Muchata.com Latest Telugu News

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

వరాహరూపం… కథ మళ్లీ మొదటికొచ్చింది… గుళిగ కోర్టుల్ని రక్షించుగాక…

December 4, 2022 by M S R

వరాహరూపం పాట కథ మళ్లీ మొదటికొచ్చింది… పాత పాటా, కొత్త పాటా, ఏ పాట ఉంచాలి, ఏది తీసేయాలి అర్థం గాక కాంతార టీం జుత్తు పీక్కుంటోంది… కోర్టుల్లో ఈ బాల్ అటూ ఇటూ తిరుగుతూ, ఈ టీంను గంగవెర్రులెత్తిస్తోంది…
అందరికీ తెలిసిందే కదా… కాంతార సినిమాలో వరాహరూపం పాట ఎంత కీలకమో… నిజానికి ఆ పాట లేకపోతే క్లైమాక్స్ లేదు, ఆ క్లైమాక్స్ లేకపోతే సినిమాయే లేదు… కానీ ఆ పాట మేం రిలీజ్ చేసిన పాత నవరసం సాంగేననీ, కాంతార టీం కాపీ కొట్టిందనీ ఓ మలయాళ ప్రైవేటు మ్యూజిక్ ఆల్బం కంపెనీ కొజిక్కోడ్,, పాలఘాట్ డిస్ట్రిక్టు కోర్టుల్లో కేసులు వేసింది…
కొజిక్కోడ్ కోర్టు వెంటనే ఆ పాట ప్రదర్శన మీద స్టే విధించేసి, ఏ డిజిటల్ ప్లాట్‌ఫామ్ మీద కూడా ఆ పాట ప్రదర్శించరాదనీ ఆదేశించింది… నిజానికి ఆ పాటకూ, ఈ పాటకూ సామ్యమేమిటో, వీళ్లు కాపీ కొట్టిందేమిటో విచారణే జరగలేదు… కోర్టు బయట పరిష్కారం కోసం ఏవో ప్రయత్నాలు చేశారు గానీ సదరు ప్రైవేటు పాట ఓనర్లు చెట్టెక్కి కూర్చున్నారు… అది తేలనిదే నేను ఓటీటీలో ప్రసారం చేయను అంటాడు అమెజాన్ వాడు…

ఏం చేస్తాం అనుకుని… చివరకు వేరే పాట కంపోజ్ చేశారు.., అదే కంటెంటు, కానీ ట్యూన్ మార్చారు… కానీ అది అంత పవర్‌ఫుల్‌గా రాలేదు… దాన్ని పాత పాట స్థానంలో పెట్టేసి ఓటీటీల్లో రిలీజ్ చేశారు… చాలామందికి ఆ పాట నచ్చలేదు… ఈ కొత్త పాట మొత్తం సినిమా ప్రాణం తీసేసిందని విమర్శలు వచ్చాయి… ఈలోపు కొజిక్కోడ్ కోర్టు తను విధించిన స్టే ఎత్తేసింది… కాంతార టీం ఊపిరి పీల్చుకుంది… కానీ పాలక్కాడ్ డిస్ట్రిక్ట్ కోర్టులో కేసు అలాగే ఉంది…

ఆ మలయాళీ మ్యూజిక్ కంపెనీ విడిచిపెట్టదలుచుకోలేదు… కొజిక్కోడ్ డిస్ట్రిక్ట్ కోర్టు స్టే ఎత్తేయడం మీద హైకోర్టుకు వెళ్లింది… హైకోర్టు ఏం చేసిందంటే… కొజిక్కోడ్ జిల్లా కోర్టు స్టే ఎత్తేస్తూ ఇచ్చిన తీర్పు మీద స్టే విధించింది… సో, కథ మళ్లీ మొదటికొచ్చింది… హైకోర్టు ఈ సినిమా నిర్మించిన హొంబలె బ్యానర్, దర్శకుడు రిషబ్ శెట్టి, ఓటీటీ వేదిక అమెజాన్ సెల్లర్ సర్వీస్, గూగుల్ తదితరులకు నోటీసులు జారీ చేసింది…

మరోవైపు పాలక్కాడ్ జిల్లా కోర్టు విధించిన స్టే అలాగే ఉంది… ఈ కోర్టు కేసులతో కాంతార టీంకు 400 కోట్ల వసూళ్ల ఆనందం కాస్తా పంక్చరైపోతోంది… 15 కోట్ల పెట్టుబడికి 400 కోట్ల వసూళ్లు అనేది ఓ మ్యాజిక్… దేశవ్యాప్తంగా సినిమా పక్షులన్నీ ఈ సినిమా సక్సెస్ మీదే చర్చించుకుంటున్నాయి… నిజానికి ఆ పాటను చోరీ చేశారా అనే అంశం మీద విచారణ జరిగితేనే బాగుండు…

కర్నాటక సంగీతంలో పేరెంట్స్ రాగాలుగా పేర్కొనే మేళకర్త రాగాల్నే అందరూ వాడుకుంటున్నారు… దానికి ఇందులో మోడరన్ మ్యూజిక్ ఫ్యూజన్… అదొక ప్రయోగం… జనానికి నచ్చొచ్చు, నచ్చకపోవచ్చు… కానీ ఆ రాగాలు ఓపెన్ సోర్స్, ఎవరికీ వాటిపై పేటెంట్స్ లేవు… ప్చ్, ఇదేమీ లేకుండానే స్టే, స్టే ఎత్తివేత, ఎత్తివేతపై స్టే… ఇలా నడుస్తోంది కథ… గుళిగ, పంజుర్లీ దేవతలకు కోపం రానివ్వకండి… !! అవునూ, రిషబ్ తాజా ట్వీట్ లో మేం గెలిచాం, త్వరలో పాత పాట ott లో అంటాడేమిటి మరి..?!

Share this Article






Advertisement

Search On Site

Latest Articles

  • ఫాఫం… లోకేష్ కూడా అదే బ్లడ్డు, అదే బ్రీడు కదా… ఆ గూటి పక్షికి ఆ కూతలే కదా..?!
  • నువ్వు చాలా దిల్‌దార్… గ్రేటే కానీ, మరి తెలంగాణ నీటిప్రయోజనాల మాటేంటి..?
  • ఝలక్కులు కావు… ఇదుగో మజ్లిస్ జిల్లాల్లో పోటీకి తొలిదఫాలో గుర్తించిన సీట్లు…
  • ఆధునిక సినిమా ద్వేషి రంగనాయకమ్మకూ నచ్చిన శంకరాభరణం..!
  • ‘‘ఆర్టిస్టులను గౌరవిద్దాం సరే… ప్రజల మనోభావాలను వాళ్లూ గౌరవించాలి కదా…’’
  • సహస్ర శిరచ్ఛేద ‘అహిలావతి’ కథ… రాక్షసరాజును పెళ్లాడిన ప్రజ్ఞా యోధ…
  • స్టెప్ మోషన్‌లో… ఒక్కొక్కరినీ పరిశీలిస్తూ ‘కవర్’ చేయాల్సి వచ్చింది…
  • అది ఖచ్చితంగా గూఢచర్య పరికరమే… అన్ని దేశాలపైనా చైనా నిఘా కన్ను…
  • ముంబైలో వాణిని తొక్కేసింది లత, ఆశ… అసలే సౌతిండియన్, పైగా మెరిటోరియస్…
  • సుప్రీం చెప్పినా కదలని కేసీయార్ సర్కారు…! తొండి ఆట- మొండిచేయి…!!

Archives

Copyright © 2023 · Muchata.com · Technology Management by CultNerds IT Solutions