అదీ తెలుగు మీడియా టైప్ విషమే… రష్యాపై అబద్ధపు కథనాల అడ్డగోలు దాడి…

2004 లో ఇరాక్ లోని ఫల్లూఝ [AL-FALLUJHA ] పోరాటం !

ఇరాక్ లోని ఫాల్లుఝా అనేది అటు పట్టణం కాదు ఇటు గ్రామం కూడా కాదు. మధ్యస్తంగా ఉంటుంది. అక్కడ నాటో దళాలు పోరాడింది ముస్లిం గెరిల్లా దళంతో. ఇరాకీ సైన్యం కూడా నాటో దళాలతో కలిసి తిరుగుబాటు గెరిల్లాలతో పోరాటం చేసింది. అత్యాధునిక ఆయుధాలు, GPS తో పాటు ఆహారం, మందులు, ఆయుధాలు అన్నీ హెలీకాప్టర్ల ద్వారా సరఫరా అయ్యాయి నాటో దళాలకి… మరి తిరుగుబాటు గెరిల్లాలకి ? వాళ్ళ దగ్గర ఉన్నవి కేవలం AK-47 తుపాకులు, RPG లు…. అవీ సోవియట్ హయాం నాటివి. వాళ్లకి బుల్లెట్లు, గ్రనేడ్లు కూడా తగినంత లేవు…

మరి గుప్పెడు తిరుగుబాటు గెరిల్లాలతో నాటో దళాలు పోరాడింది ఎన్ని రోజులు? 7 Nov 2004 – 23 Dec 2004 వరకు అంటే 46 రోజులు పట్టింది ఫల్లూజాని స్వాధీనం చేసుకోవడానికి నాటో దళాలకి… నాటో సైన్యంలో చనిపోయింది 110 మంది… ఇంకా నాటో దళాలు ఫీల్డ్ ఆర్టిలరీ గన్స్ ని కూడా ఉపయోగించాయి. వీళ్ళకి సపోర్ట్ గా అపాచీ గన్ ships కూడా సహకరించాయి. పట్టుమని 3 వేల మంది కూడా లేని, ఎలాంటి అత్యాధునిక ఆయుధాలు లేని గెరిల్లాలని పట్టుకోవడానికి పట్టింది అక్షరాలా 46 రోజులు! SECOND BATTLE OF FALLUJHA అని గూగుల్ లో టైపు చేస్తే వికీ పేజీ ఓపెన్ అవుతుంది ఆసక్తి ఉన్నవాళ్ళు చదువుకోవచ్చు.

అదే ఉక్రెయిన్ లోని చిన్న పట్టణాల దగ్గర నుండి రెండవ అతి పెద్ద నగరం ఖార్ఖీవ్ మరియు రాజధాని కీవ్ లలో చాటుగా అమెరికన్ స్పెషల్ ఫోర్స్ దళాలున్నయ్… ఉక్రెయిన్ సైనికులకి శాటిలైట్ ఇమేజెస్ ద్వారా ఎప్పటికప్పుడు రష్యన్ దళాలు ఎటు వైపు వస్తున్నాయి, వాళ్ళని ఎలా ఎదుర్కోవాలో సలహాలు సూచనలతో పాటు… బ్రిటన్ NLAW ATGM, అమెరికన్ జావెలిన్ ATGM లు ఇచ్చి మరీ సహకరిస్తున్నప్పుడు ఆలస్యం కాక ఏమవుతుంది ?

ప్రజలకి అత్యాధునిక ఆయుధాలు ఇచ్చి రష్యన్ పదాతి దళాలకి అడ్డుగా నిలబెడుతున్నది ఎవరు ? రష్యన్ సైనికులు ప్రజల చేతిలో ఆయుధాలు ఉన్నా వాళ్ళని ఏమీ చెయ్యట్లేదు. పక్కకి తప్పుకొని వెళ్ళిపోతున్నారు. కొన్ని చోట్ల వెనక్కి వెళ్ళిపోతున్నారు. ఇక చేతిలో ఆయుధం పట్టుకొని ఎవరు ఉన్నా వాళ్ళని శత్రువుగా భావించి చంపే హక్కు ఉంటుంది ఎదుటి సైన్యానికి… రష్యన్ సైనికులు అలా చెయ్యట్లేదు కానీ వీళ్ళ వెనుక BBC కానీ SKY NEWS కెమెరాలు లేవు.

