.
Subramanyam Dogiparthi.... మరో లేడీస్ సెంటిమెంట్ పిక్చర్ ఈ తలంబ్రాలు . తలంబ్రాలు అనే టైటిల్ కన్నా ఆడది తలచుకుంటే వంటి ఇంకేదో టైటిల్ పెట్టి ఉంటే ఇంకా ఆప్ట్‌గా బాగుండేదేమో ! సక్సెస్ అయింది కాబట్టి తలంబ్రాలే కరెక్ట్ అని తేల్చాల్సి ఉంటుంది .
సినిమాకు షీరో జీవితే . తమిళంలో అప్పటికే అరంగేట్రం చేసి ఉన్న జీవితకు తెలుగులో మాత్రం ఇదే మొదటి సినిమా . మొదటి సినిమాలోనే షీరో పాత్ర లభించటం , జీవితంలో భర్త దొరకటం అదృష్టమే . ఆమెతో పాటు ఆమె చెల్లెలు ఉమ కూడా నటించింది . ఉమ తర్వాత పెద్దగా తెరపై కనిపించలేదు… (కొన్ని సినిమాలు ఆగిపోయి, ఓ పారిశ్రామికవేత్తను పెళ్లి చేసుకుని, వెండితెరకు గుడ్ బై చెప్పింది)…
Ads
- జీవిత చాలా బాగా నటించింది . మొదట్లో అమాయకురాలిగా , తర్వాత రాటుదేలిన స్త్రీగా , మళ్ళీ సగటు బలహీన భారతీయ స్త్రీగా , క్లైమాక్సులో అపర కాళీగా , ఏకాదశావతారంగా డిఫరెంట్ షేడ్సుని ప్రస్ఫుటంగా చూపించింది .
అయితే ఎక్కువ సినిమాలు నటించకుండానే వైవాహిక జీవితం కొరకు నటన ఆపేసింది . ఈ సినిమాకు ముందు మంచి బాలుడు పాత్రల్లో నటించిన రాజశేఖరుకు ఈ సినిమాలో నెగటివ్ సైకో పాత్ర లభించింది . బాగా మెప్పించాడు కూడా . మంచి పేరు వచ్చింది .
మరో ప్రధాన పాత్ర కళ్యాణ్ చక్రవర్తిది . బాగా నటించాడు . మరో ప్రధాన పాత్ర అంజి . పది పైసలిస్తేనే కానీ ఏమీ చేయడు . ఇస్తే ఏం చేయమన్నా చేసేస్తాడు . ఆఖర్లో లారీ కింద పడి చచ్చిపోయి అయ్యో అని ప్రేక్షకుల చేత అనిపించుకుంటాడు . అతనికీ ఇదే మొదటి సినిమా అనుకుంటా . పేరు సుబ్బారావు అనుకుంటా . Subject to correction .
సినిమాలో ఎక్కువ పాత్రలు కనిపించవు . కనిపించినా ఎక్కువ సేపు ఉండవు . జూనియర్ ఆర్టిస్టులతో లాగించేసారు . సినిమాకు బలమంతా కధ , కధనమే . బిర్రయిన స్క్రీన్ ప్లే , పటిష్టమైన దర్శకత్వం . అనుభవజ్ఞులయిన నిర్మాతలు కదా ! స్టీరింగ్ గట్టిగా పట్టుకుంటారు .
యం యస్ రెడ్డి గారి కుమారుడు శ్యాం ప్రసాద్ రెడ్డి నిర్మాత . దర్శకుడు కోడి రామకృష్ణ . అతని ఎకౌంటులో మరో మంచి సినిమా .
సినిమా విజయానికి మరో కారణం సత్యం సంగీతం , మల్లెమాల , రాజశ్రీల లిరిక్స్ , బాలసుబ్రమణ్యం , సుశీలమ్మ గాత్రం . పాటలన్నీ చాలా శ్రావ్యంగా ఉంటాయి . బాగా హిట్టయిన పాట ఇది పాట కాదే కాదు , ఏ రాగం నాకు రాదు , వేదన శృతిగా రోదన లయగా సాగే గానమిది . రాజశ్రీ అద్భుతంగా వ్రాసారు .
మరో హిట్టయిన పాట ఓ దానవుడయిన మానవుడా హృదయం లేని కిరాతకుడా . ఓ రాతిరీ నువ్వెళ్ళిపో కూడా శ్రావ్యంగా ఉండటమే కాకుండా చిత్రీకరణ కూడా బాగుంటుంది . నిన్న నీవు నాకెంతో దూరం డ్యూయెట్ కూడా బాగుంటుంది . టైటిల్సుతో వచ్చే పాట బుల్లి పాప కోరేది తల్లి పాలు కన్నెపిల్ల కోరేది తలంబ్రాలు శ్రావ్యంగా ఉంటుంది .
పాత సినిమాల్లో పాటల లిరిక్సుకు ప్రాధాన్యత ఇచ్చే వాళ్ళు . సంగీతం ఢాంఢాంగా ఉండకపోవటం వలన ప్రేక్షకులకు సాహిత్యం , సాహిత్యంతో పాటు ట్యూన్లు గుర్తుండేవి . బేక్ గ్రౌండ్ మ్యూజిక్ డైలాగులను , లిరిక్సును మింగేయకుండా ఆహ్లాదంగా వినిపించేది .
ఇప్పటి సినిమాల సంగీత దర్శకులు ఏమనుకుంటున్నారంటే BGM అంటే స్క్రీన్ని పగలకొట్టడం అనుకుంటున్నారు . వాళ్ళకు తగ్గ దర్శకులు , సౌండ్ ఇంజనీర్లు తగలడుతున్నారు . టివిలో చూసేటప్పుడు సౌండ్ పెంచకపోతే ఏక్టర్ల డైలాగులు వినిపించవు . సౌండ్ పెంచితే ఢాంఢాంలు తప్ప ఇంకేం వినిపించవు . ఈ సమస్య నాకేనా అందరిదీనా తెలవదు .
గణేష్ పాత్రో డైలాగులు పదునుగా ఉంటాయి . అప్పట్లో మహిళా ప్రేక్షకులకు బ్రహ్మాండంగా నచ్చేసిన ఈ సినిమా యూట్యూబులో ఉంది . ఇంతకుముందు చూడనట్లయితే తప్పక చూడండి . ఎక్కడా స్లో కాదు . బిరబిరా సాగుతూనే ఉంటుంది . Watchable . #తెలుగు_సినిమాల_సింహావలోకనం #సినిమా_స్కూల్ #సినిమా_కబుర్లు #తెలుగు_సినిమాలు
Share this Article