.
ఆకాశమే నీ హద్దురా… భారత్ అంతరిక్ష చరిత్రలో స్కైరూట్ విక్రమ్-1 కొత్త స్టెప్ … ఒకప్పుడు రాకెట్ ప్రయోగాలు అంటే ప్రభుత్వ సంస్థలే చేస్తాయని అనుకునేవాళ్లం. అమెరికాలో స్పేస్ ఎక్స్ ఆ భావనల్ని తుడిచపెట్టేయగా… ఇప్పుడు మన భారత యువ శాస్త్రవేత్తలు కూడా ఆ ఆలోచనలనే మార్చేశారు.
హైదరాబాద్లోని స్కైరూట్ ఏరోస్పేస్ తయారు చేసిన విక్రమ్-1 రాకెట్, ప్రైవేట్ స్పేస్ రంగంలో కొత్త దారిని చూపిస్తోంది. “ఆకాశమే నీ హద్దురా” అన్న మాటకి నిజంగా అర్థం చెప్పాలంటే ఇదే విక్రమ్-1.
Ads
విక్రమ్-1 అనేది కేవలం రాకెట్ కాదు. ఇది మన యువత కలలకు రెక్కలు ఇచ్చిన టెక్నాలజీ. తక్కువ ఖర్చుతో, త్వరగా ఉపగ్రహాలను కక్ష్యలోకి పంపేలా దీన్ని డిజైన్ చేశారు. దీంతో ప్రపంచ స్పేస్ మార్కెట్లో భారత్కు మంచి గుర్తింపు రావడం ఖాయం.
ఈ ప్రయోగానికి “మిషన్ ఆగమన్” అని పేరు పెట్టడం కూడా చాలా బాగుంది. ఇది ఒక రాకెట్ ప్రయాణం మాత్రమే కాదు… మన ప్రైవేట్ స్పేస్ రంగానికి కొత్త ప్రారంభం. ఈ మిషన్లో టెక్నికల్ ఉపగ్రహాలతో పాటు మన గొప్ప శాస్త్రవేత్తలు సి.వి. రామన్, డాక్టర్ విక్రమ్ సారాభాయ్, డాక్టర్ ఏ.పి.జె. అబ్దుల్ కలాంలకు గుర్తుగా చిన్న కళాఖండాలను కూడా అంతరిక్షంలోకి పంపుతున్నారు.
ప్రపంచంలో SpaceX ఎలా అమెరికా స్పేస్ రంగాన్ని మార్చిందో, అలాగే భారత్లో స్కైరూట్ కూడా కొత్త చరిత్ర రాస్తోంది. ఇది “మేడ్ ఇన్ ఇండియా” టెక్నాలజీకి, మన యువ ఇంజినీర్ల టాలెంట్కి గొప్ప ఉదాహరణ. ఇలాంటి క్షణాలు ప్రతి భారతీయుడికి గర్వంగా అనిపిస్తాయి.
ఆకాశం ఇక హద్దు కాదు… అది మన ప్రయాణానికి మొదటి అడుగు మాత్రమే. పవన్ కుమార్ చంద్రన, నాగ భరత్ దాకా స్కైరూట్ ఏరోస్పేస్ స్థాపకులు. ఇద్దరూ ఇస్రోలో పనిచేసిన అనుభవం కలిగిన ఇంజినీర్లు. అంతరిక్ష రంగంలో భారతదేశాన్ని మరింత ముందుకు తీసుకెళ్లాలనే లక్ష్యంతో 2018లో స్కైరూట్ను ప్రారంభించారు.
వారి విజన్ — తక్కువ ఖర్చుతో, వేగంగా ఉపగ్రహాలను అంతరిక్షంలోకి పంపే సాంకేతికతను అభివృద్ధి చేయడం. యువతలో ఉన్న ప్రతిభను ఉపయోగించి, ప్రపంచ స్థాయి స్పేస్ టెక్నాలజీని భారత్లోనే తయారు చేయాలనే సంకల్పంతో వారు ఈ ప్రయాణాన్ని ప్రారంభించారు.
ఈ ప్రయాణంలో హైదరాబాద్లోని టి-హబ్ (T-Hub) కూడా కీలక పాత్ర పోషించింది. స్టార్టప్లకు అవసరమైన మెంటారింగ్, నెట్వర్కింగ్, ఇన్నోవేషన్ ఎకోసిస్టమ్ను అందిస్తూ స్కైరూట్ వంటి సంస్థలకు బలమైన పునాది వేసింది. టి-హబ్ వంటి వేదికలు ఉండటం వల్లే భారత యువత తమ ఆలోచనలను ప్రపంచ స్థాయికి తీసుకెళ్లగలుగుతున్నారు…
Share this Article