అదే ప్రతీ నాటో ఆమెరికన్ యుద్ధ దృశ్యాలని వీరోచితంగా షూట్ చేసి అవి యూట్యూబ్ లో పెట్టి డబ్బు సంపాదించుకున్నారు గతంలో. అవీ తమకి అనుకూలంగా ఉన్న దృశ్యాలని మాత్రమే ఎడిట్ చేసి పెట్టారు. ఎంతమంది అమాయక ముస్లిం ప్రజలని చంపలేదు నాటో దళాలు ? అప్పుడు ఎవరూ సేవ్ లిబియా, SAVE ఇరాక్, SAVE సిరియా అని మొత్తుకోలేదు ఎందుకు ? డబుల్ స్టాండర్డ్స్ ! విచిత్రం ఏమిటంటే తోటి ముస్లిం దేశాల మీద పడి అమెరికా దాని తొత్తులు విచ్చలవిడిగా అమాయక ప్రజలని లక్షల్లో చంపినపుడు ఏ ముస్లిం దేశం నోరు ఎత్తలేదు ! అయ్యో పాపం అన్న వాళ్ళే లేరు… ఎందుకంటే అది చేస్తున్నది చేసింది అమెరికా నాటో దళాలు కాబట్టి !

అసలు విషయం ఏమిటంటే మొదటి మూడు రోజులు పుతిన్ ఉక్రెయిన్ లోకి పంపించింది సాధారణ సైనికులు. వాళ్లకి రోజుకి $7 జీతం ఇచ్చాడు. ప్రాధమిక శిక్షణ పొందిన వాళ్ళు మాత్రమే. మొదట ఉక్రెయిన్ లో వాళ్లే వెళ్ళింది ఎందుకంటే పుతిన్ కి ఉక్రెయిన్ ప్రజలు ఆయుధాలు పట్టుకొని తిరుగుతున్నారని తెలుసు. వాళ్ళతో తమ సైనికులు తలపడడం ఇష్టం లేదు. అందుకే మూడో రోజు తరువాత అసలు సైన్యాన్ని రంగంలోకి దించాడు.

మరి మొదటి రోజునే ఉక్రెయిన్ ఎయిర్ డిఫెన్స్ ని మొత్తం నాశనం చేసిన సంగతి ఎందుకు చెప్పట్లేదు ఈ మీడియా ? రెండో రోజున వెయ్యికి పైగా మిలటరీ స్థావరాలు కావచ్చు ఆయుధ ఫాక్టరీలు కావచ్చు, ఉక్రెయిన్ ఎయిర్ బేస్ లు కావొచ్చు మొత్తం ధ్వంసం చేసేసాడు తన ఎయిర్ ఫోర్స్ తో ! ఉక్రెయిన్ ఎయిర్ స్పేస్ ని తన అధీనంలోకి తీసేసుకున్నాడు మూడో రోజుకి. వీలున్నంత వరకు ఉక్రెయిన్ ప్రజలని చంపకూడదు అనేదే పుతిన్ ఉద్దేశ్యం !

చివరగా ఒక ప్రశ్న ! రెండు లక్షల మంది యాక్టివ్ సైన్యం ఉన్న ఉక్రెయిన్ కి ప్రజలకి ఆయుధాలు ఇచ్చి పోరాడాల్సిన అవసరం ఎందుకు వచ్చింది ? అంటే ఎక్కువ శాతం సైన్యం ముందే సరిహద్దులు దాటి పక్క దేశాలకి వెళ్లి పోయాయా? గుంట నక్క వోలోదిమిర్ జేలేన్ స్కి బంగారంతో పాటు విలువయిన సంపదని ముందే తన సైనికుల చేత దేశం దాటించాడా..? రెండు లక్షల యాక్టివ్ సైన్యంలో దాదాపుగా సగం మందిని దేశం దాటించి అమాయక ప్రజలని దేశ భక్తి పేరుతో రెచ్చగొట్టి బలి పశువులని చేస్తున్నాడు జేలేన్ స్కీ !

పుతిన్ గట్టిగా ఆదేశాలు ఇస్తే మూడు రోజుల్లోనే ఉక్రెయిన్ వశం అయ్యి ఉండేది కానీ ప్రజలని స్కీ రాజకీయంగా మోటివేట్ చేసి తనకి వ్యతిరేకంగా ఉసిగొల్పుతున్నాడు అని పుతిన్ కి తెలుసు. రేప్పొద్దున తనకి అనుకూలుడు అయిన అధ్యక్షుడిని ఉక్రెయిన్ లో ఉంచాలి అంటే ప్రజల మద్దతు అవసరం ఈ సంగతి కూడా తెలుసు. అందుకే తను నష్టపోతున్నా లెక్క చేయక కేవలం సైనికులనే టార్గెట్ చేస్తూ వెళ్ళడం వలన స్వాధీనం చేసుకోవడానికి ఆలస్యం అవుతున్నది… అదీ సంగతి…