ఉండమ్మా బొట్టు పెడతా… అప్పట్లో మహిళల్ని విశేషంగా ఏడ్పించింది…

ఈ సినిమాకు మరొక బలం దేవులపల్లి వారి పాటలు , కె వి మహదేవన్ సంగీతం . పాటలన్నీ హిట్ అయ్యాయి . అడుగడుగున గుడి ఉంది అందరిలో గుడి ఉంది , రావమ్మా మహాలక్ష్మి రావమ్మా, నీ కోవెల ఈ ఇల్లు కొలువై పాటలు సూపర్ హిట్ . శ్రీశైలం మల్లన్న శిరసొంచేలా చేలంతా గంగమ్మ వాన , పాతాళ గంగమ్మ రారారా ఉరికి ఉబికి ఉబికి రారారా , చుక్కలతో చెప్పాలని ఏమని , ఎందుకీ సందె గాలి , చాలులే నిదురపో పాటలు శ్రావ్యంగా ఉంటాయి . దేవులపల్లి వారి మార్క్ ప్రస్ఫుటంగా కనిపిస్తుంది .కృష్ణ , జమున , జానకి , నాగయ్య , నాగభూషణం , ధూళిపాళ , సూరేకాంతం , సూర్యకళ , ఆర్జా జనార్ధనరావు , ప్రసన్నరాణి , రాజబాబు , మాడా , సాక్షి రంగారావు ప్రభృతులు నటించారు . పూర్తిగా గ్రామీణ నేపధ్యంలో తీసారు .

మా నరసరావుపేటలో సత్యనారాయణ టాకీసులో చూసా . టి విలో కూడా చూసా . యూట్యూబులో ఉంది . సంసారపక్షమైన పాత విలువల సినిమా . పాటలు , నటన , సినిమా గోయింగ్ బాగుంటాయి . చూడదగ్గ సినిమా .

#తెలుగుసినిమాలసింహావలోకనం #telugureels #తెలుగుసినిమాలు #TeluguCinemaNews #telugucinema