Muchata

Find Latest News in Telugu from muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

నో డైలాగ్స్… పైగా నెగెటివ్ రోల్… ఐదే నిమిషాల భలే పాత్ర…

December 4, 2024 by M S R

.
తాయారమ్మ బంగారయ్య . సినిమా టైటిలే కాదు ; సినిమా అంతా వాళ్ళదే . టైటిల్ పాత్రల్లో సత్యనారాయణ, షావుకారు జానకిలు అదరగొట్టేసారు .

ఆడంబరాలతో , ఇగోలతో , స్వాతిశయంతో పాడయిపోయిన కాపురాలను రిపేర్ చేసే కధాంశంతో చాలా సినిమాలే వచ్చాయి . కానీ , ఈ సినిమా కధని దర్శకుడు కొమ్మినేని శేషగిరిరావు చాలా పకడ్బందీగా వ్రాసుకున్నారు . అంతే బిర్రుగా స్క్రీన్ ప్లే , అందుకు తగ్గట్లుగానే దర్శకత్వం వహించారు .

ఈ సినిమా సక్సెస్ క్రెడిట్ సింహభాగం సత్యనారాయణ, షావుకారు జానకి, కొమ్మినేని శేషగిరిరావులదే . శంకరాభరణం సినిమా నిర్మాత ఏడిద నాగేశ్వరరావు మరి కొంతమంది భాగస్తులతో తీసిన ఈ సినిమా 1979 లో విడుదల అయింది .

Ads

మేము ఈ సినిమాను మా గుంటూరులో రంగమహల్లో చూసాం . ఇప్పుడు ఆ రంగమహల్ , ముందున్న శేషమహల్ రెండూ లేవు . చరిత్ర గర్భంలో కలిసిపోయాయి . మళ్ళా సినిమాకొద్దాం .

ఈ సినిమా సక్సెస్ అవటానికి మరో ఇద్దరు కూడా కారణమే . ఒకరు సంభాషణల రచయిత జంధ్యాల . ఎక్కడ రిపేర్ల అవసరం ఉంటే అక్కడకు డ్యూటీలో దిగిపోదామా అనే సత్యనారాయణ, షావుకారు జానకిల డైలాగ్ చాలా సందర్భానుసారంగా ఉంటుంది . మరొకరు సంగీత దర్శకుడు చక్రవర్తి . ఆ సంగీతానికి వేదికను కల్పించింది ఆత్రేయ, వీటూరి .

వీటూరి వ్రాసిన మై నేం ఈజ్ బంగారయ్య నే చెప్పిందే బంగారమయ్య పాట ఈ సినిమాకు ఐకాన్ సాంగ్ . ఆ పాట చిత్రీకరణ కూడా చాలా బాగుంటుంది . సుశీలమ్మ, బాల సుబ్రమణ్యాలు చాలా బాగా పాడారు . సత్యనారాయణ, షావుకారు జానకిలు ఇరగతీసారు .

మరో శ్రావ్యమైన పాట సంగీత , చంద్రమోహన్ ధరించిన పాత్రల మీద ఉంటుంది . ఆత్రేయ వ్రాసిన ఆనాడు ఈనాడు ఏనాడు ఆడబొమ్మని చేసాడు మగవాడు పాట .

ఈ సినిమాలో ప్రధాన కధాంశం రెండు జంటల కాపురాలు రిపేర్లు చేయబడుట . రంగనాధ్, సంగీత ఒక జంట అయితే మరో జంట చంద్రమోహన్, మాధవి . ఈ ప్రధాన కధాంశానికి సమాంతరంగా అస్పృశ్యత అంశంపై మరో కధని నడిపించాడు దర్శకుడు . అందులో రాజబాబు, కొత్త నటి జయ నటించారు . రాజబాబు, అతని స్నేహితులు పాడే పాట ఛాయాదేవిని టీజ్ చేసే పాట కూడా బాగుంటుంది . గుడిసె పీకి మేడ మీద వేయాలి అనే పాట ఇది . ఆత్రేయ వ్రాసారు .

ఈ సినిమాలో ఓ విశేషం ఏమిటంటే చిరంజీవి ఓ అయిదు నిమిషాలు తళుక్కుమంటారు . డైలాగ్స్ లేకుండా . నెగటివ్ రోల్ . ఇతర పాత్రల్లో అల్లు రామలింగయ్య, డబ్బింగ్ జానకి, మాడా, శరత్ బాబు, తదితరులు నటించారు .

సినిమా, పాటల వీడియోలు యూట్యూబులో ఉన్నాయి . Undoubtedly a watchable , sentimental , feel good movie . ముఖ్యంగా సత్యనారాయణ, షావుకారు జానకిల పాత్రలను చెక్కిన తీరు , వారిద్దరి నటన ఈ సినిమాకు బలం . వారి నటనను తప్పక చూడాల్సిందే . #తెలుగుసినిమాలసింహావలోకనం #తెలుగుసినిమాలు ……… ( — దోగిపర్తి సుబ్రహ్మణ్యం )

Share this Article



Advertisement

Search On Site

Latest Articles

  • గుడ్ లోకేష్… వర్తమాన ఏపీ బూతు రాజకీయాల్లో నాలుగు మంచిమాటలు…
  • హమ్మయ్య… బీజేపీ మాధవుడు రాత్రికిరాత్రి తెలంగాణను మళ్లీ ఇచ్చేశాడు…
  • ప్రేక్షకులూ బీ రెడీ…! ఆరేడు వందల కోట్ల వసూళ్లకు దండయాత్ర..!!
  • మోడీ నిర్మించిన ఆ సర్దార్ విగ్రహంకన్నా మూడడుగులు ఎక్కువే..!!
  • క్రమేపీ మతానికి దూరమవుతున్న ఓ తూర్పు దేశం… ఇంట్రస్టింగు…
  • శాపగ్రస్త..! రాస్తే నవల… తీస్తే సినిమా… బతుకంతా ప్రేమరాహిత్యమే..!!
  • ఆ కుటుంబమే క్షమించేసింది… మళ్లీ ఇప్పుడు ఈ ఆగ్రహ ప్రకటనలేల..?!
  • “కావమ్మ మొగుడు… అంటే కామోసు అనుకున్నాను… నాకేం సంబంధం…?’’
  • బహుశా విజయశాంతికీ గుర్తుండి ఉండదు ఇదో సినిమా చేసినట్టు..!!
  • దటీజ్ రాజనాల..! వేషం దొరికితే చాలు, దర్శకులకే క్లాసులు…

Archives

Copyright © 2025 · Muchata.com · Technology Management by CultNerds IT Solutions