Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

ఇదుగో ఇక్కడి నుంచి స్టార్టయింది శోభన్‌బాబుకు మహిళా ఫాలోయింగు

May 18, 2024 by M S R

Subramanyam Dogiparthi ………  వీరాభిమన్యు , మనుషులు మారాలి , చెల్లెలి కాపురం సినిమాలలో హీరోగా మంచి పేరు సంపాదించుకున్న శోభన్ బాబు 1971 లో వచ్చిన ఈ తాసిల్దారు గారి అమ్మాయి సినిమాతో ఫీల్డులో పెద్ద హీరోగా పూర్తిగా నిలదొక్కుకున్నాడు . అప్పటికే పెద్ద నటిగా పేరున్న జమున పక్కన ధీటుగా నటించారు . పైగా తండ్రీకొడుకులుగా ద్విపాత్రాభినయం .

ఈ సినిమాకు ముందు పొట్టి ప్లీడరులో రెండు పాత్రల్లో కనిపించినా , ఈ సినిమాలోని రెండు పాత్రలు ఫుల్ లెంగ్త్ పాత్రలు . ఈ రెండు పాత్రలతో శోభన్ బాబు ప్రేక్షకులలో , ముఖ్యంగా మహిళా ప్రేక్షకులలో , స్థిరమైన స్థానం సంపాదించుకున్నారు . 1971 శోభన్ బాబుకు లక్కీ ఇయర్ . మొత్తం 16 సినిమాలు విడుదలయ్యాయి …

ఆంధ్రప్రభ వారపత్రికలో సీరియల్ గా వచ్చిన కావిలిపాటి విజయలక్ష్మి నవల విధి విన్యాసాలు ఆధారంగా ఈ సినిమా నిర్మించబడింది . ప్రముఖ దర్శకులు కె యస్ ప్రకాశరావు దర్శకత్వంలో యన్ ఆర్ నంది డైలాగులు వ్రాసారు . తాసిల్దారు గారి అమ్మాయి ఓ బస్ కండక్టర్ని ప్రేమించి పెళ్ళి చేసుకోవటం , ఇగో గొడవలతో విడిపోవటం , చివర్లో కొడుకు ద్వారా కలవటం క్లుప్తంగా కధ .
జమున , శోభన్ బాబులు పోటాపోటీగా నటించారు . చంద్రకళ , నాగభూషణం , రాజబాబు , రావి కొండలరావు , సాక్షి రంగారావు ప్రభృతులు నటించారు . కె యస్ ప్రకాశరావు కుమారుడు , ఇప్పుడు దర్శకేంద్రుడు రాఘవేంద్రరావు ఈ సినిమాకు అసోసియేట్ డైరెక్టర్ .
కె వి మహదేవన్ సంగీత దర్శకత్వంలో పాటలన్నీ శ్రావ్యంగా ఉంటాయి . నీకున్నది నేనని , నాకున్నది నీవని , పాడమన్నావు పాడుతున్నాను , చకచకలాడే నడుము చూడు , అల్లరి చేసే వయసుండాలి ఆశలు రేపే మనసుండాలి , కనపడని చెయ్యేదో నడుపుతోంది నాటకం , జాగిరి జాగిరి జాగిరి బావా పాటలు శ్రావ్యంగా ఉంటాయి .

ఆరు కేంద్రాలలో వంద రోజులు ఆడింది . శత దినోత్సవం ఫంక్షన్ రాజమండ్రిలో అక్కినేని ముఖ్య అతిధిగా జరిగింది . శోభన్ బాబుకు ఆంధ్రా ఫిలిం ఫాన్స్ అసోసియేషన్ నుండి ఉత్తమ నటుడు పురస్కారం కూడా లభించింది .

Ads

By the way , ఈ సినిమా నిర్మాతలు సత్యనారాయణ , సూర్యనారాయణలే తర్వాత కాలంలో NTR తో సూపర్ హిట్ అడవిరాముడు సినిమాను తీసింది . కాలేజీ రోజుల్లో మా నరసరావుపేటలో రెండు సార్లు చూసా . నాకు బాగా నచ్చిన feel good movie . టి విలో కూడా వచ్చింది . సినిమా యూట్యూబులో లేదు . ఎందుకనో !? #తెలుగుసినిమాలసింహావలోకనం #తెలుగుసినిమాలు

Share this Article



Advertisement

Search On Site

Latest Articles

  • ఓసారి నారాయణమూర్తి జాబ్ అప్లికేషన్‌ను విప్రో ప్రేమ్‌జీ రెఫ్యూజ్ చేశాడు…
  • సకల తీర్థాల్లో మునిగి పుణ్యం చేసుకున్న ఆ సొరకాయ చివరికి..?!
  • ఎవరెవరో ఏదేదో మాట్లాడుతున్నారు- రాముడి వారసులు మాత్రం సైలెంట్ !!
  • ఈసారి భద్రతా వ్యవస్థలోనే..! కొనసాగుతున్న అమెరికా *టెక్ కష్టాలు !!
  • ప్రతి పేద ఇంటికీ సర్కారీ భరోసా – రేవంత్ రెడ్డి గుర్తుండిపోతాడు
  • ఎవరి కోసం… ఈ హఠాత్ వరుస టెక్ ఇక్కట్లు !!
  • ‘‘సాక్షి బురద రాతలు- రోత రాతలు- నీచపు రాతలు- తప్పుడు కూతలు’’
  • మరో బాబా బయోపిక్ రుద్రయోగి! కానీ నిజచరిత్ర తెలియని మర్మయోగి!!
  • తెలుగు సీఎస్‌లు ఏం చేయగలరు పాపం..? శబరిమలలో బట్టల పంచాయితీ!
  • సాయి పల్లవిని టార్గెట్ చేసేందుకే ‘మాండవి’ని పైకి లేపారు !!

Archives

Copyright © 2026 · Muchata.com · Technology Management by CultNerds IT Solutions