విశ్వ..! సూట్‌కేసు సర్దుకో… అసలే ఆడలేడీస్ తక్కువయ్యారు, నువ్వే వెళ్లిపో…!!

విశ్వ… బిగ్‌బాస్ హౌజులో అన్నింట్లోనూ యాక్టివే… టాస్కుల్లో గానీ, స్ట్రాటజీల్లో గానీ… కానీ జనానికి ఎందుకో నచ్చలేదు… నిజానికి ఏ ప్రియాంకో వెళ్లిపోవాలి… కానీ బిగ్‌బాస్ టీం తిక్క ప్లానింగుతో హౌజులో ఆడలేడీస్ తక్కువైపోయారు… ప్రేమ యవ్వారాలు ఏమీ వర్కవుట్ కావడం లేదు… మానస్, ప్రియాంక లవ్వు పెద్దగా జనానికి నచ్చడం లేదు… కాజల్, యానీ మాస్టర్ మ్యారీడ్… సిరికి బయట లవర్ ఉన్నా సరే, షన్నుకు కూడా ఉన్నా సరే వారి నడుమ లవ్ ట్రాకు పెద్దగా క్లిక్ కావడం లేదు… ఏదో బిగ్‌బాస్ టీం చెప్పినట్టు గిల్లికజ్జాలు నటిస్తున్నా సరే, హగ్గులు ముద్దులతో కవర్ చేస్తున్నా సరే పెద్దగా జనానికి ఇంట్రస్ట్ లేకుండా పోయింది… ఐనా సరే, ఇక చేసేదేముంది..? ఉన్న ఆ నలుగురిని కాపాడుకోవాలి, లేకపోతే హౌజులో ఈమాత్రం మజా లేదు, టోటల్‌గా ఈసారి బిగ్‌బాస్ టీం ఓ అట్టర్ ఫ్లాప్…

దాంతో ఏం జరిగింది, ఓ మగ పురుషుడిని బయటికి పంపించాలి… వోట్లలో తక్కువగా ఉన్నవాడు విశ్వ… దాంతో నువ్వు సూట్‌కేసు సర్దుకోరా భయ్ అని చెప్పేశారు… విశ్వ బయటికి వెళ్లిపోయాడు… తనకు పెద్దగా ఈ యాభై రోజుల్లో కంట్రవర్సీల్లో లేడు… జనానికి ఎందుకు నచ్చలేదో అర్థం కాదు… లక్కీగా షన్ను, జెస్సీ తప్పించుకుంటున్నారు… మరీ ప్రత్యేకించి షన్ను ఓ హోప్‌లెస్… విసిగించేస్తున్నాడు… కానీ మొన్నటిదాకా కెప్టెన్ కదా… ఏదో సిరితో ట్రాకులో పెట్టేశారు కదా, ప్రొటెక్ట్ చేస్తున్నారు… ఉన్నంతలో శ్రీరామచంద్ర కాస్త మెచ్యూర్డ్‌గా కనిపిస్తున్నాడు… రవి, కాజల్ బెటర్… కాజల్ గేమ్ ప్లేయర్… చాలామందికి అర్థం కాలేదు అది… కానీ తెలివైన ప్లేయర్… యానీ మాస్టర్ కూడా బెటరే కానీ, మనవాళ్లకు ఆడ లేడీస్‌ను చివరి దాకా తీసుకుపోయే అలవాటు, ఆనవాయితీ లేదు కాబట్టి, ఎన్నాళ్లు ఉంటుందో తెలియదు…

ఎలాగూ రీఎంట్రీలు, వైల్డ్ కార్డ్ ఎంట్రీలు గట్రా ఆలోచనలు ఏమీ కనిపించడం లేదు కాబట్టి… ఆలోచనలు ఉన్నా సరే, కొన్నాళ్లు ఇప్పటికిప్పుడు క్వారంటైన్ గట్రా కష్టం కాబట్టి ఉన్నవాళ్లతో కథ నడిపించాల్సిందే… సో, పొరపాటున జెస్సీ గనుక వచ్చేవారం ఎలిమినేషన్ జాబితో చేరితే తన మెడపై కత్తి వేలాడటం ఖాయం… పైగా తను ఎంటర్‌టెయినర్ కాదు… సన్నీకి కాస్త మూర్ఖత్వం, కానీ దూకుడు… ఆటను సరదాగా తీసుకుంటూ ఎంటర్‌టెయిన్ చేస్తున్నాడు… షన్ను అంటే బిగ్‌బాస్‌కు ప్రేమ… అదేదో ఫిక్సడ్ యవ్వారం అనేలా ఉంది… ఆ టీంలో కొందరికి శ్రీముఖి దగ్గర, శ్రీముఖికి రవి దగ్గర, కాబట్టి తననూ ప్రొటెక్ట్ చేస్తున్నారు అనే ప్రచారం కూడా ఉంది… హౌజులో మొదట్లో ఎక్కువగా లేడీ కంటెస్టెంట్లే ఉండేవాళ్లు, కానీ ఓ ముందస్తు ప్లానింగు లేక చకచకా చాలామందిని బయటికి పంపించేశారు… ఏం తెలివిరా భయ్… సో, రాబోయే రోజుల్లో కథ రసకందాయంలో పడేట్టుంది..!!