవితమింతేలే ఉన్నాయి . శ్రావ్యంగానే ఉంటాయి .

కృష్ణ , కృష్ణంరాజు , పద్మనాభం , నాగభూషణం , రామ్మోహన్ , అంజలీదేవి , యస్ వరలక్ష్మి , గీతాంజలి , సంధ్యారాణి , రాజసులోచన ప్రభృతులు నటించారు .

కాలేజీ రోజుల్లో మా నరసరావుపేటలో చూసా . వెంకటేశ్వరా లేక నాగూర్వలియా గుర్తు లేదు . మా నరసరావుపేట ఫ్రెండ్స్ చెప్పాలి . 1973 లో ఏవరేజ్ గా ఆడిన కృష్ణ సినిమా ఇది .A neet , feel good movie . చూడబులే . పాటల వీడియోలు ఉన్నాయి . సంగీత ప్రియులు తప్పక వినండి #తెలుగుసినిమాలసింహావలోకనం #తెలుగుసినిమాలు ………. By    డోగిపర్తి సుబ్రహ్మణ్యం

Share this Article



Advertisement

Search On Site

Latest Articles

  • అసలే ఆమె రేఖ… పైగా ఓ సరళీకృత అక్రమ ప్రేమ కథ… తెర చించేసింది…
  • ఆహా… నోబెల్ అవార్డుల జ్యూరీకి మనస్పూర్తి ప్రశంసలు… ఎందుకంటే..?
  • అంబానీలు, ఆదానీలు బోలెడు… అచ్చమైన భారత ‘రతన్’ టాటా ఒక్కడే..!
  • రేఖ బయోబుక్..! పుట్టుక నుంచీ ఆమె లైఫ్ జర్నీపై సంపూర్ణ చిత్రణ…
  • రష్మికపై కన్నడ ఇండస్ట్రీ నిషేధం..? నిజమేనా..? ఎవరితో లొల్లి..?!
  • అగ్ని శలభ న్యాయం… జర్నలిజం కొలువులూ అంతే… మాడిపోతారు..!!
  • నీయమ్మని, నీయక్కని, నీతల్లిని… ఈ డర్టీ సాంగ్‌కు సిగ్గూశరం లేని సమర్థన..!!
  • నా బిడ్డ పెళ్లిని ఆ బైకర్ల గ్రూప్ రఫ్‌గా అడ్డుకుంది… కానీ మంచే జరిగింది…
  • ఆహా… దక్షిణ వాగ్గేయకారులకూ అయోధ్య రాముడి చెంత చోటు…
  • గుడ్డు అంటేనే గుడ్డు… వెరీ గుడ్డు… అకారణ భయాలే నాట్ గుడ్డు…

Archives

Copyright © 2025 · Muchata.com · Technology Management by CultNerds IT Solutions