వేకువజామున వెన్నెల మరకలుగా… ఆహా… మేఘమా- దేహమా పాట నేటికీ క్లాసిక్…

పంతులమ్మ , నాగమల్లి సిన్మాల్లో పాటలు విన్నాక ఆ మ్యూజిక్ డైరక్టర్లని చాలా ఇష్టపడి పోయిన నేను , నాకు ప్రాణమైన మా ఇళయరాజా గార్ని పక్కనెట్టేసి వీళ్ళని అప్రోచయ్యేను. చిన్నప్పట్నుంచీ మ్యూజిక్ మీద ప్రేయసి మీదంత ఇష్టం ఉన్న నేను , కంపోజింగప్పుడు నా ఆలోచనలు చెప్తుంటే , చిన్న కుర్రోడ్ననో ఏమో , లేకపోతే వాళ్ళ పద్దతి అంతేనేమో నవ్వుతా వినేసి , వాళ్ళ పద్దతిలో వాళ్ళు చేసుకుంటా వెళ్ళిపోయేవారు.తమిళ వెర్షన్లో ఉన్న మేఘమా- దేహమా పాటని తెలుగులో పెడదామంటే ఒప్పుకోకండా’’ దానికంటే మంచిది చేద్దాం ఆ పాట హిందీ గజల్ కి కాపీ’’ అన్నారు.. వాళ్ళన్నది చాలా కరక్టు . కానీ, ఆ పాటకి చాలా ఇన్‌ఫ్లూయెన్స్ అయిపోయిన నిర్మాత ప్రసాదరావు గారు’’ అదే ఉండాలయ్యా’’ అంటారు. ఈ విషయం మా ఏడిద నాగేశ్వరరావు గారికి చెప్పేవాణ్ణి…. వాల్లనొప్పించడానికి చాలా అవస్త అయ్యింది. వాహిని ‘’ ఎ ‘’ థియేటర్లో ఆ పాట పాడిన జానకి గారికి ‘’సితార’’ అవార్డ్ వచ్చింది గానీ, ఒరిజినల్లో వాణి జయరాం గారు పాడిందే బాగుందన్నారు తెలుగు పాట విన్న తమిళ మిత్రులు.