నాటి ఈటీవీ ఇంటర్వ్యూ ఒకటి ఎన్టీయార్ జీవితాన్నే మార్చేసింది.. !!

అప్పట్లో ఈటివిలో ఆంధ్రావని వార్తలు వచ్చేవి… ఈ రోజు వార్తలు మరుసటి రోజు సింగ పూర్ నుంచి ప్రసారం అయ్యేవి. లక్ష్మి పార్వతి కారణం వల్లే ఎన్టీఆర్‌ను దించాల్సి వచ్చిందని చంద్రబాబు బ్యాచ్ చెబితే…. తాను రాజకీయాల నుంచి విరమించుకుంటున్నట్టు పార్వతి ప్రకటన…. బాబు వర్గం నోట్లో పచ్చి వెలక్కాయ పడ్డట్టు అయింది ….

ఈటివే ఆ సమయంలో వారిని ఆదుకుంది … రెండు రోజుల ముందు ఈటివికి ఆమె ఇచ్చిన ఇంటర్వ్యూ ప్రసారం చేశారు … నాకు ఎన్టీఆర్ ముఖ్యం, mla లు పూచిక పుల్లలతో సమానం అని లక్ష్మిపార్వతి ఆ ఇంటర్వ్యూలో చేసిన ప్రకటన … రెండు రోజుల తరువాత ప్రసారమైంది….

మేం పూచిక పుల్లలం అని చెబుతూ, మళ్ళీ సయోధ్యకు రమ్మనడం ఎందుకంటూ బాబు వర్గం ప్రశ్న… ఈటివిలోని ఈ వార్త ప్రసారంతో పార్వతి రాజకీయాలకు దూరం అనే ఎన్టీఆర్ చివరి ఆయుధం నిర్వీర్యం అయింది … బాబు వర్గాన్ని ఈటివి కడుపులో పెట్టుకొని చూసుకుంది, ఎన్టీఆర్‌ను దించేంత వరకు నిద్ర పోలేదు … అదే ఈటీవి ఇప్పుడు భక్తితో తనను స్మరించుకొంటోంది… అంతా కాల మహిమ… నాటి పాపాన్ని ఇప్పుడు కాస్త కడిగేసుకుంటున్నట్టుగా..!!