నిండా 19 ఏళ్లు. చిన్నప్పటి నుంచి సినిమాలు చూసి, అందులో రౌడీలు, డాన్‌లు చేసే పనులు నచ్చాయతనికి. తానూ అలాగే అవ్వాలని అనుకున్నాడు. మెల్లగా మొదలైన అతని నేరాల పరంపర భారీ స్థాయికి చేరింది. చివరకు అతని ప్రాణాలు తీసింది. కత్తి పట్టినవాడు కత్తి వల్లే మరణిస్తాడనే బైబిలు వాక్యం నిజమైంది. 20 ఏళ్లు రాకుండానే మరణించిన ఈ యువకుడి జీవితం ఎంతోమందికి గుణపాఠం. పిల్లల్ని పెంచే తల్లిదండ్రులకు జీవనపాఠం.
కానీ సమయం రానే వచ్చింది. 2020 సెప్టెంబర్ 7 రాత్రి 7 గంటలకు తన ప్రాంతంలోని ఒక దుకాణంలో టీ తాగడానికి తన గ్యాంగ్‌తో కలిసి వచ్చాడు. ఆ సమయంలో అతని శత్రు గ్యాంగ్‌కి చెందిన షెహనవాజ్ అనే యువకుడితో దుర్లబ్కి వాగ్వాదం జరిగింది. ఆ కోపంలో తన వద్ద ఉన్న కత్తితో దుర్లబ్ అతణ్ని పొడిచాడు. ఈ ఘటనతో స్థానికంగా కలకలం రేగింది. తర్వాత జరిగే పరిణామాలు ఊహించిన అతని గ్యాంగ్‌లోని సభ్యులు వెంటనే అక్కడి నుంచి పారిపోయారు. దగ్గరలోనే ఉన్న షెహనవాజ్ స్నేహితులు దుర్లబ్‌ని పట్టుకొని, అతని కత్తితోనే అతణ్ని 34 సార్లు పొడిచారు. ఆ గాయాల కారణంగా అర్ధరాత్రి 2 గంటల సమయంలో అతను అక్కడిక్కడే మరణించాడు.
అతను మరణించిన తరువాత పోలీసులు అక్కడికి చేరుకున్నారు. దుర్లబ్ మరణం వారికి తలనొప్పి వ్యవహారంగా మారింది. స్థానిక రౌడీలను కట్టడి చేయడంలో రాష్ట్ర ప్రభుత్వం, పోలీసులు విఫలమయ్యారని అప్పటికే పెద్ద ఎత్తున విమర్శలున్నాయి. ఈ నేపథ్యంలో ఈ హత్య జరగడం వారిని మరింత కలవరపెట్టింది. దుర్లబ్ జీవితం కత్తితో మొదలై, కత్తితో ముగిసింది. అతనిపై ప్రేమతో అతని అంత్యక్రియల్ని అభిమానులు ఘనంగా నిర్వహించారు. అతని పేరిట నేటికీ ఫేస్‌బుక్‌లో పేజీలు, అకౌంట్లు నడుపుతూ అతని వీడియోలు, ఫొటోలు పెడుతున్నారు. వారిలో కొందరు అతని బాటలోనే నడవాలని చూస్తూ ఉండటం భయం కలిగించే విషయం. దుర్లబ్ పేరిట యూట్యూబ్‌లో పాటలు, అనేక వీడియోలు కూడా ఉన్నాయి.
Ads
Share this Article